إرْمِيا 39:6 - الكتاب المقدس بالعربي الدارجي هنا تشاد

⁶ وَ مَلِكْ بَابِلْ دَبَحْ أَوْلَادْ صِدْقِيَّا قِدَّامَهْ فِي رِبْلَةْ وَ بَتَّانْ دَبَحْ كُلَّ شُيُوخْ يَهُوذَا.

إرْمِيا 39:6 Referenca të Kryqëzuara

إرْمِيا 52:10

وَ هِنَاكْ فِي رِبْلَةْ، مَلِكْ بَابِلْ دَبَحْ أَوْلَادْ صِدْقِيَّا قِدَّامَهْ وَ بَتَّانْ دَبَحْ كُلَّ كُبَارَاتْ يَهُوذَا.

إرْمِيا 21:7

وَ بَعَدْ دَا، صِدْقِيَّا مَلِكْ يَهُوذَا وَ خَدَّامِينَهْ وَ كُلَّ نَاسْ الْمَدِينَةْ دِي الْفَضَّلَوْا مِنْ الْوَبَاءْ وَ الْحَرِبْ وَ الْجُوعْ، أَنَا نِسَلِّمْهُمْ لِنَبُوخَدْنَصَرْ مَلِكْ بَابِلْ. أَيْوَى، نِسَلِّمْهُمْ لِعُدْوَانْهُمْ الْيِدَوْرُوا مَوْتهُمْ. وَ الْمَلِكْ يَكْتُلْهُمْ بِشِدَّةْ بَلَا رَحْمَةْ وَ لَا مَحَنَّةْ.“›» وَ دَا كَلَامْ اللّٰهْ.

2 مُلوك 25:7

وَ هُمَّنْ دَبَحَوْا أَوْلَادْ صِدْقِيَّا فِي قِدَّامَهْ. وَ بَعَدْ دَا، مَلِكْ بَابِلْ قَدَّدْ عُيُونْ صِدْقِيَّا وَ جَنْزَرَهْ بِجِنْزِيرْ هَنَا نَحَاسْ مَطْبُوقْ وَ وَدَّاهْ فِي بَابِلْ.

تَثْنِية 28:34

وَ تِنْجَنَّوْا مِنْ شِدَّةْ الشَّيّءْ الشَّيْن الْيِشِيفُوهْ عُيُونْكُو.

إشَعْيا 13:16

وَ أَطْفَالْهُمْ يَرْحَكَوْهُمْ قِدَّامْهُمْ وَ يَنْهَبَوْا خُمَامْ بُيُوتْهُمْ وَ يَرُقْدُوا مَعَ عَوِينْهُمْ بِقُوءْ.»

أسْتِير 8:6

وَ كِكَّيْف نَقْدَرْ نَحْمَلْ وَ نِشِيفْ الْفَسَالَةْ التَّلْحَقْ شَعَبِي؟ وَ كِكَّيْف نَقْدَرْ نَحْمَلْ وَ نِشِيفْ دَمَارْ أَهَلِي؟»

2 أخبار 34:28

وَ بِسَبَبْ دَا، نِخَلِّيكْ تَلْحَقْ أَبَّهَاتَكْ بِالسَّلَامَةْ وَ يَدْفُنُوكْ فِي قَبُرَكْ وَ إِنْتَ مَا تِشِيفْ الْمَصِيبَةْ الْأَنَا نِنَزِّلْهَا فِي مَدِينَةْ الْقُدُسْ وَ سُكَّانْهَا.“›» وَ خَلَاصْ، الْمُرَسَّلِينْ مَشَوْا وَ كَلَّمَوْا الْكَلَامْ دَا لِلْمَلِكْ.

2 مُلوك 22:20

وَ بِسَبَبْ دَا، نِخَلِّيكْ تَلْحَقْ أَبَّهَاتَكْ بِالسَّلَامَةْ وَ يَدْفُنُوكْ فِي قَبُرَكْ وَ مَا تِشِيفْ الْمَصِيبَةْ الْأَنَا نِنَزِّلْهَا فِي مَدِينَةْ الْقُدُسْ.›» وَ خَلَاصْ الْمُرَسَّلِينْ مَشَوْا وَ كَلَّمَوْا الْكَلَامْ دَا لِلْمَلِكْ.

تكوين 44:34

أَنَا مَا نَقْدَرْ نِقَبِّلْ بَكَانْ أَبُويِ بَلَا الْوِلَيْد دَا. مَا نَقْدَرْ نِشِيفْ أَبُويِ فِي حِزْنَهْ.»

تكوين 21:16

وَ مَشَتْ شِيَّةْ بَعِيدْ مِنَّهْ، قَعَدَتْ وَ قَابَلَتَهْ وَ قَالَتْ: «مَا نَقْدَرْ نِشِيفْ الْوِلَيْد يُمُوتْ قِدَّامِي.» وَ قَمَّتْ تَبْكِي.

إشَعْيا 34:12

وَ مَا فِي كُبَارَاتْ الْيِدَرُّجُوا مَلِكْ وَ كُلَّ مَسَائِيلْهَا يَبْقَوْا مَا فِيهُمْ.

إرْمِيا 20:4

أَشَانْ دَاهُو اللّٰهْ قَالْ: ‹أَكِيدْ أَنَا نِسَلِّمَكْ لِلْمُخِيفْ، إِنْتَ وَ رُفْقَانَكْ. هُمَّنْ يُمُوتُوا قِدَّامَكْ فِي الْحَرِبْ مَعَ عُدْوَانْهُمْ. وَ نِسَلِّمْ نَاسْ يَهُوذَا فِي إِيدْ مَلِكْ بَابِلْ وَ هُو يِوَدِّيهُمْ فِي الْغُرْبَةْ فِي بَابِلْ وَ يَكْتُلْهُمْ بِالْسَّيْف.

إرْمِيا 34:3

يَا صِدْقِيَّا، إِنْتَ ذَاتَكْ مَا تَنْجَى مِنَّهْ، أَكِيدْ هُو يَكُرْبَكْ. وَ تِلْقَابَلَوْا مَعَ مَلِكْ بَابِلْ وِجِهْ بِوِجِهْ وَ تِحَجِّي مَعَايَهْ خَشُمْ بِخَشُمْ وَ يِوَدِّيكْ فِي بَابِلْ.

إرْمِيا 38:23

«وَ كُلَّ عَوِينَكْ وَ عِيَالَكْ يَكُرْبُوهُمْ وَ يِوَدُّوهُمْ لِلْبَابِلِيِّينْ. وَ إِنْتَ ذَاتَكْ مَا تَنْجَى مِنْ مَلِكْ بَابِلْ. هُو يَكُرْبَكْ وَ يِحَرِّقْ الْمَدِينَةْ دِي.»

حِزْقِيال 23:24

وَ يَجُوا ضِدِّكِ بِعَرَبَاتْ الْحَرِبْ وَ كَارَّوْيَاتْ وَ عَسْكَرْ كَتِيرِينْ بِدَرَقْ كُبَارْ وَ دُقَاقْ وَ طَوَاقِي هَنَا حَرِبْ وَ يِحَاصُرُوكِ. وَ أَنَا نَنْطِيهُمْ إِذِنْ لِيِحَاكُمُوكِ حَسَبْ شَرِيعِتْهُمْ.

حِزْقِيال 24:5

شِيلْ غَنَمَايْ سَمِينَةْ وَ لِمّ الْحَطَبْ تِحِتْ الْبُرْمَةْ. رَكِّبْ اللَّحَمْ وَ نَجِّضَهْ عَدِيلْ لَحَدِّي الْعُضَامْ كُلَ يَنْجَضَوْا.“›»

صَفَنْيا 1:8

وَ اللّٰهْ قَالْ: «فِي يَوْم الضَّحِيَّةْ دِي، أَنَا نِعَاقِبْ الْكُبَارَاتْ وَ عِيَالْ الْمَلِكْ وَ كُلَّ النَّاسْ الْيَلْبَسَوْا خُلْقَانْ الْأَجَانِبْ لِيِتَابُعُوا عَادَاتْهُمْ.