إرْمِيا 40:1 - الكتاب المقدس بالعربي الدارجي هنا تشاد

¹ وَ إِرْمِيَا أَنْلَقَى مُجَنْزَرْ بِجَنَازِيرْ فِي أُسْط الْمَسَاجِينْ هَنَا مَدِينَةْ الْقُدُسْ وَ يَهُوذَا الْيِدَوْرُوا يِوَدُّوهُمْ فِي الْغُرْبَةْ فِي بَابِلْ. وَ لَاكِنْ نَبُوزَرَدَانْ كَبِيرْ الْحُرَّاسْ مَرَقَهْ مِنْ أُسْط الْمَسَاجِينْ وَ خَلَّاهْ يَمْشِي مِنْ الرَّامَةْ. وَ بَعَدْ دَا، اللّٰهْ حَجَّى لِإِرْمِيَا.

إرْمِيا 40:1 Referenca të Kryqëzuara

أفَسُس 6:20

وَ فِي شَانْ الْبِشَارَةْ، أَنَا بِقِيتْ سَفِيرْ وَ بِسَبَبْهَا كَرَبَوْنِي فِي السِّجِنْ. خَلِّي اللّٰهْ يَنْطِينِي قُدْرَةْ أَشَانْ نِبَلِّغْهَا بَلَا خَوْف وَ نِكَلِّمْ مِثِلْ وَاجِبْ.

أعمال الرُسُل 21:13

وَ لَاكِنْ هُو رَدَّ لَيْنَا وَ قَالْ: «مَالْكُو تَبْكُوا مِثِلْ دَا؟ تِدَوْرُوا تِوَجُّعُوا قَلْبِي وَلَّا؟ أَنَا مَاشِي لِمَدِينَةْ الْقُدُسْ. أَنَا مَا جَاهِزْ لِيَرْبُطُونِي بَسْ لَاكِنْ فِي شَانْ أُسُمْ رَبِّنَا عِيسَى أَنَا جَاهِزْ لِلْمَوْت.»

إرْمِيا 31:15

وَ دَاهُو اللّٰهْ قَالْ: «أَنْسَمَعْ حِسّ فِي حِلَّةْ الرَّامَةْ، بَكِي شَدِيدْ وَ نُوَاحْ. وَ دِي رَاحِيلْ قَاعِدَةْ تَبْكِي لِعِيَالْهَا وَ هِي أَبَتْ الصَّبِّرِينْ شَانْ عِيَالْهَا مَاتَوْا خَلَاصْ.»

يَشُوع 18:25

وَ بَتَّانْ قِبْعُونْ وَ الرَّامَةْ وَ بِيرُوتْ

أعمال الرُسُل 28:20

وَ أَشَانْ دَا، دَوَّرْت نِحَجِّي مَعَاكُو. وَ أَنَا مَرْبُوطْ بِالْجِنْزِيرْ دَا فِي شَانْ النَّادُمْ الْبَنِي إِسْرَائِيلْ قَاعِدِينْ يَرْجَوْه بِعَشَمْ.»

زَبُور 107:16

أَشَانْ هُو كَسَّرْ بِيبَانْ النَّحَاسْ وَ دَمَّرْ حَوَادِرْ الْحَدِيدْ.

زَبُور 68:6

لِلنَّادُمْ الْقَاعِدْ وِحَيْدَهْ، الرَّبّ يِسَكِّنَهْ مَعَ عَايِلَةْ وَ لِلْمَسَاجِينْ، يَمْرُقْهُمْ مِنْ السِّجِنْ وَ يَنْطِيهُمْ النَّجَاةْ. وَ لَاكِنْ لِلْحَرَامِيِّينْ، يِسَكِّنْهُمْ فِي أَرْض جَفَافْ.

1 صَمُوِيل 7:17

وَ بَعَدْ دَا، يِقَبِّلْ فِي حِلَّةْ الرَّامَةْ وَ دَا الْبَكَانْ الْهُو سَاكِنْ فَوْقَهْ. وَ هِنَاكْ كُلَ هُو يِسَوِّي شَرِيعَةْ لِبَنِي إِسْرَائِيلْ. وَ بَنَى مَدْبَحْ لِعِبَادَةْ اللّٰهْ.

إرْمِيا 39:9

وَ الشَّعَبْ الْفَضَّلَوْا فِي الْمَدِينَةْ وَ النَّاسْ الْأَنْضَمَّوْا لِمَلِكْ بَابِلْ وَ النَّاسْ الْآخَرِينْ دَا، نَبُوزَرَدَانْ كَبِيرْ الْحُرَّاسْ هَنَا الْمَلِكْ كَرَبَاهُمْ وَ وَدَّاهُمْ فِي الْغُرْبَةْ فِي بَابِلْ.

حِزْقِيال 33:21

وَ فِي الْيَوْم الْخَامِسْ هَنَا الشَّهَرْ الْعَاشِرْ فِي سَنِةْ 12 مِنْ وَدَّوْنَا فِي الْغُرْبَةْ، جَاءْ لَيِّ نَادُمْ وَاحِدْ مُعَرِّدْ مِنْ مَدِينَةْ الْقُدُسْ وَ قَالْ لَيِّ: «الْمَدِينَةْ شَالَوْهَا!»

2 أخبار 16:1

وَ فِي سَنِةْ 36 هَنَا حُكُمْ آسَا مَلِكْ مَمْلَكَةْ يَهُوذَا، بَعَاشَى مَلِكْ مَمْلَكَةْ إِسْرَائِيلْ قَمَّ يِحَارِبْ مَمْلَكَةْ يَهُوذَا. وَ قَوَّى حِلَّةْ الرَّامَةْ لِيَدْحَرْ الدَّرِبْ لِآسَا وَ نَاسَهْ مَا يَمُرْقُوا وَ لَا يَدْخُلُوا بِالدَّرِبْ دَا.

إرْمِيا 42:7

وَ بَعَدْ عَشَرَةْ يَوْم، اللّٰهْ حَجَّى لِإِرْمِيَا.