إرْمِيا 41:10 - الكتاب المقدس بالعربي الدارجي هنا تشاد

¹⁰ وَ بَعَدْ دَا، إِسْمَاعِيلْ كَرَبْ كُلَّ الشَّعَبْ الْفَضَّلَوْا فِي مِصْفَةْ مَسَاجِينْ وَ هُمَّنْ بَنَاتْ الْمَلِكْ وَ كُلَّ النَّاسْ الْفَضَّلَوْا فِي مِصْفَةْ. وَ دَوْل النَّاسْ النَّبُوزَرَدَانْ كَبِيرْ الْحُرَّاسْ أَمَّنَاهُمْ لِقَدَالْيَا. وَ إِسْمَاعِيلْ كَرَبَاهُمْ مَسَاجِينْ وَ مَشَى بَيْهُمْ عَلَيْ بَلَدْ بَنِي عَمُّونْ.

إرْمِيا 41:10 Referenca të Kryqëzuara

إرْمِيا 40:14

وَ قَالَوْا لَيَّهْ: «إِنْتَ مَا عِنْدَكْ خَبَرْ كَدَرْ بَعَلِيسْ مَلِكْ بَنِي عَمُّونْ كَلَّفْ إِسْمَاعِيلْ وِلَيْد نَتَنْيَا لِيَكْتُلَكْ وَلَّا؟» وَ لَاكِنْ قَدَالْيَا أَبَى مَا صَدَّقْ كَلَامْهُمْ.

إرْمِيا 40:7

وَ فِيَّهْ رُجَالْ وَاحِدِينْ مُسَلَّحِينْ مِنْ بَنِي يَهُوذَا قَاعِدِينْ فِي الْكَدَادَةْ. وَ الرُّجَالْ دَوْل وَ كُبَارَاتْهُمْ سِمْعَوْا كَدَرْ مَلِكْ بَابِلْ خَطَّ قَدَالْيَا وِلَيْد أَخِقَامْ حَاكِمْ فِي بَلَدْ يَهُوذَا. وَ الْمَلِكْ أَمَّنَهْ الرُّجَالْ وَ الْعَوِينْ وَ الْعِيَالْ وَ الْمَسَاكِينْ الْمَا كَرَبَوْهُمْ وَ وَدَّوْهُمْ فِي الْغُرْبَةْ فِي بَابِلْ.

نَحَمْيا 2:19

وَ سَنْبَلَطْ الْمِنْ حِلَّةْ حُرُونْ وَ طُوبِـيَّا الْمَسْؤُولْ فِي بَنِي عَمُّونْ وَ قَشَامْ الْعَرَبِي، وَكِتْ سِمْعَوْا الْخَبَرْ دَا، قَمَّوْا يَحْقُرُونَا وَ يِشَّمَّتَوْا فَوْقنَا وَ يُقُولُوا: «التِّسَوُّوهْ دَا شُنُو؟ تِدَوْرُوا تُقُمُّوا ضِدّ الْمَلِكْ وَلَّا؟»

نَحَمْيا 2:10

وَ هِنَاكْ، فِيَّهْ نَاسَيْن الْأُسُمْهُمْ سَنْبَلَطْ مِنْ حِلَّةْ حُرُونْ وَ طُوبِـيَّا مَسْؤُولْ فِي بَنِي عَمُّونْ. وَكِتْ النَّاسَيْن دَوْل سِمْعَوْا بِجَيْتِي، بِقِي لَيْهُمْ قَاسِي مَرَّةْ وَاحِدْ أَشَانْ مَا بِدَوْرُوا نَادُمْ يِسَوِّي الْخَيْر لِبَنِي إِسْرَائِيلْ.

إرْمِيا 39:6

وَ مَلِكْ بَابِلْ دَبَحْ أَوْلَادْ صِدْقِيَّا قِدَّامَهْ فِي رِبْلَةْ وَ بَتَّانْ دَبَحْ كُلَّ شُيُوخْ يَهُوذَا.

إرْمِيا 22:30

وَ دَاهُو اللّٰهْ قَالْ: «سَجُّلُوا الرَّاجِلْ دَا مِثِلْ نَادُمْ مَا وِلِدْ وَ مَا نَجَحْ فِي حَيَاتَهْ. وَ مِنْ عِيَالَهْ كُلَ، مَا فِي وَاحِدْ يَنْجَحْ لِيَقْعُدْ فِي كُرْسِي الْمُلُكْ هَنَا دَاوُدْ وَ يَحْكِمْ فِي يَهُوذَا.»

إرْمِيا 38:23

«وَ كُلَّ عَوِينَكْ وَ عِيَالَكْ يَكُرْبُوهُمْ وَ يِوَدُّوهُمْ لِلْبَابِلِيِّينْ. وَ إِنْتَ ذَاتَكْ مَا تَنْجَى مِنْ مَلِكْ بَابِلْ. هُو يَكُرْبَكْ وَ يِحَرِّقْ الْمَدِينَةْ دِي.»