إرْمِيا 4:20 - الكتاب المقدس بالعربي الدارجي هنا تشاد

²⁰ وَ يِعِيطُوا وَ يُقُولُوا: ‹دَمَارْ فِي دَمَارْ!› أَيْوَى، كُلَّ الْبَلَدْ خِرْبَتْ. بِغَفْلَةْ، خِيَمْنَا أَدَّمَّرَوْا وَ بُيُوتْنَا أَلْهَدَّمَوْا فِي وَكِتْ قَلِيلْ.

إرْمِيا 4:20 Referenca të Kryqëzuara

زَبُور 42:7

وَ مَوْج الْبَحَرْ قَمَّ بِكَتَرَةْ الْوَاحِدْ بَعَدْ الْآخَرْ. وَ كُلَّ مَوْجَكْ وَ شَلَّالَكْ غَطَّوْنِي.

2 تَسَلونِيكِي 1:9

وَ النَّاسْ دَوْل يَحْكِمْ لَيْهُمْ بِالْهَلَاكْ الْأَبَدِي وَ يِفَرِّقْهُمْ مَرَّةْ وَاحِدْ مِنْ حَضَرَةْ الرَّبّ وَ مِنْ قُدُرْتَهْ الْمَجِيدَةْ.

مَتَّى 10:28

«مَا تَخَافَوْا مِنْ النَّاسْ. يَقْدَرَوْا يَكْتُلُوا جِسِمْ النَّادُمْ وَ لَاكِنْ مَا يَقْدَرَوْا يَكْتُلُوا رُوحَهْ. أَخَافَوْا مِنْ اللّٰهْ أَشَانْ هُو يَقْدَرْ يَهْلِكْ الْجِسِمْ وَ الرُّوحْ سَوَا فِي جَهَنَّمْ.

يُوِيل 1:15

يَا السَّلَامْ! كِكَّيْف الْيَوْم دَا! يَوْم اللّٰهْ قَرَّبْ وَ دَا جَايِ مِنْ الْقَادِرْ بِدَمَارْ.

حِزْقِيال 14:21

وَ دَاهُو اللّٰهْ الرَّبّ قَالْ: «حَتَّى كَانْ رَسَّلْت ضِدّ مَدِينَةْ الْقُدُسْ عِقَابِي الْأَرْبَعَةْ الشَّدِيدْ، وَ هُمَّنْ الْحَرِبْ وَ الْجُوعْ وَ الْحَيْوَانَاتْ الْفَسْلِينْ وَ الْوَبَاءْ لِيَكْتُلُوا النَّاسْ وَ الْبَهَايِمْ،

مَراثِي إرْمِيا 3:47

وَ خَلَاصْ، وَقَعْ فَوْقنَا الرُّعُبْ وَ الْهَلَاكْ وَ الدَّمَارْ وَ الْخَرَابْ.

إرْمِيا 17:18

وَ الْيِطَارُدُونِي، خَلِّي الْعَيْب يَكْرُبْهُمْ وَ لَاكِنْ مَا يَكْرُبْنِي أَنَا. وَ خَلِّي هُمَّنْ يِبَرْجُلُوا وَ لَاكِنْ أَنَا مَا نِبَرْجِلْ. وَ جِيبْ فَوْقهُمْ يَوْم الْفَسَالَةْ وَ دَمِّرْهُمْ مَرَّةْ وَاحِدْ.

إشَعْيا 33:20

شِيفْ صَهْيُون مَدِينَةْ فَرَحْنَا! وَ عُيُونَكْ يِشِيفُوا مَدِينَةْ الْقُدُسْ آمِنَةْ. هِي مِثِلْ خَيْمَةْ الْمَا تِلْحَوَّلْ وَ وُتَادْهَا أَبَداً مَا يَمُرْقُوا وَ حُبَالْهَا أَبَداً مَا يِلْفَرْتَقَوْا.

إشَعْيا 13:6

أَبْكُوا بِحِزِنْ أَشَانْ يَوْم اللّٰهْ قَرَّبْ وَ دَا يَوْم هَنَا دَمَارْ شَدِيدْ الْجَايِ مِنْ الْقَادِرْ.

لاوِيِّين 26:24

أَنَا كُلَ نُقُمّ ضِدُّكُو وَ أَنَا كُلَ نَضْرُبْكُو سَبْعَةْ مَرَّاتْ بِسَبَبْ ذُنُوبْكُو.

لاوِيِّين 26:21

«وَ كَنْ بَيْدَا كُلَ تُقُمُّوا ضِدِّي وَ مَا تَسْمَعَوْنِي، أَنَا نَضْرُبْكُو سَبْعَةْ مَرَّاتْ زِيَادَةْ بِسَبَبْ ذُنُوبْكُو.

لاوِيِّين 26:18

«وَ كَنْ بَيْدَا كُلَ مَا سِمِعْتُونِي، أَنَا نِعَاقِبْكُو سَبْعَةْ مَرَّاتْ بِسَبَبْ ذُنُوبْكُو.

خُروج 33:5

وَ دَا أَشَانْ اللّٰهْ قَالْ لِمُوسَى: «قُولْ لِبَنِي إِسْرَائِيلْ: ‹إِنْتُو شَعَبْ رَاسْكُو قَوِي. كَنْ أَنَا مَشَيْت مَعَاكُو لِوَكِتْ شِيَّةْ كُلَ، نَكْتُلْكُو. هَسَّعْ دَا، سِلُّوا مِنْكُو زِينِتْكُو. وَ أَنَا نِشِيفْ كِكَّيْف نِسَوِّي لَيْكُو.›»

حَبَقُوق 3:7

وَ أَنَا شِفْت فُرْقَانْ شَعَبْ كُشَانْ بِقَوْا مَا فِيهُمْ. وَ سَتَايِرْ خِيَمْ بَلَدْ مِدْيَانْ أَنْهَزَّوْا قِدَّامَهْ.

إرْمِيا 4:6

أَرْفَعَوْا رَايَةْ فِي صَهْيُون وَ أَلْجَأَوْا لَيْهَا وَ مَا تِأَخُّرُوا فِي الطَّرِيقْ. وَ دِي الْفَسَالَةْ النِّجِيبْهَا مِنْ مُنْشَاقْ وَ هِي دَمَارْ كَبِيرْ.

إشَعْيا 54:2

«وَسِّعِي بَكَانْ خَيْمِتْكِ وَ فِلِّي قِطَعْ مَسْكَنْكِ بَلَا حِسَابْ وَ طَوِّلِي حُبَالْهَا وَ ثَبِّتِي وُتَادْهَا.

إشَعْيا 47:9

لَاكِنْ الْأَشْيَاءْ الْإِتْنَيْن دَوْل يَجُوكِ بِسُرْعَةْ، فِي يَوْم وَاحِدْ بَسْ، تِوَدِّرِي عِيَالْكِ وَ تَبْقَيْ أَرْمَلَةْ. حَتَّى بِكَتَرَةْ سِحِرْكِ وَ قُدْرَةْ جَنَّانِيِّينْكِ كُلَ، الْأَشْيَاءْ دَوْل يَجُوا فَوْقكِ بِشِدَّةْ.

زَبُور 72:19

بَارَكْ اللّٰهْ الْأُسْمَهْ مَجِيدْ إِلَى الْأَبَدْ وَ خَلِّي كُلَّ الْأَرْض تِنْمَلِي بِمَجْدَهْ. آمِينْ! آمِينْ!

عَدد 16:45

«أَمُرْقُوا مِنْ أُسُطْ مُجْتَمَعْ بَنِي إِسْرَائِيلْ دَوْل أَشَانْ أَنَا نِدَمِّرْهُمْ هَسَّعْ.» فِي الْبَكَانْ دَا، مُوسَى وَ هَارُونْ وَقَعَوْا بِوُجُوهُّمْ فِي التُّرَابْ.

عَدد 16:21

«أَمُرْقُوا مِنْ أُسُطْ مُجْتَمَعْ بَنِي إِسْرَائِيلْ دَوْل أَشَانْ أَنَا نِدَمِّرْهُمْ هَسَّعْ.»

لاوِيِّين 26:28

أَنَا كُلَ نُقُمّ ضِدُّكُو بِغَضَبْ شَدِيدْ وَ أَنَا ذَاتِي نِعَاقِبْكُو سَبْعَةْ مَرَّاتْ بِسَبَبْ ذُنُوبْكُو.

إشَعْيا 15:5

قَلْبِي أَنْجَرَحْ لِنَاسْ مُوَابْ. الْمُعَرِّدِينْ مِنْهَا لِحْقَوْا لَحَدِّي حِلَّالْ صُوغَرْ وَ عَقْلَتْ شَلِيشَةْ. وَ قَاعِدِينْ يَطْلَعَوْا فِي قَوْز لُحِيتْ بِبَكِي وَ يَصْرَخَوْا صِرَاخْ شَدِيدْ فِي دَرِبْ حُرُنَايِمْ.

إرْمِيا 4:21

لَحَدِّي مَتَى نِشِيفْ رَايَةْ الْحَرِبْ وَ نَسْمَعْ حِسّ الْبُوقْ؟»

إرْمِيا 4:27

وَ دَاهُو اللّٰهْ قَالْ: «كُلَّ الْأَرْض تَخْرَبْ وَ لَاكِنْ بَيْدَا كُلَ، أَنَا مَا نِدَمِّرْهَا مَرَّةْ وَاحِدْ.

إرْمِيا 12:11

هُمَّنْ سَوَّوْهَا خَرَابْ وَ دَاهُو هِي قِدَّامِي يَابْسَةْ وَ خَرْبَانَةْ. أَيْوَى، الْبَلَدْ كُلَّهَا كَيْ خَرْبَانَةْ وَ مَا فِي نَادُمْ الْيِحِنّ فَوْقهَا.»

إرْمِيا 9:18

خَلِّي هِنَّ يِجَنْ بِسُرْعَةْ وَ يَبْكَنْ وَ يُنُوحَنْ لَيْنَا. خَلِّي عُيُونَّا يِدَمُّعُوا وَ خَلِّي دُمُوعْنَا يِسِيلُوا.