إرْمِيا 39:5 - الكتاب المقدس بالعربي الدارجي هنا تشاد

⁵ وَ لَاكِنْ عَسْكَرْ بَابِلْ طَرَدَوْه لِصِدْقِيَّا وَ لِحْقَوْه وَ كَرَبَوْه فِي كَدَادَةْ أَرِيحَا. وَ هُمَّنْ جَابَوْه فِي حِلَّةْ رِبْلَةْ فِي بَلَدْ حَمَاتْ قِدَّامْ نَبُوخَدْنَصَرْ مَلِكْ بَابِلْ. وَ فِي الْبَكَانْ دَا، حَاكَمَهْ.

إرْمِيا 39:5 Referenca të Kryqëzuara

2 مُلوك 23:33

وَ فِرْعَوْن نَكُو مَلِكْ بَلَدْ مَصِرْ كَرَبَهْ وَ سَجَنَهْ فِي رِبْلَةْ بَلَدْ حَمَاتْ وَ بَتَّانْ مَا حَكَمْ فِي مَدِينَةْ الْقُدُسْ. وَ زِيَادَةْ مِنْ دَا، الْمَلِكْ نَكُو جَبَرَاهُمْ لِنَاسْ مَمْلَكَةْ يَهُوذَا يِكَفُّوا مِيرِي هَنَا 3 400 كِيلَوْ هَنَا فُضَّةْ وَ 34 كِيلَوْ هَنَا دَهَبْ.

يَشُوع 5:10

وَ بَنِي إِسْرَائِيلْ نَزَلَوْا فِي قِلْقَالْ وَ عَيَّدَوْا عِيدْ الْفِصْحَ فِي يَوْم 14 هَنَا الشَّهَرْ الْأَوَّلْ بِعَشِيَّةْ فِي كَدَادَةْ أَرِيحَا.

إرْمِيا 38:23

«وَ كُلَّ عَوِينَكْ وَ عِيَالَكْ يَكُرْبُوهُمْ وَ يِوَدُّوهُمْ لِلْبَابِلِيِّينْ. وَ إِنْتَ ذَاتَكْ مَا تَنْجَى مِنْ مَلِكْ بَابِلْ. هُو يَكُرْبَكْ وَ يِحَرِّقْ الْمَدِينَةْ دِي.»

إرْمِيا 38:18

وَ لَاكِنْ كَنْ إِنْتَ مَا مَرَقْت لِقُيَّادْ مَلِكْ بَابِلْ وَ سَلَّمْت نَفْسَكْ لَيْهُمْ، خَلَاصْ الْمَدِينَةْ دِي، الْبَابِلِيِّينْ يِشِيلُوهَا وَ يِحَرُّقُوهَا وَ إِنْتَ كُلَ مَا تَنْجَى مِنْهُمْ.›»

يَشُوع 4:13

وَ حَوَالَيْ 40 000 رُجَالْ مُسَلَّحِينْ قَطَعَوْا الْبَحَرْ جَاهِزِينْ لِلْحَرِبْ وَ اللّٰهْ مَعَاهُمْ. وَ هُمَّنْ مُتَوَجِّهِينْ عَلَيْ كَدَادَةْ أَرِيحَا.

مَراثِي إرْمِيا 4:20

الْمَلِكْ الْاللّٰهْ مَسَحَهْ وَ دَرَّجَهْ، هُو مِثِلْ رُوحْنَا وَ قُلْنَا نِعِيشُوا تِحْتَهْ مَعَ الْأُمَمْ. وَ لَاكِنْ الْعَدُو رَمَاهْ فِي الشَّرَكْ وَ كَرَبَهْ.

مَراثِي إرْمِيا 1:3

تِحِتْ التَّعَبْ هَنَا الْغُرْبَةْ، بَلَدْ يَهُوذَا وَدَّوْهَا فِي الْعُبُودِيَّةْ. وَ عَايْشَةْ فِي أُسْط الْأُمَمْ بَلَا رَاحَةْ وَ عُدْوَانْهَا الطَّارَدَوْهَا فِي الدَّرِبْ الضَّيِّقْ زَرَّوْهَا.

إرْمِيا 4:12

هِي رِيحْ شَدِيدَةْ بِلْحَيْن وَ جَايَةْ مِنْ هِنَاكْ بِأَمْرِي. وَ هَسَّعْ، أَنَا كُلَ نُقُمّ نِحَاكِمْهُمْ.»

2 أخبار 33:11

وَ فِي شَانْ دَا، اللّٰهْ قَوَّمْ ضِدُّهُمْ قُيَّادْ عَسْكَرْ مَلِكْ بَلَدْ أَشُورْ. وَ كَرَبَوْه لِمَنَسَّى وَ دَسَّوْا لَيَّهْ حَدِيدْ مُكَنْجَرْ وَ رَبَطَوْه بِجِنْزِيرْ هَنَا نَحَاسْ مَطْبُوقْ وَ وَدَّوْه بَابِلْ.

2 مُلوك 25:6

وَ عَسْكَرْ بَابِلْ كَرَبَوْه لِلْمَلِكْ صِدْقِيَّا وَ وَدَّوْه فِي حِلَّةْ رِبْلَةْ قِدَّامْ مَلِكْ بَابِلْ. وَ فِي الْبَكَانْ دَا، حَاكَمَوْه.

2 مُلوك 17:24

وَ مَلِكْ بَلَدْ أَشُورْ جَابْ نَاسْ مِنْ مَدِينَةْ بَابِلْ وَ مِنْ حِلَّالْ كُوتَةْ وَ عَوَّا وَ حَمَاتْ وَ سَفَرْوَايِمْ وَ سَكَّنَاهُمْ فِي الْحِلَّالْ هَنَا مَدِينَةْ السَّامِرَةْ فِي بَدَلْ نَاسْ مَمْلَكَةْ إِسْرَائِيلْ. وَ النَّاسْ دَوْل شَالَوْا مَدِينَةْ السَّامِرَةْ وَ سَكَنَوْا فِي حِلَّالْهَا.

2 صَمُوِيل 8:9

وَ تُوعِي مَلِكْ بَلَدْ حَمَاتْ سِمِعْ كَدَرْ دَاوُدْ أَنَّصَرْ فِي كُلَّ عَسْكَرْ هَدَدْعَازَرْ.

قُضياء 3:3

دَاهُو الْأُمَمْ الْاللّٰهْ خَلَّاهُمْ فِي الْبَلَدْ. هُمَّنْ خَمْسَةْ كُبَارَاتْ هَنَا الْفِلِسْطِيِّينْ وَ كُلَّ الْكَنْعَانِيِّينْ وَ الصَّيْدُونِيِّينْ وَ الْحِوِّيِّينْ السَّاكْنِينْ فِي جِبَالْ لُبْنَانْ مِنْ جَبَلْ بَعَلْ حَرْمُونْ لَحَدِّي لَبُو حَمَاتْ.

يَشُوع 13:5

وَ شِيلُوا بَلَدْ الْقِبَالِيِّينْ وَ كُلَّ لُبْنَانْ فِي الصَّبَاحْ مِنْ بَعَلْ قَادْ قَعَرْ جَبَلْ حَرْمُونْ لَحَدِّي لَبُو حَمَاتْ.

عَدد 13:21

وَ خَلَاصْ مَشَوْا رَاغَوْا كُلَّ الْبَلَدْ مِنْ صَحَرَاء سِينْ لَحَدِّي رَحُوبْ قَرِيبْ لِلَبُو حَمَاتْ.

إرْمِيا 21:7

وَ بَعَدْ دَا، صِدْقِيَّا مَلِكْ يَهُوذَا وَ خَدَّامِينَهْ وَ كُلَّ نَاسْ الْمَدِينَةْ دِي الْفَضَّلَوْا مِنْ الْوَبَاءْ وَ الْحَرِبْ وَ الْجُوعْ، أَنَا نِسَلِّمْهُمْ لِنَبُوخَدْنَصَرْ مَلِكْ بَابِلْ. أَيْوَى، نِسَلِّمْهُمْ لِعُدْوَانْهُمْ الْيِدَوْرُوا مَوْتهُمْ. وَ الْمَلِكْ يَكْتُلْهُمْ بِشِدَّةْ بَلَا رَحْمَةْ وَ لَا مَحَنَّةْ.“›» وَ دَا كَلَامْ اللّٰهْ.

إرْمِيا 24:8

وَ دَاهُو كَلَامْ اللّٰهْ الْبُخُصّ صِدْقِيَّا مَلِكْ يَهُوذَا وَ كُبَارَاتَهْ وَ كُلَّ الْفَضَّلَوْا فِي مَدِينَةْ الْقُدُسْ وَ كُلَّ الْفَضَّلَوْا فِي الْبَلَدْ دِي وَ كُلَّ السَّاكْنِينْ فِي بَلَدْ مَصِرْ. هُو قَالْ: «نِسَوِّيهُمْ مِثِلْ التِّينْ الْمُعَفَّنْ الْمَا بِنْأَكِلْ.

إرْمِيا 44:30

وَ دَاهُو اللّٰهْ قَالْ: ‹أَنَا نِسَلِّمْ فِرْعَوْن حُفْرَعْ مَلِكْ مَصِرْ لِعُدْوَانَهْ الْيِدَوْرُوا مَوْتَهْ مِثِلْ سَلَّمْت صِدْقِيَّا مَلِكْ يَهُوذَا لِنَبُوخَدْنَصَرْ مَلِكْ بَابِلْ عَدُوهْ الدَّوَّرْ مَوْتَهْ.›»

إرْمِيا 49:23

كَلَامْ بُخُصّ مَدِينَةْ دِمَشْق. «حِلَّالْ حَمَاتْ وَ أَرْفَدْ هَمَّوْا أَشَانْ سِمْعَوْا خَبَرْ شَيْن. هُمَّنْ بَرْجَلَوْا وَ رَجَفَوْا مِثِلْ الْبَحَرْ الْأَلْمِيهْ مَا هَادِي.

حِزْقِيال 23:24

وَ يَجُوا ضِدِّكِ بِعَرَبَاتْ الْحَرِبْ وَ كَارَّوْيَاتْ وَ عَسْكَرْ كَتِيرِينْ بِدَرَقْ كُبَارْ وَ دُقَاقْ وَ طَوَاقِي هَنَا حَرِبْ وَ يِحَاصُرُوكِ. وَ أَنَا نَنْطِيهُمْ إِذِنْ لِيِحَاكُمُوكِ حَسَبْ شَرِيعِتْهُمْ.

حَبَقُوق 1:7

هُمَّنْ نَاسْ شُدَادْ وَ بِخَوُّفُوا. يُخُطُّوا شَرِيعِتْهُمْ وَ يِكَبُّرُوا نُفُوسْهُمْ.

إشَعْيا 22:3

كُلَّ قُيَّادْكِ عَرَّدَوْا وَ سِيَادْ النُّشَّابْ كَرَبَوْهُمْ مَسَاجِينْ. وَ كُلَّ سُكَّانْكِ كَرَبَوْهُمْ مَسَاجِينْ حَتَّى كَنْ هُمَّنْ عَرَّدَوْا بَعِيدْ كُلَ.