إرْمِيا 40:7 - الكتاب المقدس بالعربي الدارجي هنا تشاد

⁷ وَ فِيَّهْ رُجَالْ وَاحِدِينْ مُسَلَّحِينْ مِنْ بَنِي يَهُوذَا قَاعِدِينْ فِي الْكَدَادَةْ. وَ الرُّجَالْ دَوْل وَ كُبَارَاتْهُمْ سِمْعَوْا كَدَرْ مَلِكْ بَابِلْ خَطَّ قَدَالْيَا وِلَيْد أَخِقَامْ حَاكِمْ فِي بَلَدْ يَهُوذَا. وَ الْمَلِكْ أَمَّنَهْ الرُّجَالْ وَ الْعَوِينْ وَ الْعِيَالْ وَ الْمَسَاكِينْ الْمَا كَرَبَوْهُمْ وَ وَدَّوْهُمْ فِي الْغُرْبَةْ فِي بَابِلْ.

إرْمِيا 40:7 Referenca të Kryqëzuara

إرْمِيا 39:10

وَ لَاكِنْ شَعَبْ وَاحِدِينْ مَسَاكِينْ الْمَا يَمُلْكُوا أَرْض، نَبُوزَرَدَانْ أَنْطَاهُمْ إِذِنْ أَشَانْ يِفَضُّلُوا فِي بَلَدْ يَهُوذَا. وَ فِي الْيَوْم دَا، هُو قَسَّمْ لَيْهُمْ جِنَيْنَاتْ عِنَبْ وَ زِرَاعَةْ.

حِزْقِيال 45:16

وَ كُلَّ شَعَبْ الْبَلَدْ يِجِيبُوا زَكَاتْهُمْ لِمَلِكْ بَنِي إِسْرَائِيلْ.

إرْمِيا 39:4

وَ مِنْ شَافَوْا النَّاسْ دَوْل، صِدْقِيَّا مَلِكْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا مِنْ الْمَدِينَةْ بِاللَّيْل. وَ دَا بِدَرِبْ جِنَيْنَةْ الْمَلِكْ بِالْبَابْ الْقَاعِدْ أَمْبَيْن الدَّرَادِرْ الْإِتْنَيْن هَنَا الدِّفَاعْ. وَ هُمَّنْ مَرَقَوْا بِالدَّرِبْ الْمَاشِي عَلَيْ وَادِي الْأُرْدُنْ.

2 مُلوك 25:4

قَدَّوْا خُرْمَةْ فِي دُرْدُرْ الْمَدِينَةْ. وَ خَلَاصْ بِاللَّيْل، مَلِكْ مَمْلَكَةْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا. هُمَّنْ مَرَقَوْا بِالدَّرِبْ الْقَاعِدْ أَمْبَيْنَاتْ الدَّرَادِرْ الْإِتْنَيْن هَنَا الدِّفَاعْ الْقَرِيبْ لِجِنَيْنَةْ الْمَلِكْ حَتَّى كَانْ الْبَابِلِيِّينْ مُحَوِّقِينْ الْمَدِينَةْ كُلَ. وَ الْمَلِكْ صِدْقِيَّا شَالْ الدَّرِبْ الْمَاشِي عَلَيْ وَادِي الْأُرْدُنْ.

2 مُلوك 25:12

وَ لَاكِنْ كَبِيرْ الْحُرَّاسْ خَلَّى وَاحِدِينْ مِنْ مَسَاكِينْ الْبَلَدْ لِيَحَرْتُوا الْعِنَبْ وَ الزِّرَاعَةْ.

إرْمِيا 41:11

وَ يُوحَنَانْ وِلَيْد قَارِحْ وَ كُلَّ كُبَارَاتْ الرُّجَالْ الْمُسَلَّحِينْ الْمَعَايَهْ سِمْعَوْا بِكُلَّ الْفَسَالَةْ السَّوَّاهَا إِسْمَاعِيلْ وِلَيْد نَتَنْيَا.

إرْمِيا 43:6

وَ شَالَوْا بَتَّانْ الرُّجَالْ وَ الْعَوِينْ وَ الْعِيَالْ وَ بَنَاتْ الْمَلِكْ وَ كُلَّ النَّاسْ النَّبُوزَرَدَانْ كَبِيرْ الْحُرَّاسْ أَمَّنَاهُمْ لِقَدَالْيَا وِلَيْد أَخِقَامْ وِلَيْد شَافَانْ. وَ شَالَوْا مَعَاهُمْ بَتَّانْ النَّبِي إِرْمِيَا وَ بَرُوكْ وِلَيْد نَرِيَّا.

إرْمِيا 52:16

وَ لَاكِنْ نَبُوزَرَدَانْ خَلَّى وَاحِدِينْ مِنْ مَسَاكِينْ الْبَلَدْ لِيَحَرْتُوا الْعِنَبْ وَ الزِّرَاعَةْ.

إرْمِيا 39:9

وَ الشَّعَبْ الْفَضَّلَوْا فِي الْمَدِينَةْ وَ النَّاسْ الْأَنْضَمَّوْا لِمَلِكْ بَابِلْ وَ النَّاسْ الْآخَرِينْ دَا، نَبُوزَرَدَانْ كَبِيرْ الْحُرَّاسْ هَنَا الْمَلِكْ كَرَبَاهُمْ وَ وَدَّاهُمْ فِي الْغُرْبَةْ فِي بَابِلْ.

إرْمِيا 39:14

رَسَّلَوْا جَابَوْا إِرْمِيَا مِنْ فَضَايَةْ الْحُرَّاسْ وَ أَنْطَوْه لِقَدَالْيَا وِلَيْد أَخِقَامْ وِلَيْد شَافَانْ. وَ مِثِلْ دَا، قَدَالْيَا خَلَّى إِرْمِيَا مَشَى بَيْتَهْ وَ قَعَدْ فِي أُسْط الشَّعَبْ.

إرْمِيا 41:1

وَ لَاكِنْ فِي الشَّهَرْ السَّابِعْ، إِسْمَاعِيلْ وِلَيْد نَتَنْيَا وِلَيْد أَلِشَمَعْ جَاءْ لِقَدَالْيَا فِي مِصْفَةْ. وَ إِسْمَاعِيلْ دَا هُو مِنْ ذُرِّيَّةْ الْمَمْلَكَةْ وَ وَاحِدْ مِنْ كُبَارَاتْ الْمَلِكْ. هُو جَاءْ مَعَ عَشَرَةْ رُجَالْ وَ أَكَلَوْا مَعَ قَدَالْيَا.

إرْمِيا 41:10

وَ بَعَدْ دَا، إِسْمَاعِيلْ كَرَبْ كُلَّ الشَّعَبْ الْفَضَّلَوْا فِي مِصْفَةْ مَسَاجِينْ وَ هُمَّنْ بَنَاتْ الْمَلِكْ وَ كُلَّ النَّاسْ الْفَضَّلَوْا فِي مِصْفَةْ. وَ دَوْل النَّاسْ النَّبُوزَرَدَانْ كَبِيرْ الْحُرَّاسْ أَمَّنَاهُمْ لِقَدَالْيَا. وَ إِسْمَاعِيلْ كَرَبَاهُمْ مَسَاجِينْ وَ مَشَى بَيْهُمْ عَلَيْ بَلَدْ بَنِي عَمُّونْ.