إرْمِيا 40:9 - الكتاب المقدس بالعربي الدارجي هنا تشاد

⁹ وَ قَدَالْيَا وِلَيْد أَخِقَامْ وِلَيْد شَافَانْ حَجَّى لِلْكُبَارَاتْ دَوْل وَ نَاسْهُمْ وَ قَالْ: «مَا تَخَافَوْا مِنْ سُلْطَةْ الْبَابِلِيِّينْ. أَقْعُدُوا فِي الْبَلَدْ وَ أَخْدُمُوا تِحِتْ سُلْطَةْ مَلِكْ بَابِلْ وَ أَكِيدْ دَا يَبْقَى لَيْكُو عَدِيلْ.

إرْمِيا 40:9 Referenca të Kryqëzuara

إرْمِيا 27:11

وَ لَاكِنْ لِلْأُمَّةْ التِّدَنْقِرْ رَقَبَتْهَا لِتَقَلَةْ دَامِي مَلِكْ بَابِلْ وَ تَخْدِمْ لَيَّهْ، أَنَا نَنْطِيهَا الرَّاحَةْ فِي أَرْضَهَا أَشَانْ نَاسْهَا يَسْكُنُوا فَوْقهَا وَ يَخْدُمُوهَا.“›» وَ دَا كَلَامْ اللّٰهْ.

2 مُلوك 25:24

وَ قَدَالْيَا حَلَفْ لَيْهُمْ وَ لِنَاسْهُمْ وَ قَالْ: «مَا تَخَافَوْا مِنْ مَسَائِيلْ الْبَابِلِيِّينْ. أَقْعُدُوا فِي الْبَلَدْ وَ أَخْدُمُوا تِحِتْ سُلْطَةْ مَلِكْ بَابِلْ وَ أَكِيدْ دَا يَبْقَى لَيْكُو عَدِيلْ.»

زَبُور 128:2

وَ إِنْتَ تَفْرَحْ بِالْمَعَاشْ التَّلْقَى مِنْ خِدِمْتَكْ وَ تِنْبَسِطْ وَ تَلْقَى الْخَيْر.

زَبُور 37:3

أَتْوَكَّلْ عَلَيْ اللّٰهْ وَ سَوِّي الْخَيْر وَ فِي الْبَلَدْ، تَسْكُنْ بِأَمَانْ.

تكوين 49:15

هُو شَافْ الْبَكَانْ الرَّاقِدْ فَوْقَهْ دَا سَمَحْ وَ الْبَلَدْ دِي حَلُوَّةْ. وَ دَنْقَرْ لِيِشِيلْ التَّقَلَةْ وَ قَصَّدْ لِيَخْدِمْ مِثِلْ عَبِدْ.

مَراثِي إرْمِيا 1:1

يَا السَّلَامْ! الْمَدِينَةْ أَمْ شَعَباً كَتِيرْ بِقَتْ مَعْزُولَةْ مِثِلْ أَرْمَلَةْ مَا عِنْدَهَا مُسَاعَدَةْ. أَوَّلْ، هِي فِي الْأُمَمْ سَيِّدَةْ وَ الْيَوْم، بِقَتْ خَادِمْ مَمْلُوكَةْ.

مَراثِي إرْمِيا 5:9

لِنِفَتُّشُوا الْأَكِلْ، نَدْخُلُوا فِي الْخُطُورَةْ مَعَ رَبَّاطِينْ الدُّرُوبْ فِي الصَّحَرَاءْ.