إرْمِيا 39:18 - الكتاب المقدس بالعربي الدارجي هنا تشاد

¹⁸ وَ أَكِيدْ أَنَا نِنَجِّيكْ. إِنْتَ مَا تُمُوتْ فِي الْحَرِبْ وَ تِعِيشْ وَ تَبْقَى فَرْحَانْ أَشَانْ لِقِيتْ الْحَيَاةْ وَ دَا بِسَبَبْ إِنْتَ أَتْوَكَّلْت عَلَيِّ.“›» وَ دَا كَلَامْ اللّٰهْ.

إرْمِيا 39:18 Referenca të Kryqëzuara

إرْمِيا 38:2

«دَاهُو اللّٰهْ قَالْ: ‹النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ وَ بِالْجُوعْ وَ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.›

زَبُور 34:22

وَ لَاكِنْ اللّٰهْ يَفْدَى حَيَاةْ عَبِيدَهْ وَ الْيَلْجَأَوْا لَيَّهْ مَا يِلْعَاقَبَوْا.

إرْمِيا 21:9

وَ دَاهُو الْخِيَارْ. النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ أَوْ بِالْجُوعْ أَوْ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ الْمُحَاصِرِينْكُو، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.

أفَسُس 1:12

وَ اللّٰهْ عَزَلَانَا أَنِحْنَ الْبِقِينَا الْأَوَّلَانِيِّينْ الْخَطَّيْنَا عَشَمْنَا فِي الْمَسِيحْ لِنَشْكُرُوهْ وَ نِمَجُّدُوهْ.

زَبُور 84:12

يَا اللّٰهْ الْقَادِرْ! مَبْرُوكْ لِلْإِنْسَانْ الْيِتْوَكَّلْ عَلَيْك.

زَبُور 147:11

لَاكِنْ اللّٰهْ يَفْرَحْ بِالْيَخَافَوْا مِنَّهْ وَ الْيُخُطُّوا عَشَمْهُمْ فِي رَحْمَتَهْ.

1 أخبار 5:20

وَ فِي وَكْت الْحَرْبَةْ دِي، هُمَّنْ كَوْرَكَوْا لِلرَّبّ لِيَفْزَعْهُمْ أَشَانْ هُمَّنْ مُتَوَكِّلِينْ عَلَيَّهْ. وَ هُو قِبِلْ سُؤَالْهُمْ وَ نَصَرَاهُمْ فِي بَنِي هَاجَرْ وَ النَّاسْ الْمَعَاهُمْ.

زَبُور 37:3

أَتْوَكَّلْ عَلَيْ اللّٰهْ وَ سَوِّي الْخَيْر وَ فِي الْبَلَدْ، تَسْكُنْ بِأَمَانْ.

زَبُور 33:18

وَ لَاكِنْ عَيْن اللّٰهْ قَاعِدَةْ تِشِيفْ الْيَخَافَوْا مِنَّهْ، هُمَّنْ الْعِنْدُهُمْ عَشَمْ فِي رَحْمَتَهْ.

1 بُطْرُس 1:21

وَ بِسَبَبْ الْمَسِيحْ، إِنْتُو آمَنْتُوا بِاللّٰهْ الْبَعَثَهْ مِنْ أُسْط الْمَيْتِينْ وَ أَنْطَاهْ الْمَجْد. وَ خَلَاصْ إِيمَانْكُو وَ عَشَمْكُو ثَابْتِينْ فِي اللّٰهْ.

رَوْمَا 2:12

كُلَّ النَّاسْ الْمَا عِنْدُهُمْ شُرُوطْ التَّوْرَاةْ وَ يَذْنُبُوا، يَهْلَكَوْا بَلَا شُرُوطْ التَّوْرَاةْ. وَ كُلَّ النَّاسْ الْعِنْدُهُمْ شُرُوطْ التَّوْرَاةْ وَ يَذْنُبُوا، اللّٰهْ يِحَاسِبْهُمْ حَسَبْ شُرُوطْ التَّوْرَاةْ.

إشَعْيا 26:3

يَا رَبّ! لِلنَّادُمْ الثَّابِتْ، إِنْتَ تِجِيبْ السَّلَامْ أَشَانْ هُو يِتْوَكَّلْ عَلَيْك.

زَبُور 2:12

كَرُّمُوا إِبْنَهْ، الْمَلِكْ الْهُو عَزَلَهْ وَ بَيْدَا، اللّٰهْ مَا يَزْعَلْ فَوْقكُو. وَ زَعَلَهْ مَا يِدَمِّرْكُو أَشَانْ هُو قَرِيبْ يَزْعَلْ فَوْقكُو. مَبْرُوكْ لِلنَّاسْ الْيَلْجَأَوْا لِلّٰهْ!

أيُّوب 5:20

وَ فِي وَكْت الْجُوعْ، هُو يَفْدَاكْ مِنْ الْمَوْت وَ فِي الْحَرِبْ، يَفْدَاكْ مِنْ ضَرْبَةْ السَّيْف.

زَبُور 91:7

وَ كَنْ يَقَعَوْا أَلِفْ نَاسْ بِنُصَّكْ وَ عَشَرَةْ أَلِفْ نَاسْ بِزَيْنَايْتَكْ كُلَ، أَبَداً شَيّءْ مَا يَلْحَقَكْ.