إرْمِيا 42:7 - الكتاب المقدس بالعربي الدارجي هنا تشاد

⁷ وَ بَعَدْ عَشَرَةْ يَوْم، اللّٰهْ حَجَّى لِإِرْمِيَا.

إرْمِيا 42:7 Referenca të Kryqëzuara

زَبُور 27:14

خُطّ عَشَمَكْ فِي اللّٰهْ وَ أَبْقَى شَدِيدْ وَ فَحَلْ. أَيْوَى، خُطّ عَشَمَكْ فِي اللّٰهْ.

إشَعْيا 28:16

وَ فِي شَانْ دَا، دَاهُو اللّٰهْ الرَّبّ قَالْ: أَنَا خَطَّيْت حَجَرْ فِي صَهْيُون وَ دَا حَجَرْ زَاوِيَةْ غَالِي وَ مُجَرَّبْ لِيِسَوِّي الْأَسَاسْ قَوِي. وَ أَيِّ نَادُمْ الْيِآمِنْ بَيَّهْ أَبَداً مَا يَقَعْ.

حَبَقُوق 2:3

أَشَانْ الرُّؤْيَةْ دِي، الْوَكِتْ الْمُحَدَّدْ لَيْهَا لِسَّاعْ مَا جَاءْ. وَ لَاكِنْ أَكِيدْ هِي تَجِي فِي وَكِتْهَا! أَبَداً مَا تَكْدِبْ. وَ كَنْ أَخَّرَتْ كُلَ، أَرْجَاهَا أَشَانْ أَكِيدْ هِي تَجِي بَلَا تَأخِيرْ.

إشَعْيا 30:18

وَ فِي شَانْ دَا، اللّٰهْ يَرْجَى الْوَكِتْ الْمُنَاسِبْ لِيِحِنّ فَوْقكُو وَ يَرْحَمْكُو أَشَانْ اللّٰهْ الرَّبّ هُو عَادِلْ. مَبْرُوكْ لِكُلَّ النَّاسْ الْيُخُطُّوا عَشَمْهُمْ فَوْقَهْ!

إرْمِيا 42:8

وَ خَلَاصْ، إِرْمِيَا نَادَى يُوحَنَانْ وِلَيْد قَارِحْ وَ كُلَّ كُبَارَاتْ الرُّجَالْ الْمُسَلَّحِينْ الْمَعَايَهْ وَ كُلَّ الشَّعَبْ مِنْ الضَّعِيفْ لَحَدِّي الْقَادِرْ.

حِزْقِيال 3:16

وَ بَعَدْ السَّبْعَةْ يَوْم دَا، اللّٰهْ حَجَّى لَيِّ وَ قَالْ:

إرْمِيا 40:1

وَ إِرْمِيَا أَنْلَقَى مُجَنْزَرْ بِجَنَازِيرْ فِي أُسْط الْمَسَاجِينْ هَنَا مَدِينَةْ الْقُدُسْ وَ يَهُوذَا الْيِدَوْرُوا يِوَدُّوهُمْ فِي الْغُرْبَةْ فِي بَابِلْ. وَ لَاكِنْ نَبُوزَرَدَانْ كَبِيرْ الْحُرَّاسْ مَرَقَهْ مِنْ أُسْط الْمَسَاجِينْ وَ خَلَّاهْ يَمْشِي مِنْ الرَّامَةْ. وَ بَعَدْ دَا، اللّٰهْ حَجَّى لِإِرْمِيَا.