إرْمِيا 40:5 - الكتاب المقدس بالعربي الدارجي هنا تشاد

⁵ وَ قَبُلْ إِرْمِيَا مَا يُرُدّ لِنَبُوزَرَدَانْ، قَالْ لَيَّهْ بَتَّانْ: «قَبِّلْ أَمْشِي لِقَدَالْيَا وِلَيْد أَخِقَامْ وِلَيْد شَافَانْ هُو الْحَاكِمْ الْخَطَّاهْ مَلِكْ بَابِلْ فِي حِلَّالْ بَلَدْ يَهُوذَا. أَقْعُدْ فِي أُسْط الشَّعَبْ أَوْ أَمْشِي فِي أَيِّ بَكَانْ الْيَعَجِبَكْ.» وَ نَبُوزَرَدَانْ أَنْطَاهْ زَادْ وَ هَدِيَّةْ وَ خَلَّاهْ مَشَى.

إرْمِيا 40:5 Referenca të Kryqëzuara

إرْمِيا 39:14

رَسَّلَوْا جَابَوْا إِرْمِيَا مِنْ فَضَايَةْ الْحُرَّاسْ وَ أَنْطَوْه لِقَدَالْيَا وِلَيْد أَخِقَامْ وِلَيْد شَافَانْ. وَ مِثِلْ دَا، قَدَالْيَا خَلَّى إِرْمِيَا مَشَى بَيْتَهْ وَ قَعَدْ فِي أُسْط الشَّعَبْ.

إرْمِيا 41:2

وَ بَعَدْ دَا، إِسْمَاعِيلْ وَ الرُّجَالْ الْعَشَرَةْ الْمَعَايَهْ قَمَّوْا ضَرَبَوْا قَدَالْيَا بِالْسَّيْف وَ كَتَلَوْه. وَ مِثِلْ دَا، هُمَّنْ كَتَلَوْا النَّادُمْ الْمَلِكْ بَابِلْ خَطَّاهْ حَاكِمْ فِي الْبَلَدْ.

عِبْرَانِيِّين 13:6

أَشَانْ دَا، كُلِّنَا نَقْدَرَوْا نُقُولُوا بَلَا شَكَكْ: <اللّٰهْ يِسَاعِدْنِي، أَنَا مَا نَخَافْ مِنْ شَيّءْ. النَّاسْ يَقْدَرَوْا يِسَوُّوا لَيِّ شُنُو؟>

أعمال الرُسُل 28:10

وَ شَكَرَوْنَا كَتِيرْ وَ وَكِتْ دَوَّرْنَا نِسَافُرُوا، أَنْطَوْنَا كُلَّ شَيّءْ الْوَاجِبْ لِلسَّفَرْ.

أعمال الرُسُل 27:43

لَاكِنْ مَسْؤُولْ الْعَسْكَرْ دَوَّرْ يِنَجِّي بُولُسْ مِنْهُمْ وَ دَحَرْ الْعَسْكَرْ مَا يَكْتُلُوا نَادُمْ. وَ أَنْطَى إِذِنْ لِأَيِّ نَادُمْ الْيَقْدَرْ يُعُومْ أَشَانْ يُنُطّ فِي الْبَحَرْ وَ يَلْحَقْ خَشُمْ الْبَحَرْ.

أعمال الرُسُل 27:3

وَ أَمْبَاكِرْ، لِحِقْنَا حِلَّةْ صَيْدَا وَ قَعَدْنَا شِيَّةْ. وَ يُولِيُسْ سَوَّى زَيْن لِبُولُسْ وَ أَنْطَاهْ إِذِنْ أَشَانْ يَمْشِي فِي الْحِلَّةْ وَ يِسَلِّمْ رُفْقَانَهْ وَ يَلْقَى مِنْهُمْ الشَّيّءْ الْبِدَوْرَهْ.

إرْمِيا 40:4

وَ هَسَّعْ، دَاهُو أَنَا فَكَّيْت مِنَّكْ الْجَنَازِيرْ وَ خَلَّيْتَكْ. كَنْ إِنْتَ تِدَوْر تَمْشِي مَعَايِ فِي بَابِلْ، تَعَالْ أَنَا نِشِيلْ مَسْؤُولِيّتَكْ. وَ كَنْ مَا تِدَوْر تَمْشِي مَعَايِ فِي بَابِلْ، خَلَاصْ أَمْشِي فِي أَيِّ بَكَانْ التِّدَوْرَهْ وَ الْيَعَجِبَكْ فِي الْبَلَدْ دِي.»

إرْمِيا 26:24

وَ لَاكِنْ إِرْمِيَا كَمَانْ، أَخِقَامْ وِلَيْد شَافَانْ حَمَاهْ. وَ أَبَى مَا خَلَّى يِسَلُّمُوهْ لِلشَّعَبْ أَشَانْ يَكْتُلُوهْ.

إرْمِيا 15:11

وَ اللّٰهْ قَالْ: «أَكِيدْ أَنَا نِنَجِّيكْ لِلْخَيْر. وَ أَكِيدْ أَنَا نِجِيبْ لَيْك عُدْوَانَكْ يَشْحَدَوْك فِي وَكْت التَّعَبْ وَ الضِّيقَةْ.

أمْثال 21:1

قَلِبْ الْمَلِكْ مِثِلْ أَلْمِي الْجَارِي، هُو تِحِتْ مُرَاقَبَةْ اللّٰهْ وَ اللّٰهْ يِوَدِّيهْ فِي أَيِّ بَكَانْ الْيِدَوْرَهْ.

أمْثال 16:7

وَكِتْ اللّٰهْ يَرْضَى بِعَمَلْ الْإِنْسَانْ، يِسَهِّلْ لَيَّهْ السَّلَامْ مَعَ الْعُدْوَانْ.

أيُّوب 22:29

وَ كَنْ نَاسْ وَاحِدِينْ يِلْمَسْكَنَوْا، إِنْتَ تُقُولْ: «قُمُّوا فَوْق!» أَشَانْ الرَّبّ يِنَجِّي الْمِسْكِينْ.

نَحَمْيا 1:11

يَا رَبّ، فَكِّرْ فَوْقِي وَ أَسْمَعْ صَلَاتِي وَ صَلَاةْ النَّاسْ الْيَخَافَوْا مِنْ أُسْمَكْ. وَ الْيَوْم دَا، أَنْطِينِي النَّجَاحْ فِي الشَّيّءْ الْأَنَا عَبْدَكْ نِدَوْرَهْ مِنْ الْمَلِكْ أَرْتَحَشْتَا. خَلِّي نَلْقَى مِنَّهْ رَحْمَةْ!» فِي الْوَكِتْ دَاكْ، مَسْؤُولِيّتِي نَنْطِي شَرَابْ لِلْمَلِكْ.

عَزْرا 7:27

وَ أَنَا عَزْرَا قُلْت: بَارَكْ اللّٰهْ رَبّ جُدُودْنَا الدَّسَّ نِيَّةْ فِي قَلِبْ الْمَلِكْ أَشَانْ يِعَظِّمْ بَيْت اللّٰهْ الْفِي مَدِينَةْ الْقُدُسْ!

عَزْرا 7:6

وَ عَزْرَا كَاتِبْ وَ عَالِمْ كَبِيرْ فِي تَوْرَاةْ مُوسَى الْأَنْطَاهَا اللّٰهْ إِلٰـهْ بَنِي إِسْرَائِيلْ. وَ أَشَانْ قُدْرَةْ اللّٰهْ قَاعِدَةْ فِي عَزْرَا، الْمَلِكْ أَنْطَاهْ كُلَّ شَيّءْ الْهُو طَلَبَهْ. وَ عَزْرَا قَمَّ مِنْ مَدِينَةْ بَابِلْ

2 أخبار 34:20

وَ بَعَدْ دَا، الْمَلِكْ أَمَرْ حِلْقِيَّا وَ أَخِقَامْ وِلَيْد شَافَانْ وَ عَبْدُونْ وِلَيْد مِيكَا وَ شَافَانْ الْكَاتِبْ وَ عَسَايَا وَاحِدْ مِنْ مَسَائِيلْ الْمَلِكْ وَ قَالْ لَيْهُمْ:

2 مُلوك 22:14

وَ خَلَاصْ، حِلْقِيَّا رَاجِلْ الدِّينْ وَ أَخِقَامْ وَ عَكْبُورْ وَ شَافَانْ وَ عَسَايَا مَشَوْا بَكَانْ حُلْدَةْ النَّبِيَّةْ مَرِةْ الْحَارِسْ هَنَا خُلْقَانْ رُجَالْ الدِّينْ الْأُسْمَهْ شَلُّومْ وِلَيْد تِقْوَى وِلَيْد حَرْحَسْ. وَ هِي سَاكْنَةْ فِي الْحَارَةْ الْجَدِيدَةْ هَنَا مَدِينَةْ الْقُدُسْ. وَ وَكِتْ هُمَّنْ وَصَّلَوْا، حَجَّوْا لَيْهَا بِالْكَلَامْ دَا.

2 مُلوك 22:12

وَ بَعَدْ دَا، الْمَلِكْ أَمَرْ حِلْقِيَّا رَاجِلْ الدِّينْ وَ أَخِقَامْ وِلَيْد شَافَانْ وَ عَكْبُورْ وِلَيْد مِيكَا وَ شَافَانْ الْكَاتِبْ وَ عَسَايَا وَاحِدْ مِنْ مَسَائِيلْ الْمَلِكْ وَ قَالْ لَيْهُمْ:

إرْمِيا 41:1

وَ لَاكِنْ فِي الشَّهَرْ السَّابِعْ، إِسْمَاعِيلْ وِلَيْد نَتَنْيَا وِلَيْد أَلِشَمَعْ جَاءْ لِقَدَالْيَا فِي مِصْفَةْ. وَ إِسْمَاعِيلْ دَا هُو مِنْ ذُرِّيَّةْ الْمَمْلَكَةْ وَ وَاحِدْ مِنْ كُبَارَاتْ الْمَلِكْ. هُو جَاءْ مَعَ عَشَرَةْ رُجَالْ وَ أَكَلَوْا مَعَ قَدَالْيَا.

إرْمِيا 41:18

أَشَانْ يَخَافَوْا مِنْ الْبَابِلِيِّينْ بِسَبَبْ إِسْمَاعِيلْ كَتَلْ قَدَالْيَا حَاكِمْ الْبَلَدْ الْخَطَّاهْ مَلِكْ بَابِلْ.