إرْمِيا 41:8 - الكتاب المقدس بالعربي الدارجي هنا تشاد

⁸ وَ لَاكِنْ فِي أُسْط الرُّجَالْ دَوْل فِي عَشَرَةْ مِنْهُمْ قَالَوْا لِإِسْمَاعِيلْ: «مَا تَكْتُلْنَا أَشَانْ أَنِحْنَ لَبَّدْنَا مَعَاشْ كَتِيرْ فِي الْكَدَادَةْ، قَمَحْ أَحْمَرْ وَ قَمَحْ أَبْيَضْ وَ دِهِنْ وَ عَسَلْ.» وَ خَلَاصْ، هُو مَا كَتَلَاهُمْ مَعَ أَخْوَانْهُمْ.

إرْمِيا 41:8 Referenca të Kryqëzuara

أمْثال 13:8

الْغَنِيْ بِمَالَهْ يَفْدَى نَفْسَهْ وَ لَاكِنْ الْفَقْرِي، مَا فِي نَادُمْ يَكُرْبَهْ.

أيُّوب 2:4

وَ إِبْلِيسْ رَدَّ لِلّٰهْ وَ قَالْ: «أَيْوَى! النَّفِسْ عَزِيزَةْ! الْإِنْسَانْ يَنْطِي كُلَّ شَيّءْ الْعِنْدَهْ لِيِنَجِّي حَيَاتَهْ

مَتَّى 16:26

وَ كَنْ نَادُمْ رِبِحْ كُلَّ الْمَالْ الْفِي الدُّنْيَا وَ وَدَّرْ نَفْسَهْ، فَايْدِتَهْ شُنُو؟ أَوْ نَادُمْ يَنْطِي شُنُو فِي بَدَلْ نَفْسَهْ؟

مَتَّى 6:25

«وَ فِي شَانْ دَا، نُقُولْ لَيْكُو مَا تِهِمُّوا لِحَيَاتْكُو فِي شَانْ الْأَكِلْ وَ الشَّرَابْ وَ مَا تِهِمُّوا لِجِلِدْكُو فِي شَانْ الْخُلْقَانْ. الْحَيَاةْ مَا أَخَيْر مِنْ الْأَكِلْ وَلَّا؟ وَ الْجِلِدْ مَا أَخَيْر مِنْ الْخُلْقَانْ وَلَّا؟

إشَعْيا 45:3

أَنَا نَنْطِيكْ كَنْز الْمَدْفُونْ فِي الضَّلَامْ وَ الْغُنَى الْمُلَبَّدَةْ. وَ بَيْدَا، إِنْتَ تَعَرِفْ كَدَرْ أَنَا اللّٰهْ بَسْ نَادَيْتَكْ بِأُسْمَكْ، أَنَا إِلٰـهْ بَنِي إِسْرَائِيلْ.

إرْمِيا 41:9

وَ النُّقْرَةْ الْإِسْمَاعِيلْ دَفَّقْ فَوْقَهْ الْجِثَثْ هَنَا النَّاسْ الْكَتَلَاهُمْ فِي بَكَانْ قَدَالْيَا، هِي النُّقْرَةْ الزَّمَانْ نَكَتْهَا آسَا مَلِكْ مَمْلَكَةْ يَهُوذَا وَكِتْ هُو قَاعِدْ يِدَافِعْ لِبَلَدَهْ ضِدّ بَعَاشَى مَلِكْ مَمْلَكَةْ إِسْرَائِيلْ. وَ النُّقْرَةْ دِي، إِسْمَاعِيلْ مَلَاهَا بِجِثَثْ النَّاسْ الْهُو كَتَلَاهُمْ.