إرْمِيا 42:15 - الكتاب المقدس بالعربي الدارجي هنا تشاد

¹⁵ يَا إِنْتُو الْفَضَّلْتُوا مِنْ بَنِي يَهُوذَا، أَسْمَعَوْا كَلَامْ اللّٰهْ! دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ‹كَنْ وَجَّهْتُوا عَلَيْ مَصِرْ لِتَمْشُوا تَسْكُنُوا فَوْقهَا،

إرْمِيا 42:15 Referenca të Kryqëzuara

تَثْنِية 17:16

وَ خَلِّي الْمَلِكْ دَا مَا يِكَتِّرْ الْخَيْل وَ لَا يِقَبِّلْ الشَّعَبْ فِي مَصِرْ لِيِجِيبُوا خَيْل أَشَانْ اللّٰهْ قَالْ لَيْكُو: «أَبَداً بَتَّانْ مَا تِقَبُّلُوا بِالدَّرِبْ دَا.»

إرْمِيا 42:17

كُلَّ النَّاسْ الْوَجَّهَوْا عَلَيْ مَصِرْ لِيَمْشُوا يَسْكُنُوا فَوْقهَا دَا يُمُوتُوا بِالْحَرِبْ وَ الْجُوعْ وَ الْوَبَاءْ. وَ وَاحِدْ مِنْهُمْ كُلَ مَا يِفَضِّلْ حَيّ مِنْ الْفَسَالَةْ النِّنَزِّلْهَا فَوْقهُمْ.›

لُوقا 9:51

وَ الْوَكِتْ الْيِنْرَفِعْ فَوْقَهْ عِيسَى فِي السَّمَاءْ قَرَّبْ. وَ أَشَانْ دَا، هُو قَرَّرْ وَ شَالْ نِيَّةْ لِيِوَجِّهْ عَلَيْ مَدِينَةْ الْقُدُسْ.

دَنْيال 11:17

وَ مَلِكْ سُورِيَا يِشِيلْ نِيَّةْ يَجِي بِقُوَّاتْ مَمْلَكَتَهْ لِيِشِيلْ مَصِرْ. وَ يِسَوِّي مَعَ الْمَلِكْ عَلَاقَةْ وَ يَنْطِي بِنَيِّتَهْ أَشَانْ يِدَمِّرْ مَصِرْ وَ لَاكِنْ خِطِّتَهْ دِي تَفْشُلْ.

تكوين 31:21

وَ جَرَى بِكُلَّ شَيّءْ الْعِنْدَهْ وَ شَقَّ بَحَرْ الْفُرَاتْ وَ وَجَّهْ عَلَيْ جِبَالْ قِلْعَادْ.

إرْمِيا 27:8

«‹”وَ هَسَّعْ، أَيِّ أُمَّةْ أَوْ مَمْلَكَةْ التَّابَى مَا تَخْدِمْ لِنَبُوخَدْنَصَرْ مَلِكْ بَابِلْ وَ لَا تِدَنْقِرْ رَقَبَتْهَا لِتَقَلَةْ دَامِي الْمَلِكْ، أَنَا نِعَاقِبْ الْأُمَّةْ دِي بِالْحَرِبْ وَ بِالْجُوعْ وَ بِالْوَبَاءْ لَحَدِّي نِكَمِّلْهَا مَرَّةْ وَاحِدْ بِإِيدْ الْمَلِكْ. وَ دَا كَلَامْ اللّٰهْ.

إرْمِيا 44:24

وَ بَتَّانْ إِرْمِيَا قَالْ لِكُلَّ الشَّعَبْ وَ لِكُلَّ الْعَوِينْ: «إِنْتُو كُلُّكُو بَنِي يَهُوذَا الْقَاعِدِينْ فِي مَصِرْ، أَسْمَعَوْا كَلَامْ اللّٰهْ.