إرْمِيا 42:14 - الكتاب المقدس بالعربي الدارجي هنا تشاد

¹⁴ وَ أَكُونْ تُقُولُوا: ‹لَا! أَنِحْنَ نَمْشُوا مَصِرْ وَ هِنَاكْ وَ لَا نِشِيفُوا حَرِبْ وَ لَا نَسْمَعَوْا حِسّ بُرُنْجِي وَ لَا يِقَصِّرْ لَيْنَا أَكِلْ. وَ دَا بَسْ الْبَكَانْ الْأَنِحْنَ نَسْكُنُوا فَوْقَهْ.›

إرْمِيا 42:14 Referenca të Kryqëzuara

إرْمِيا 41:17

هُمَّنْ مَشَوْا لَحَدِّي بَيْت الضِّيفَانْ الْفِي كِمْهَامْ قَرِيبْ لِبَيْت لَحَمْ. وَ مِنْ هِنَاكْ، يِدَوْرُوا يَمْشُوا لِمَصِرْ

إرْمِيا 4:19

وَ إِرْمِيَا قَالْ: «بُطُونِي! بُطُونِي حِرْقَوْا! أَنَا نِتَّنَّ مِنْ الْوَجَعْ وَ قَلْبِي يَضْرُبْ. وَ نَفْسِي مُبَرْجَلَةْ وَ مَا نَقْدَرْ نَسْكُتْ. أَشَانْ أَنَا سِمِعْت حِسّ الْبُوقْ وَ كُرَوْرَاكْ الْحَرِبْ.

إرْمِيا 4:21

لَحَدِّي مَتَى نِشِيفْ رَايَةْ الْحَرِبْ وَ نَسْمَعْ حِسّ الْبُوقْ؟»

إشَعْيا 31:1

الْعَذَابْ لِلنَّاسْ الْيَنْزُلُوا فِي مَصِرْ لِلْفَزَعْ وَ يِنْتَكْلُوا عَلَيْ الْخَيْل وَ يِتْوَكَّلَوْا عَلَيْ عَرَبَاتْ الْحَرِبْ أَشَانْ هُمَّنْ كَتِيرِينْ وَ يِتْوَكَّلَوْا عَلَيْ سِيَادْ الْخَيْل أَشَانْ هُمَّنْ عِنْدُهُمْ قُدْرَةْ. وَ لَاكِنْ النَّاسْ دَوْل مَا عِنْدُهُمْ فِكِرْ فِي قُدُّوسْ إِسْرَائِيلْ وَ هُمَّنْ مَا يِفَتُّشُوا اللّٰهْ.

خُروج 16:3

وَ قَالَوْا لَيْهُمْ: «أَخَيْر لَيْنَا كَنْ اللّٰهْ كَتَلَانَا فِي بَلَدْ مَصِرْ وَكِتْ أَنِحْنَ شَبْعَانِينْ جَنْب الْبُرَامْ هَنَا اللَّحَمْ. وَ لَاكِنْ إِنْتُو مَرَقْتُونَا فِي الصَّحَرَاء دِي لِنُمُوتُوا كُلِّنَا مِنْ الْجُوعْ!»

إرْمِيا 43:7

النَّاسْ دَوْل مَشَوْا لِحِلَّةْ تَحْفَنِيسْ فِي مَصِرْ أَشَانْ هُمَّنْ مَا سِمْعَوْا كَلَامْ اللّٰهْ.

إشَعْيا 30:16

وَ قُلْتُوا: ‹لَا! أَنِحْنَ نِعَرُّدُوا بِخَيْل.› خَلَاصْ، عَرُّدُوا! وَ قُلْتُوا بَتَّانْ: ‹فِي الْجَرَّايِينْ، نَرْكَبَوْا.› خَلَاصْ، الْيِطَارُدُوكُو كُلَ يَبْقَوْا جَرَّايِينْ!

تَثْنِية 29:19

وَ خَلِّي أَيِّ نَادُمْ قَلْبَهْ مَا يِنْغَشَّ بَعَدْ الْحَلِيفَةْ دِي وَ يِبَارِكْ نَفْسَهْ وَ يُقُولْ: «أَنَا لِقِيتْ السَّلَامْ أَشَانْ رَاسِي قَوِي وَ نِتَابِعْ فِكْرِي وَ صَحِيحْ الْأَرْض الْمَطْرَانَةْ مَا عَطْشَانَةْ.»

عَدد 16:13

إِنْتَ مَرَقْتِنَا مِنْ بَلَدْ الْمَلَانَةْ بِاللَّبَنْ وَ الْعَسَلْ وَ جِبْتِنَا نُمُوتُوا فِي الصَّحَرَاء دِي. دَا مَا تَمَّاكْ وَلَّا؟ وَ بَيْدَا كُلَ، بَتَّانْ تِدَوْر تَحْكِمْ فَوْقنَا؟

خُروج 17:3

وَ الشَّعَبْ الْعَطَشْ سَوَّاهُمْ بِزِيَادَةْ وَ قَمَّوْا يُلُومُوا مُوسَى وَ قَالَوْا: «مَالَا مَرَقْتِنَا مِنْ مَصِرْ لِتَكْتُلْنَا أَنِحْنَ وَ عِيَالْنَا وَ بَهَايِمْنَا بِالْعَطَشْ؟»

عَدد 14:3

مَالَا اللّٰهْ يِوَدِّينَا فِي الْبَلَدْ دِي أَشَانْ يَكْتُلُونَا بِالْسَّيْف؟ وَ عِيَالْنَا وَ عَوِينَّا يَبْقَوْا كَسِيبَةْ. وَ دَا أَخَيْر لَيْنَا كَنْ نِقَبُّلُوا فِي بَلَدْ مَصِرْ.»

عَدد 14:4

وَ قَالَوْا أَمْبَيْنَاتْهُمْ: «يَلَّا نُخُطُّوا لَيْنَا شَيْخ آخَرْ وَ نِقَبُّلُوا فِي بَلَدْ مَصِرْ.»

تَثْنِية 17:16

وَ خَلِّي الْمَلِكْ دَا مَا يِكَتِّرْ الْخَيْل وَ لَا يِقَبِّلْ الشَّعَبْ فِي مَصِرْ لِيِجِيبُوا خَيْل أَشَانْ اللّٰهْ قَالْ لَيْكُو: «أَبَداً بَتَّانْ مَا تِقَبُّلُوا بِالدَّرِبْ دَا.»

إشَعْيا 30:2

وَ هُمَّنْ نَزَلَوْا فِي مَصِرْ بَلَا مَا يَسْأَلَوْنِي. وَ دَا لِيِفَتُّشُوا حِمَايَةْ مِنْ فِرْعَوْن، أَيْوَى، لِيَلْقَوْا مَلْجَأْ فِي مَصِرْ.