إرْمِيا 4:26 - الكتاب المقدس بالعربي الدارجي هنا تشاد

²⁶ أَنَا شِفْت. دَاهُو الْبَلَدْ الْخَضْرَةْ بِقَتْ صَحَرَاء وَ كُلَّ الْمُدُنْ أَلْهَدَّمَوْا وَ دَا مِنْ غَضَبْ اللّٰهْ الْمُحْرِقْ.

إرْمِيا 4:26 Referenca të Kryqëzuara

زَبُور 107:34

وَ الْأَرْض الْعَدِيلَةْ بِأَرْض مِلِحْ. وَ دَا بِسَبَبْ فَسَالَةْ سُكَّانْهَا.

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.

إرْمِيا 12:4

لَحَدِّي مَتَى الْأَرْض تَحْزَنْ وَ يَيْبَسْ كُلَّ قَشّ الْكَدَادَةْ؟ وَ الْحَيْوَانَاتْ وَ الطُّيُورْ يَبْقَوْا مَا فِيهُمْ وَ دَا بِسَبَبْ فَسَالَةْ سُكَّانْهَا الْيُقُولُوا: «هُو مَا يَعَرِفْ مُسْتَقْبَلْنَا.»

زَبُور 76:7

إِنْتَ التِّخَوِّفْ، يَاتُو الْيَقْدَرْ يَقِيفْ قِدَّامَكْ فِي وَكِتْ غَضَبَكْ؟

إرْمِيا 9:10

فِي الْجِبَالْ، أَنَا نَحْزَنْ وَ نَبْكِي وَ فِي مَرَاعِي الْكَدَادَةْ، أَنَا نُنُوحْ أَشَانْ الْأَرْض حِرْقَتْ وَ مَا فِي نَادُمْ الْيَجِي فَوْقهَا. وَ حِسّ هَنَا بَهِيمَةْ كُلَ مَا يِنْسَمِعْ وَ الطُّيُورْ وَ الْوُحُوشْ كُلُّهُمْ عَرَّدَوْا مِنْهَا.

إرْمِيا 12:13

إِنْتُو تَيْرَبْتُوا الْقَمَحْ وَ لِقِيتُوا الْحَسْكَنِيتْ بَسْ وَ عَيَّيْتُوا نُفُوسْكُو بَلَا فَايْدَةْ. وَ الْعَيْب كَرَبْكُو مِنْ نَتِيجَةْ خِدْمِتْكُو وَ دَا بِسَبَبْ غَضَبْ اللّٰهْ الْمُحْرِقْ.

لاوِيِّين 26:31

وَ نِسَوِّي مُدُنْكُو خَرَابْ وَ بَكَانَاتْ الْمُقَدَّسِينْ فَاضِيِينْ وَ مَا نُشُمّ الرِّيحَةْ التِّحَرُّقُوهَا لِرِضَايِ.

إرْمِيا 7:34

وَ فِي حِلَّالْ بَلَدْ يَهُوذَا وَ شَوَارِعْ مَدِينَةْ الْقُدُسْ، أَنَا نِوَقِّفْ كُلَّ الزَّغْرَاطْ وَ الرَّقْرَاقْ وَ غِنَيْ الْعُرْسَانْ. أَشَانْ الْبَلَدْ دِي تَخْرَبْ.»

إرْمِيا 25:11

وَ الْبَلَدْ دِي كُلَّهَا نِسَوِّيهَا كَوْم هَنَا تُرَابْ وَ أَرْض خَرَابْ. وَ كُلَّ الْأُمَمْ دَوْل يَبْقَوْا عَبِيدْ لِمَلِكْ بَابِلْ لِمُدَّةْ 70 سَنَةْ.

مَراثِي إرْمِيا 2:7

وَ الرَّبّ أَبَى الْمَدْبَحْ وَ لِبَكَانَهْ الْمُقَدَّسْ، خَلَّاهْ. وَ سَلَّمْ دَرَادِرْ بُيُوتْ الْقَوِيِّينْ هَنَا الْمَدِينَةْ فِي إِيدْ الْعَدُو. وَ أَنْسَمَعَتْ حَرَكَةْ شَدِيدَةْ فِي بَيْت اللّٰهْ مِثِلْ الْحَرَكَةْ الشَّدِيدَةْ هَنَا يَوْم الْعِيدْ.

صَفَنْيا 1:18

وَ لَا فُضِّتْهُمْ وَ لَا دَهَبْهُمْ يَقْدَرَوْا يِنَجِّيهُمْ مِنْ يَوْم غَضَبْ اللّٰهْ. وَ بِنَارْ غِيرْتَهْ، كُلَّ الْأَرْض تَحْرَقْ. أَيْوَى، الدَّمَارْ دَا يَبْقَى شَدِيدْ لَحَدِّي يِكَمِّلْ كُلَّ سُكَّانْ الْأَرْض.