إرْمِيا 4:9 - الكتاب المقدس بالعربي الدارجي هنا تشاد

⁹ وَ دَاهُو كَلَامْ اللّٰهْ: «فِي الْيَوْم دَا، الْمَلِكْ وَ كُبَارَاتَهْ يِوَدُّرُوا شَجَاعِتْهُمْ وَ رُجَالْ الدِّينْ يَرْجُفُوا وَ الْأَنْبِيَاء يِنْبَهْتُوا.»

إرْمِيا 4:9 Referenca të Kryqëzuara

أعمال الرُسُل 13:41

الْكِتَابْ بُقُولْ: <يَا الشَّمَّاتِينْ، شِيفُوا. أَلْعَجَّبَوْا وَ أَهْلَكَوْا مَرَّةْ وَاحِدْ. أَشَانْ فِي وَكِتْكُو دَا، أَنَا نِسَوِّي شَيّءْ وَ كَنْ حَجَّوْكُو بَيَّهْ، مَا تِصَدُّقُوهْ.>»

إرْمِيا 52:7

قَدَّوْا خُرْمَةْ فِي دُرْدُرْ الْمَدِينَةْ. وَ خَلَاصْ بِاللَّيْل، مَلِكْ مَمْلَكَةْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا مِنْ الْمَدِينَةْ. هُمَّنْ مَرَقَوْا بِالدَّرِبْ الْقَاعِدْ أَمْبَيْنَاتْ الدَّرَادِرْ الْإِتْنَيْن هَنَا الدِّفَاعْ الْقَرِيبْ لِجِنَيْنَةْ الْمَلِكْ حَتَّى كَنْ الْبَابِلِيِّينْ مُحَوِّقِينْ الْمَدِينَةْ كُلَ. وَ الْمَلِكْ صِدْقِيَّا وَ عَسْكَرَهْ شَالَوْا الدَّرِبْ الْمَاشِي عَلَيْ وَادِي الْأُرْدُنْ.

إرْمِيا 37:19

وَ وَيْن أَنْبِيَائْكُو الْغَشَّوْكُو وَ قَالَوْا: ‹مَلِكْ بَابِلْ مَا يَجِي ضِدُّكُو وَلَّا ضِدّ الْبَلَدْ دِي.›

إرْمِيا 5:31

الْأَنْبِيَاء يِتْنَبَّأَوْا بِكِدِبْ وَ رُجَالْ الدِّينْ يِفَتُّشُوا مَصَالِحْهُمْ. وَ إِنْتُو شَعَبِي رَضْيَانِينْ بِالْحَرَامْ دَا وَ لَاكِنْ فِي الأَخِيرْ، تِسَوُّوا شُنُو؟›»

إشَعْيا 19:16

وَ فِي الْيَوْم دَا، نَاسْ مَصِرْ يَبْقَوْا مِثِلْ عَوِينْ وَ يَخَافَوْا وَ يَرْجُفُوا وَكِتْ يِشِيفُوا إِيدْ اللّٰهْ الْقَادِرْ مَرْفُوعَةْ ضِدُّهُمْ.

إشَعْيا 19:3

وَ أَنَا نِوَدِّرْ شَجَاعَةْ الْمَصْرِيِّينْ وَ نِبَرْجِلْ شَوْرِتْهُمْ. خَلَاصْ، هُمَّنْ يَسْأَلَوْا الْإِلٰـهَاتْ وَ الشَّوَّافِينْ وَ الْيِكَلُّمُوا مَعَ الْمَيْتِينْ وَ الْيِحَجُّوا مَعَ الْجِنّ.

زَبُور 102:4

قَلْبِي يِبِسْ مِثِلْ قَشّ الْقَطَعَوْه وَ نِسِيتْ مَا أَكَلْت خُبْزِتِي.

2 مُلوك 25:4

قَدَّوْا خُرْمَةْ فِي دُرْدُرْ الْمَدِينَةْ. وَ خَلَاصْ بِاللَّيْل، مَلِكْ مَمْلَكَةْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا. هُمَّنْ مَرَقَوْا بِالدَّرِبْ الْقَاعِدْ أَمْبَيْنَاتْ الدَّرَادِرْ الْإِتْنَيْن هَنَا الدِّفَاعْ الْقَرِيبْ لِجِنَيْنَةْ الْمَلِكْ حَتَّى كَانْ الْبَابِلِيِّينْ مُحَوِّقِينْ الْمَدِينَةْ كُلَ. وَ الْمَلِكْ صِدْقِيَّا شَالْ الدَّرِبْ الْمَاشِي عَلَيْ وَادِي الْأُرْدُنْ.

إرْمِيا 48:41

حِلَّةْ قَرْيُوتْ يِشِيلُوهَا وَ بَكَانَاتْهَا الْقَوِيِّينْ يَكُرْبُوهُمْ. وَ فِي الْيَوْم دَا، قَلِبْ عَسْكَرْ مُوَابْ يَبْقَى مِثِلْ قَلِبْ الْمَرَةْ الْقَاعِدَةْ تِطَالِقْ.

إشَعْيا 28:19

فِي أَيِّ وَكِتْ هُو يُفُوتْ، يَكْرُبْكُو أَشَانْ الْوَبَاءْ يُفُوتْ كُلَّ يَوْم، فَجُرْ وَ عَشِيَّةْ. وَ وَكِتْ تَسْمَعَوْا بِخَبَرَهْ، خَوْف شَدِيدْ يَكْرُبْكُو.

إرْمِيا 2:26

وَ اللّٰهْ قَالْ: «إِنْتُو يَا بَنِي إِسْرَائِيلْ، الْعَيْب يَكْرُبْكُو، إِنْتُو وَ مُلُوكُّو وَ كُبَارَاتْكُو وَ رُجَالْ دِينْكُو وَ أَنْبِيَائْكُو، مِثِلْ عَيْب السَّرَّاقْ الْكَرَبَوْه قَاعِدْ يَسْرِقْ.

إرْمِيا 25:34

أَصْرَخَوْا، يَا رُعْيَانْ غَنَمِي! كَوْرُكُوا وَ أَلْمَرْمَغَوْا فِي التُّرَابْ، يَا كُبَارَاتْ شَعَبِي! أَشَانْ يَوْم مَوْتكُو قَرَّبْ. يَكْتُلُوكُو وَ يِشَتُّتُوا جَنَازَاتْكُو وَ تَقَعَوْا وَ تِلْكَسَّرَوْا مِثِلْ السُّونِي.