إرْمِيا 4:31 - الكتاب المقدس بالعربي الدارجي هنا تشاد

³¹ أَنَا نَسْمَعْ بَكِي مِثِلْ شَكْوَةْ هَنَا مَرَةْ التِّطَالِقْ، مِثِلْ صِرَاخْ أَمْ بِكَيْرِيَّةْ التَّلْدَ. وَ دِي صَهْيُون الْمِثِلْ بِنَيَّةْ، تَصْرَخْ وَ تِنَاهِجْ وَ تِمِدّ إِيدَيْنهَا لِلْفَزَعْ. وَ تُقُولْ: «يَا خَسَارْتِي! أَنَا وَقَعْت مَيْتَةْ قِدَّامْ الْكَتَّالِينْ.»

إرْمِيا 4:31 Referenca të Kryqëzuara

مَراثِي إرْمِيا 1:17

صَهْيُون رَفَعَتْ إِيدَيْنهَا وَ نَادَتْ وَ لَاكِنْ مَا لِقَتْ نَادُمْ الْيِصَبِّرْهَا. وَ اللّٰهْ أَنْطَى إِذِنْ لِجِيرَانْ ذُرِّيَّةْ يَعْقُوبْ يَبْقَوْا عُدْوَانْهُمْ. وَ فِي عُيُونْهُمْ، مَدِينَةْ الْقُدُسْ مَلَانَةْ بِالنَّجَاسَةْ.

إشَعْيا 1:15

وَكِتْ تِمِدُّوا إِيدَيْكُو لَيِّ بِدُعَاكُو، أَنَا مَا نِوَجِّهْ عَلَيْكُو. وَ وَكِتْ تِكَتُّرُوا صَلَاوَاتْكُو كُلَ، مَا نَسْمَعْكُو أَشَانْ إِيدَيْكُو مَلَانِينْ بِدَمّ.

إرْمِيا 13:21

شُنُو تُقُولِي وَكِتْ أَنَا اللّٰهْ نِكَبِّرْ فَوْقكِ النَّاسْ الْإِنْتِ رَافَقْتِيهُمْ زَمَانْ؟ أَيْوَى، وَجَعْ شَدِيدْ يَكْرُبْكِ مِثِلْ طَلَقَةْ الْمَرَةْ الْقَاعِدَةْ تَلْدَ.

1 تَسَلونِيكِي 5:3

وَكِتْ النَّاسْ قَاعِدِينْ يُقُولُوا: «عِنْدِنَا الصِّحَّةْ وَ السَّلَامْ»، فِي الْوَكِتْ الْمِثِلْ دَا بَسْ، الْهَلَاكْ يَضْرُبْهُمْ عَجَلَةْ مِثِلْ الطَّلَقَةْ تَجِي عَجَلَةْ لِلْمَرَةْ الْغَلْبَانَةْ. مَا مُمْكِنْ يِنْبَلْصُوا.

1 كُرُنْتُس 9:16

صَحِيحْ، أَنَا قَاعِدْ نِبَلِّغْ بِشَارَةْ الْمَسِيحْ لَاكِنْ دَا مَا يَنْطِينِي سَبَبْ لِنِسْتَكْبَرْ بَيَّهْ. لَا! الْبَلِّغِينْ دَا، اللّٰهْ أَمَرَانِي بَيَّهْ. الْعَذَابْ لَيِّ كَنْ أَنَا مَا نِبَلِّغْ الْبِشَارَةْ دِي.

مَتَّى 21:5

<قُولُوا لِنَاسْ جَبَلْ صَهْيُون الْمِثِلْ بِنَيَّةْ: «دَاهُو مَلِكُّو جَايِ لَيْكُو. وَ هُو مِسْكِينْ وَ رَاكِبْ فِي حُمَارْ. أَيْوَى، هُو رَاكِبْ فِي دَحَشْ وِلَيْد حُمَارَةْ.»>

مِيخا 7:1

يَا خَسَارْتِي! أَنَا بِقِيتْ مِثِلْ نَادُمْ الْيَقْطَعْ الْكِشَّيْب وَ الْيِلَقِّطْ الْفَضْلَةْ هَنَا الْعِنَبْ. وَ دَاهُو مَا فَضَّلْ عَنْقُودْ نَاكُلَهْ وَ لَا تِينْ النِّرِيدَهْ.

هُوشَع 13:13

وَ وَجَعْ يَجِي لَيْهُمْ مِثِلْ وَجَعْ الطَّلَقَةْ. وَ هُمَّنْ مِثِلْ وِلَيْد الْمَا عِنْدَهْ حِكْمَةْ. فِي وَكِتْ الْوَالُودَةْ، مَا يَمْرُقْ مِنْ بَطُنْ أَمَّهْ!

مَراثِي إرْمِيا 2:21

وَ فِي كُلَّ شَوَارِعْ الْمَدِينَةْ، مُدَفِّقِينْ عِيَالْ وَ شِيَّابْ. وَ الْمَدِينَةْ قَالَتْ: «بَنَاتِي وَ صُبْيَانِي كَتَلَوْهُمْ بِالْسَّيْف. فِي يَوْم زَعَلَكْ، إِنْتَ اللّٰهْ دَمَّرْت وَ بَلَا مَحَنَّةْ، إِنْتَ كَتَلْت.

مَراثِي إرْمِيا 1:20

يَا اللّٰهْ، شِيفْ الضِّيقَةْ الْفَوْقِي! نَفْسِي مُبَرْجَلَةْ وَ قَلْبِي مُنْجَرِحْ أَشَانْ أَنَا عِصِيتَكْ عِصْيَانْ شَدِيدْ. كَنْ مَرَقْت فِي الشَّارِعْ، الْمَوْت يِلَاقِينِي وَ كَنْ قَعَدْت فِي الْبَيْت، السَّيْف يَقْطَعْ رَقَبَتِي.

إرْمِيا 50:43

وَ وَكِتْ مَلِكْ بَابِلْ سِمِعْ الْخَبَرْ، إِيدَيْنَهْ أَنْرَخَوْا. وَ الْخَوْف وَ الْوَجَعْ كَرَبَوْه مِثِلْ الْمَرَةْ الْقَاعِدَةْ تِطَالِقْ.»

إرْمِيا 49:24

وَ سُكَّانْ دِمَشْق ضِعْفَوْا وَ قَبَّلَوْا لِيِعَرُّدُوا وَ الْبَهِيتَةْ كَرَبَتْهُمْ. وَ الضِّيقَةْ وَ الْوَجَعْ كَرَبَوْهُمْ مِثِلْ الْمَرَةْ الْقَاعِدَةْ تِطَالِقْ.

إرْمِيا 49:22

الْعَدُو يِنْرَخِي فِي بُصْرَةْ مِثِلْ صَقُرْ الْجَهَّزْ جَنَاحَيْه لِيَضْرُبْهَا. وَ فِي الْيَوْم دَا، قَلِبْ عَسْكَرْ أَدَوْم يَبْقَى مِثِلْ قَلِبْ الْمَرَةْ الْقَاعِدَةْ تِطَالِقْ.

إرْمِيا 48:41

حِلَّةْ قَرْيُوتْ يِشِيلُوهَا وَ بَكَانَاتْهَا الْقَوِيِّينْ يَكُرْبُوهُمْ. وَ فِي الْيَوْم دَا، قَلِبْ عَسْكَرْ مُوَابْ يَبْقَى مِثِلْ قَلِبْ الْمَرَةْ الْقَاعِدَةْ تِطَالِقْ.

إرْمِيا 45:2

«يَا بَرُوكْ! دَاهُو اللّٰهْ إِلٰـهْ بَنِي إِسْرَائِيلْ قَالْ فَوْقَكْ:

إرْمِيا 30:6

أَسْأَلَوْا وَ فَكُّرُوا! هَلْ الدُّكُورْ يَلْدَوْا وَلَّا؟ وَ مَالَا أَيِّ رَاجِلْ يُخُطّ إِيدَهْ فِي بَطْنَهْ مِثِلْ الْمَرَةْ الْقَاعِدَةْ تِطَالِقْ؟ وَ مَالَا كُلَّ وُجُوهُّمْ بِقَوْا ضُلُمْ؟

إرْمِيا 22:23

يَا الْمَلِكْ، إِنْتَ السَّاكِنْ فِي قَصِرْ لُبْنَانْ وَ فِي بَيْتَكْ الْمِثِلْ عُشّ الْمَبْنِي بِحَطَبْ الْأَرْز. فِي وَكْت التَّعَبْ، إِنْتَ تَقْنِتْ مِثِلْ قَنِيتْ الْمَرَةْ الْقَاعِدَةْ تِطَالِقْ.»

إرْمِيا 18:21

«وَ لَاكِنْ هَسَّعْ دَا، نَزِّلْ الْجُوعْ فِي عِيَالْهُمْ وَ أَكْتُلْهُمْ بِالْسَّيْف. وَ خَلِّي عَوِينْهُمْ يِوَدِّرَنْ أَوْلَادْهِنْ وَ يَفْقُدَنْ رُجَالْهِنْ. وَ خَلِّي الرُّجَالْ يُمُوتُوا بِالْوَبَاءْ وَ صُبْيَانْهُمْ يُمُوتُوا بِالْسَّيْف فِي الْحَرِبْ.

إرْمِيا 15:18

مَالَا تَعَبِي قَاعِدْ فَوْقِي دَايْماً؟ وَ مَالَا جِرَاحِي مَا يِلْعَالَجْ وَ أَبَى مَا يَبْرَى؟ أَكِيدْ إِنْتَ بِقِيتْ لَيِّ مِثِلْ عَيْن أَلْمِي الْمَا تِجِمّ عَدِيلْ وَ أَلْمِيهَا مَا مُؤَكَّدْ.»

إرْمِيا 14:18

وَ كَنْ نَمْشِي فِي الْكَدَادَةْ، دَاهُو نِشِيفْ الْمَيْتِينْ بِالْحَرِبْ. وَ كَنْ نَدْخُلْ فِي الْمَدِينَةْ، دَاهُو نِشِيفْ التَّعْبَانِينْ بِالْجُوعْ. الْأَنْبِيَاء وَ رُجَالْ الدِّينْ يِلِفُّوا فِي الْبَلَدْ وَ لَاكِنْ مَا يَفْهَمَوْا شَيّءْ.»

إرْمِيا 10:19

وَ سُكَّانْ مَدِينَةْ الْقُدُسْ بَكَوْا وَ قَالَوْا: «يَا خَسَارِتْنَا، أَنِحْنَ أَنْجَرَحْنَا وَ جِرَاحْنَا أَبَداً مَا يَبْرَى. وَ قُلْنَا: ‹دَا بَسْ التَّعَبْ الْمُوَجَّهْ لَيْنَا وَ وَاجِبْ نَحْمَلَوْه.›

إرْمِيا 6:2

وَ اللّٰهْ قَالْ: «صَهْيُون الْمِثِلْ بِنَيَّةْ جَمِيلَةْ وَ لَطِيفَةْ، أَنَا نِدَمِّرْهَا.

إشَعْيا 42:14

«مِنْ وَكِتْ طَوِيلْ، أَنَا قَاعِدْ بَلَا حَرَكَةْ، أَنَا سَكَّتْ نَفْسِي وَ ثَبَّتَّهَا. لَاكِنْ هَسَّعْ، نَقْنِتْ مِثِلْ مَرَةْ الْقَاعِدَةْ تِطَالِقْ وَ نَنْفُخْ وَ نِنَاهِجْ.

إشَعْيا 21:3

وَ بِسَبَبْ دَا، صُلْبِي قَاعِدْ يَرْجِفْ مِنْ التَّعَبْ وَ وَجَعْ شَدِيدْ كَرَبَانِي مِثِلْ وَجَعْ هَنَا الْمَرَةْ الْقَاعِدَةْ تِطَالِقْ. مِنْ شِدَّةْ الْوَجَعْ، مَا نَسْمَعْ وَ مِنْ شِدَّةْ الْخَوْف، مَا نِشِيفْ.

إشَعْيا 13:8

هُمَّنْ يِنْبَهْتُوا وَ يَكْرُبْهُمْ وَجَعْ وَ طَلَقَةْ وَ يِتَّنَّوْا مِثِلْ مَرَةْ الْقَاعِدَةْ تِطَالِقْ. وَ الْوَاحِدْ يِشِيفْ الْآخَرْ كُلُّهُمْ مُنْبَهِتِينْ وَ يِسَلُّلُوا عُيُونْهُمْ مِنْ الْخَوْف.

إشَعْيا 6:5

وَ خَلَاصْ، أَنَا قُلْت: «الْعَذَابْ لَيِّ! أَنَا وَدَّرْت! أَشَانْ أَنَا نَادُمْ خَشْمِي مَا طَاهِرْ وَ سَاكِنْ فِي أُسُطْ شَعَبْ خُشُومْهُمْ مَا طَاهِرِينْ. وَ عُيُونِي شَافَوْا الْمَلِكْ وَ هُو اللّٰهْ الْقَادِرْ!»

زَبُور 120:5

أَنَا آسِفْ أَشَانْ قَعَدْت فِي بَلَدْ مَاشَكْ مَعَ نَاسْ فَسْلِينْ وَ سَكَنْت فِي خِيَمْ قِدَارْ أَمْبَيْن نَاسْ هَوَانِينْ.

أيُّوب 10:1

الْحَيَاةْ بَغَّضَتْ لَيِّ. أَنَا مَا نِخَلِّي شَكْوِتِي وَ نِحَجِّي بِحِزْنِي الْفِي قَلْبِي.

تكوين 27:46

وَ بَعَدْ دَا، رِفْقَةْ قَالَتْ لِإِسْحَاقْ: «الْحَيَاةْ بَغَّضَتْ لَيِّ فِي شَانْ بَنَاتْ الْحِتِّيِّينْ دَوْل. وَ كَنْ يَعْقُوبْ كُلَ يَاخُدْ وَاحِدَةْ مِنْ بَنَاتْ الْحِتِّيِّينْ الْفِي الْبَلَدْ دِي، أَنَا حَيَاتِي مَا عِنْدَهَا فَايْدَةْ.»

إشَعْيا 26:17

مِثِلْ مَرَةْ الْغَلْبَانَةْ الْقَرَّبَتْ لِلْوَالُودَةْ قَاعِدَةْ تِتَّنَّ وَ تَصْرَخْ مِنْ وَجَعْ الطَّلَقَةْ، دِي بَسْ حَالِتْنَا أَنِحْنَ قِدَّامَكْ إِنْتَ، يَا اللّٰهْ.

مِيخا 4:9

هَسَّعْ، مَالَا تِعَوِّي؟ أَشَانْ مَا فِي مَلِكْ فَوْقكِ وَلَّا؟ وَ مَالَا الْوَجَعْ كَرَبْكِ مِثِلْ الْمَرَةْ الْقَاعِدَةْ تِطَالِقْ؟ أَشَانْ مُسْتَشَارْكِ وَدَّرْ وَلَّا؟

مِيخا 4:10

أَتَّنَّيْ مِنْ الْوَجَعْ، يَا صَهْيُون الْمِثِلْ بِنَيَّةْ. أَيْوَى، أَتَّنَّيْ مِثِلْ الْمَرَةْ الْقَاعِدَةْ تِطَالِقْ. أَشَانْ هَسَّعْ، إِنْتِ تَمُرْقِي مِنْ الْمَدِينَةْ وَ تَمْشِي تَسْكُنِي فِي الْكَدَادَةْ وَ تِسَافِرِي لَحَدِّي بَابِلْ. وَ هِنَاكْ إِنْتِ تَنْجَيْ، هِنَاكْ اللّٰهْ يَفْدَاكِ مِنْ إِيدْ عُدْوَانْكِ.