إرْمِيا 4:19 - الكتاب المقدس بالعربي الدارجي هنا تشاد

¹⁹ وَ إِرْمِيَا قَالْ: «بُطُونِي! بُطُونِي حِرْقَوْا! أَنَا نِتَّنَّ مِنْ الْوَجَعْ وَ قَلْبِي يَضْرُبْ. وَ نَفْسِي مُبَرْجَلَةْ وَ مَا نَقْدَرْ نَسْكُتْ. أَشَانْ أَنَا سِمِعْت حِسّ الْبُوقْ وَ كُرَوْرَاكْ الْحَرِبْ.

إرْمِيا 4:19 Referenca të Kryqëzuara

حَبَقُوق 3:16

مِنْ أَنَا سِمِعْت بِجَيْتَكْ، قَلْبِي رَجَفْ وَ مِنْ سِمِعْت حِسَّكْ، شَلَالِيفِي رَجَفَوْا وَ عُضَامِي مَاعَوْا. وَ أَنَا وَقَفْت بَكَانْ وَاحِدْ وَ قَاعِدْ نَرْجِفْ. وَ هَسَّعْ، نَرْجَى يَوْم الضِّيقَةْ الْيَجِي فَوْق عَدُونَا.

إشَعْيا 22:4

وَ فِي شَانْ دَا، أَنَا قُلْت: «مَا تِشِيفُونِي! خَلُّونِي نَبْكِي بِحُرْقَةْ. وَ مَا تِحَاوُلُوا تِحَنُّسُونِي أَشَانْ أُمَّتِي الْمِثِلْ بِنْت أَمِّي أَدَّمَّرَتْ.»

إشَعْيا 16:11

وَ فِي شَانْ دَا، بُطُونِي رَجَفَوْا لِمُوَابْ مِثِلْ حُبَالْ الْجِقِنْدِيَّةْ وَ قَلْبِي خَافْ لِحِلَّةْ قِيرْ حَارَسْ.

إرْمِيا 9:10

فِي الْجِبَالْ، أَنَا نَحْزَنْ وَ نَبْكِي وَ فِي مَرَاعِي الْكَدَادَةْ، أَنَا نُنُوحْ أَشَانْ الْأَرْض حِرْقَتْ وَ مَا فِي نَادُمْ الْيَجِي فَوْقهَا. وَ حِسّ هَنَا بَهِيمَةْ كُلَ مَا يِنْسَمِعْ وَ الطُّيُورْ وَ الْوُحُوشْ كُلُّهُمْ عَرَّدَوْا مِنْهَا.

إرْمِيا 9:1

خَلِّي رَاسِي يَبْقَى خَزَّانْ هَنَا دُمُوعْ وَ دُمُوعْ عُيُونِي يِسِيلُوا مِثِلْ عُيُونْ أَلْمِي أَشَانْ نَبْكِي لَيْل وَ نَهَارْ لِضَحَايَا أُمَّتِي الْمِثِلْ بِنْت أَمِّي.

إشَعْيا 21:3

وَ بِسَبَبْ دَا، صُلْبِي قَاعِدْ يَرْجِفْ مِنْ التَّعَبْ وَ وَجَعْ شَدِيدْ كَرَبَانِي مِثِلْ وَجَعْ هَنَا الْمَرَةْ الْقَاعِدَةْ تِطَالِقْ. مِنْ شِدَّةْ الْوَجَعْ، مَا نَسْمَعْ وَ مِنْ شِدَّةْ الْخَوْف، مَا نِشِيفْ.

غَلاطِية 4:19

يَا عِيَالِي النِّحِبُّكُو، أَنَا بِقِيتْ مِثِلْ أَمُّكُو الْقَاعِدَةْ نَلْدَاكُو مَرَّةْ تَانِيَةْ. أَنَا قَاعِدْ نَتْعَبْ فِي الطَّلَقَةْ لَحَدِّي تَبْقَوْا ثَابْتِينْ فِي الْمَسِيحْ.

دَنْيال 8:27

وَ أَنَا دَنْيَالْ ضِعِفْت وَ مِرِضْت مُدَّةْ أَيَّامْ. وَ بَعَدَيْن لِقِيتْ الْعَافَيْ وَ قَمَّيْت نِسَوِّي خِدْمَةْ الْمَلِكْ. وَ بَيْدَا كُلَ، أَنَا هَمَّيْت زِيَادَةْ مِنْ الرُّؤْيَةْ الشِّفْتَهَا وَ مَا فِهِمْت مَعَنَاتْهَا.

دَنْيال 7:15

وَ أَنَا دَنْيَالْ هَمَّيْت زِيَادَةْ. وَ الرُّؤْيَةْ الشِّفْتَهَا دِي بَرْجَلَتْنِي.

إشَعْيا 15:5

قَلْبِي أَنْجَرَحْ لِنَاسْ مُوَابْ. الْمُعَرِّدِينْ مِنْهَا لِحْقَوْا لَحَدِّي حِلَّالْ صُوغَرْ وَ عَقْلَتْ شَلِيشَةْ. وَ قَاعِدِينْ يَطْلَعَوْا فِي قَوْز لُحِيتْ بِبَكِي وَ يَصْرَخَوْا صِرَاخْ شَدِيدْ فِي دَرِبْ حُرُنَايِمْ.

زَبُور 116:7

يَا نَفْسِي! أَنْجَمَّيْ أَشَانْ اللّٰهْ سَوَّى لَيْكِ الْخَيْر.

رَوْمَا 10:1

يَا أَخْوَانِي فِي الْمَسِيحْ، نِتْمَنَّى بِكُلَّ قَلْبِي كَدَرْ أَخْوَانِي الْيَهُودْ يَنْجَوْا وَ دَا الشَّيّءْ الْأَنَا دَايْماً نَطُلْبَهْ مِنْ اللّٰهْ.

عَمُوس 3:6

كَنْ الْبُوقْ بَكَى فِي لُبّ الْحِلَّةْ، سُكَّانْهَا مَا يِبَرْجُلُوا وَلَّا؟ كَنْ شَيّءْ فَسِلْ جَاءْ فِي الْحِلَّةْ، مَا اللّٰهْ بَسْ جَعَلَهْ وَلَّا؟

دَنْيال 7:28

وَ خَلَاصْ، الرُّؤْيَةْ دِي كَمَّلَتْ. وَ أَنَا دَنْيَالْ أَفْكَارِي خَوَّفَوْنِي مَرَّةْ وَاحِدْ وَ وِجْهِي أَلْغَيَّرْ وَ قَاعِدْ نِفَكِّرْ فِي الرُّؤْيَةْ دِي.

مَراثِي إرْمِيا 2:11

وَ عُيُونِي دُمُوعْهُمْ كَمَّلَوْا وَ بُطُونِي حِرْقَوْا وَ قُدُرْتِي بِقَتْ مَا فِيهَا بِسَبَبْ الدَّمَارْ اللِّحِقْ أُمَّتِي الْمِثِلْ بِنْت أَمِّي. وَكِتْ الْأَطْفَالْ وَ الْعِيَالْ الدُّقَاقْ قَاعِدِينْ يَغْمَرَوْا فِي شَوَارِعْ الْمَدِينَةْ،

مَراثِي إرْمِيا 1:16

وَ فِي شَانْ دَا، أَنَا بَكَيْت وَ دُمُوعِي جَرَوْا وُدْيَانْ أَشَانْ الْيِصَبِّرْنِي وَ الْيِحَيِّينِي بِقِي بَعِيدْ مِنِّي. وَ عِيَالِي هِلْكَوْا أَشَانْ الْعَدُو أَنَّصَرْ فَوْقِي.»

إرْمِيا 23:9

وَ فِي الْأَنْبِيَاء دَوْل، إِرْمِيَا قَالْ: «قَلْبِي أَنْقَطَعْ فِي دَاخِلِي وَ كُلَّ عُضَامِي مَاعَوْا. وَ بِقِيتْ مِثِلْ السَّكْرَانْ أَوْ مِثِلْ نَادُمْ الْمَرِيسَةْ فَاتَتْ قُدُرْتَهْ. وَ دَا فِي شَانْ اللّٰهْ وَ فِي شَانْ كَلَامَهْ الْمُقَدَّسْ.

إرْمِيا 20:9

وَ كَنْ نُقُولْ فِي نَفْسِي مَا نِفَكِّرْ لِلّٰهْ وَ لَا نِحَجِّي بَتَّانْ بِكَلَامَهْ الْأَمَرَانِي بَيَّهْ، خَلَاصْ دَا يَبْقَى لَيِّ مِثِلْ نَارْ تَحْرِقْنِي فِي دَاخِلِي وَ مِثِلْ جَمُرْ فِي عُضَامِي. وَ دَا فَاتَانِي، مَا نَقْدَرْ نَحْمَلَهْ.

إرْمِيا 13:17

وَ كَنْ مَا تَسْمَعَوْا الْكَلَامْ دَا، أَنَا نَحْزَنْ فِي قَلْبِي دَاخَلْ بِسَبَبْ إِسْتِكْبَارْكُو. وَ نَبْكِي دَايْماً وَ دُمُوعِي يِسِيلُوا أَشَانْ غَنَمْ اللّٰهْ الْهُمَّنْ بَنِي إِسْرَائِيلْ كَرَبَوْهُمْ مَسَاجِينْ.»

إرْمِيا 4:21

لَحَدِّي مَتَى نِشِيفْ رَايَةْ الْحَرِبْ وَ نَسْمَعْ حِسّ الْبُوقْ؟»

إرْمِيا 4:5

يَلَّا قُمُّوا خَبُّرُوا فِي بَلَدْ يَهُوذَا وَ مَدِينَةْ الْقُدُسْ وَ أَضُرْبُوا الْبُوقْ فِي كُلَّ الْبَلَدْ. وَ عِيطُوا بِحِسّ عَالِي وَ قُولُوا: «لِمُّوا وَ أَدْخُلُوا فِي الْمُدُنْ الْقَوِيِّينْ.»

زَبُور 146:1

الْحَمْدُ للّٰهْ! يَا نَفْسِي، أَحْمُدِي اللّٰهْ!

زَبُور 119:136

مِنْ عُيُونِي، دُمُوعِي نَزَلَوْا مِثِلْ وُدْيَانْ أَشَانْ النَّاسْ مَا حَفَضَوْا تَوْرَاتَكْ.

زَبُور 119:53

وَ الزَّعَلْ كَرَبْنِي فِي شَانْ الْعَاصِيِينْ الْخَلَّوْا تَوْرَاتَكْ.

زَبُور 103:1

يَا نَفْسِي، أَحْمُدِي اللّٰهْ! يَا كُلَّ قَلْبِي، بَارِكْ أُسْمَهْ الْمُقَدَّسْ!

زَبُور 16:2

أَنَا قُلْت لِلّٰهْ: «إِنْتَ بَسْ رَبِّي! مَا عِنْدِي خَيْر بَلَاكْ إِنْتَ!»

قُضياء 5:21

وَ وَادِي قِيشُونْ شَالَاهُمْ، هُو الْوَادِي الْقَدِيمْ، وَادِي قِيشُونْ. أَمْشِي، يَا نَفْسِي، بِقُدْرَةْ!

عَدد 10:9

«وَ وَكِتْ تَمْشُوا لِلْحَرِبْ ضِدّ عُدْوَانْكُو الْقَاعِدِينْ يَهْجُمُوكُو فِي بَلَدْكُو، أَضُرْبُوا الْبُرُنْجِي الْإِتْنَيْن عِدَّةْ مَرَّاتْ. وَ بَيْدَا، أَنَا اللّٰهْ إِلٰـهْكُو نِفَكِّرْ فَوْقكُو وَ نِنَجِّيكُو مِنْ عُدْوَانْكُو.

تكوين 49:6

لَاكِنْ أَنَا مَا نِشْتَرِكْ مَعَاهُمْ وَ قَلْبِي مَا يَرْضَى بِفِعِلْهُمْ دَا. أَشَانْ فِي زَعَلْهُمْ، هُمَّنْ كَتَلَوْا رُجَالْ وَ فِي غَبِينِتْهُمْ، عَوَّقَوْا تِيرَانْ.

1 كُرُنْتُس 14:8

كَنْ الْبُرُنْجِي مَا يِنَادِي الْعَسْكَرْ بِحِسّ وَاضِحْ، يَاتُو الْيِجَهِّزْ نَفْسَهْ لِلْحَرِبْ؟

إرْمِيا 6:24

وَ سُكَّانْ صَهْيُون قَالَوْا: «وَكِتْ سِمِعْنَا الْخَبَرْ، إِيدَيْنَّا أَنْرَخَوْا وَ الْخَوْف وَ الْوَجَعْ كَرَبَوْنَا مِثِلْ الْمَرَةْ الْقَاعِدَةْ تِطَالِقْ.»

إرْمِيا 8:21

وَ إِرْمِيَا قَالْ: «أَشَانْ أَنْجَرَحَتْ أُمَّتِي الْمِثِلْ بِنْت أَمِّي، أَنَا كُلَ أَنْجَرَحْت. أَنْبَهَتْ وَ حِزِنْ شَدِيدْ كَرَبْنِي.

إرْمِيا 42:14

وَ أَكُونْ تُقُولُوا: ‹لَا! أَنِحْنَ نَمْشُوا مَصِرْ وَ هِنَاكْ وَ لَا نِشِيفُوا حَرِبْ وَ لَا نَسْمَعَوْا حِسّ بُرُنْجِي وَ لَا يِقَصِّرْ لَيْنَا أَكِلْ. وَ دَا بَسْ الْبَكَانْ الْأَنِحْنَ نَسْكُنُوا فَوْقَهْ.›

إرْمِيا 49:2

فِي شَانْ دَا، يَجِي يَوْم وَاحِدْ الْفَوْقَهْ أَنَا نِجِيبْ كُرَوْرَاكْ الْهُجُومْ فِي رَبَّةْ مَدِينَةْ بَنِي عَمُّونْ. وَ دَا كَلَامْ اللّٰهْ. هِي تَخْرَبْ وَ تَبْقَى كَوْم هَنَا تُرَابْ وَ الْحِلَّالْ التَّابْعِينْ لَيْهَا يَحْرَقَوْا بِنَارْ. وَ فِي الْبَكَانْ دَا، بَنِي إِسْرَائِيلْ يَقْلَعَوْا مِنْ الْعُدْوَانْ الْقَلَعَوْا مِنْهُمْ. وَ دَا، اللّٰهْ بَسْ قَالَهْ.

إرْمِيا 50:22

يِنْسَمِعْ كُرَوْرَاكْ الْحَرِبْ فِي الْبَلَدْ وَ يِنْشَافْ دَمَارْ كَبِيرْ!

دَنْيال 4:19

وَ دَنْيَالْ الْبِسَمُّوهْ بَلْطَشَاصَرْ أَنْبَهَتْ لِوَكِتْ شِيَّةْ وَ فِكْرَهْ بَرْجَلَهْ. وَ الْمَلِكْ قَالْ لَيَّهْ: «يَا بَلْطَشَاصَرْ، خَلِّي الْحِلِمْ وَ تَفْسِيرَهْ مَا يِبَرْجُلُوكْ.» وَ بَلْطَشَاصَرْ رَدَّ لَيَّهْ وَ قَالْ: «يَا سِيدِي الْمَلِكْ، يَارَيْت الْحِلِمْ دَا كَنْ بِقِي فِي عُدْوَانَكْ وَ تَفْسِيرَهْ بِقِي فِي خُصْمَانَكْ!

2 مُلوك 4:19

وَ خَلَاصْ، الْوِلَيْد قَمَّ يَبْكِي لِأَبُوهْ وَ قَالْ: «رَاسِي! رَاسِي بَوْجَعْنِي!» وَ أَبُوهْ قَالْ لِخَدَّامَهْ: «شِيلَهْ وَ وَدِّيهْ لِأَمَّهْ.»

2 مُلوك 8:11

وَ فِي الْبَكَانْ دَا، أَلْيَسَعْ قَمَّ يِحَمِّرَهْ لِحَزَيِيلْ دَاخَلْ فِي عَيْنَهْ لَحَدِّي الْعَيْب سَوَّاهْ. وَ بَعَدْ دَا، نَبِي اللّٰهْ بَكَى.

إشَعْيا 21:4

فِكْرِي وَدَّرْ وَ خَوْف شَدِيدْ كَرَبَانِي. اللَّيْل الْقَاعِدْ نَرْجَاهْ جَابْ لَيِّ الرُّعُبْ.

إرْمِيا 8:18

قَلْبِي فِي دَاخِلِي حَزْنَانْ وَ لَاكِنْ حِزْنِي مَا عِنْدَهْ عِلَاجْ.

مَراثِي إرْمِيا 1:20

يَا اللّٰهْ، شِيفْ الضِّيقَةْ الْفَوْقِي! نَفْسِي مُبَرْجَلَةْ وَ قَلْبِي مُنْجَرِحْ أَشَانْ أَنَا عِصِيتَكْ عِصْيَانْ شَدِيدْ. كَنْ مَرَقْت فِي الشَّارِعْ، الْمَوْت يِلَاقِينِي وَ كَنْ قَعَدْت فِي الْبَيْت، السَّيْف يَقْطَعْ رَقَبَتِي.