إرْمِيا 38:7 - الكتاب المقدس بالعربي الدارجي هنا تشاد

⁷ وَ فِيَّهْ رَاجِلْ وَاحِدْ حَبَشِي أُسْمَهْ عَبْدالْمَلِكْ وَ هُو مَسْؤُولْ كَبِيرْ فِي قَصِرْ الْمَلِكْ. وَ سِمِعْ كَدَرْ إِرْمِيَا زَقَلَوْه فِي النُّقْرَةْ. وَ فِي الْوَكِتْ دَاكْ، الْمَلِكْ قَاعِدْ فِي بَابْ الْمَدِينَةْ الْأُسْمَهْ بَنْيَامِينْ.

إرْمِيا 38:7 Referenca të Kryqëzuara

إرْمِيا 37:13

وَ وَكِتْ هُو جَاءْ فِي بَابْ الْمَدِينَةْ الْأُسْمَهْ بَنْيَامِينْ، هُو لِقِي كَبِيرْ الْحُرَّاسْ الْأُسْمَهْ يِرِيَا وِلَيْد شَلَمْيَا وِلَيْد حَنَنْيَا قَاعِدْ فِي الْبَابْ دَا. وَ يِرِيَا لَزَمَهْ لِلنَّبِي إِرْمِيَا وَ قَالْ لَيَّهْ: «تِدَوْر تِنْضَمَّ لِدَيْش الْبَابِلِيِّينْ وَلَّا شُنُو؟»

إرْمِيا 29:2

وَ الْجَوَابْ دَا رَسَّلَهْ بَعَدْ مَرَقَوْهُمْ مِنْ مَدِينَةْ الْقُدُسْ لِلْمَلِكْ يُيَكِينْ وَ الْمَلِكَةْ الْأُمّ وَ الْمَسَائِيلْ وَ الْكُبَارَاتْ هَنَا بَلَدْ يَهُوذَا وَ مَدِينَةْ الْقُدُسْ وَ الصِّنَاعِيِينْ وَ الْحَدَّادْ.

عَمُوس 5:10

إِنْتُو تَبْغُضُوا الشَّاهِدْ الْيُقُولْ الصَّحِيحْ فِي الشَّرِيعَةْ وَ تَجْعَلْ النَّادُمْ الْيُقُولْ الصَّحِيحْ مِثِلْ مُحَرَّمْ.

تَثْنِية 21:19

خَلَاصْ أَمَّهْ وَ أَبُوهْ يَكُرْبُوهْ وَ يِوَدُّوهْ لِلشُّيُوخْ فِي خَشُمْ بَابْ الْمَدِينَةْ الْهُو سَاكِنْ فَوْقهَا.

مَتَّى 20:16

وَ عِيسَى قَالْ: «خَلَاصْ مِثِلْ كَيْ، الْوَرَاءْ يَبْقَى قِدَّامْ وَ الْقِدَّامْ يَبْقَى وَرَاءْ.»

إرْمِيا 34:19

وَ كُبَارَاتْ يَهُوذَا وَ كُبَارَاتْ مَدِينَةْ الْقُدُسْ وَ الْمَسَائِيلْ وَ رُجَالْ الدِّينْ وَ كُلَّ شَعَبْ الْبَلَدْ الْفَاتَوْا أَمْبَيْنَاتْ الْعِجِلْ دَا،

إرْمِيا 13:23

هَلْ الْإِنْسَانْ يَقْدَرْ يِبَدِّلْ لَوْنَهْ وَلَّا؟ وَ النِّمِرْ يَقْدَرْ يِبَدِّلْ فَرْوِتَهْ الدَّرْعَةْ دِي وَلَّا؟ لَا! وَ إِنْتُو الْمُوَالْفِينْ الْفَسَالَةْ، تَقْدَرَوْا تِسَوُّوا الْعَدِيلْ وَلَّا؟

زَبُور 68:31

مِنْ مَصِرْ يَجُوا نَاسْ كُبَارْ وَ مِنْ الْحَبَشَةْ كَمَانْ نَاسْهَا يِجِيبُوا هَدَايَا بِسُرْعَةْ لِلرَّبّ.

2 مُلوك 24:15

وَ هُو وَدَّى فِي بَابِلْ الْمَلِكْ يُيَكِينْ وَ أَمَّهْ وَ عَوِينَهْ وَ خَدَّامِينَهْ وَ فُرَّاسْ الْبَلَدْ. هُو شَالَاهُمْ مِنْ مَدِينَةْ الْقُدُسْ وَ وَدَّاهُمْ فِي الْغُرْبَةْ فِي بَابِلْ.

يَشُوع 20:4

وَ الْكَاتِلْ يَجْرِي لِوَاحِدَةْ مِنْ الْمُدُنْ دَوْل وَ وَكِتْ يِوَصِّلْ فِي خَشُمْ بَابْ الْمَدِينَةْ، هُو يِقَابِلْ كُبَارَاتْ الْمَدِينَةْ وَ يِحَجِّي لَيْهُمْ مُشْكِلْتَهْ. بَعَدْ دَا، هُمَّنْ يَنْطُوا إِذِنْ يَدْخُلْ فِي مَدِينِتْهُمْ وَ يَنْطُوهْ بَكَانْ يَقْعُدْ فِي أُسُطْهُمْ.

إشَعْيا 56:3

وَ خَلِّي الْأَجْنَبِي الْمُنْرَبِطْ فِي اللّٰهْ مَا يُقُولْ: ‹أَكِيدْ اللّٰهْ يَفْصُلْنِي مِنْ شَعَبَهْ!› وَ خَلِّي الْخَصِي مَا يُقُولْ: ‹دَاهُو أَنَا بِقِيتْ مِثِلْ شَدَرَةْ يَابْسَةْ!›»

إرْمِيا 20:2

وَ خَلَاصْ، فَشْحُورْ قَمَّ كَرَبَهْ لِلنَّبِي إِرْمِيَا وَ فَرَشَهْ وَ قَيَّدَهْ فِي الْبَابْ الْعَالِي الْأُسْمَهْ بَنْيَامِينْ فِي بَيْت اللّٰهْ.

إرْمِيا 26:16

وَ خَلَاصْ فِي الْبَكَانْ دَا، الْكُبَارَاتْ وَ كُلَّ الشَّعَبْ قَالَوْا لِرُجَالْ الدِّينْ وَ لِلْأَنْبِيَاء: «الرَّاجِلْ دَا مَا وَاجِبْ يَحْكُمُوا لَيَّهْ بِالْمَوْت أَشَانْ هُو حَجَّى لَيْنَا بِأُسُمْ اللّٰهْ إِلٰـهْنَا.»

إرْمِيا 38:8

وَ عَبْدالْمَلِكْ مَرَقْ مِنْ الْقَصِرْ وَ قَالْ لِلْمَلِكْ:

زَكَرِيَّا 14:10

وَ كُلَّ الْبَلَدْ تِغَيِّرْ وَ تَبْقَى مُسْتَوِيَةْ وَ خَضْرَةْ مِنْ قَبَعْ فِي الْمُنْشَاقْ لَحَدِّي رِمُّونْ جُنُوبْ مَدِينَةْ الْقُدُسْ. وَ لَاكِنْ مَدِينَةْ الْقُدُسْ تُكُونْ فِي الْعَالِي فِي بَكَانْهَا. وَ حُدُودْهَا يَمْشُوا مِنْ بَابْ بَنْيَامِينْ لَحَدِّي الْبَابْ الْقَدِيمْ وَ لَحَدِّي بَابْ الرُّكُنْ. وَ يَمْشُوا مِنْ بَيْت الْمُرَاقَبَةْ هَنَا حَنَنِيلْ لَحَدِّي عَصَّارَاتْ الْعِنَبْ هَنَا الْمَلِكْ.

أمْثال 29:10

كَتَّالِينْ الدِّمَمْ يَكْرَهَوْا الرَّاجِلْ التَّمَامْ وَ لَاكِنْ الْعَدِيلِينْ يَحْمُوا حَيَاتَهْ.