إرْمِيا 38:4 - الكتاب المقدس بالعربي الدارجي هنا تشاد

⁴ وَ الْكُبَارَاتْ دَوْل قَالَوْا لِلْمَلِكْ: «النَّادُمْ دَا، وَاجِبْ يُمُوتْ! أَشَانْ هُو بَسْ قَاعِدْ يِخَوِّفْ الْعَسْكَرْ الْفَضَّلَوْا فِي الْمَدِينَةْ وَ كُلَّ الشَّعَبْ بِكَلَامَهْ دَا. هُو مَا يِدَوْر الْخَيْر لِلشَّعَبْ دَا وَ لَاكِنْ يِدَوْر لَيْهُمْ الْفَسَالَةْ.»

إرْمِيا 38:4 Referenca të Kryqëzuara

إرْمِيا 26:11

وَ رُجَالْ الدِّينْ وَ الْأَنْبِيَاء قَالَوْا لِلْكُبَارَاتْ وَ لِكُلَّ الشَّعَبْ: «الرَّاجِلْ دَا، وَاجِبْ يَحْكُمُوا لَيَّهْ بِالْمَوْت. هُو أَتْنَبَّأْ بِكَلَامْ ضِدّ الْمَدِينَةْ دِي وَ الْكَلَامْ دَا، إِنْتُو ذَاتْكُو سِمِعْتُوهْ.»

أعمال الرُسُل 16:20

وَ قَدَّمَوْهُمْ لِلْحُكَّامْ وَ قَالَوْا: «الرُّجَالْ دَوْل يَهُودْ. هُمَّنْ يِسَوُّوا مَشَاكِلْ فِي حِلِّتْنَا.

عَمُوس 7:10

وَ فِيَّهْ رَاجِلْ دِينْ وَاحِدْ مِنْ حِلَّةْ بَيْت إِيلْ أُسْمَهْ أَمَصْيَا. وَ الرَّاجِلْ دَا رَسَّلْ لِيَرُبَعَامْ مَلِكْ مَمْلَكَةْ إِسْرَائِيلْ وَ قَالْ لَيَّهْ: «عَمُوسْ قَاعِدْ يِحَرِّشْ الشَّعَبْ أَشَانْ مَا يِتَابُعُوكْ. وَ بَنِي إِسْرَائِيلْ مَا يَقْدَرَوْا يَحْمَلَوْا كُلَّ الْكَلَامْ الْهُو قَاعِدْ يُقُولَهْ.

إرْمِيا 29:7

فَتُّشُوا السَّلَامْ لِلْمَدِينَةْ الْأَنَا وَدَّيْتكُو فَوْقهَا فِي الْغُرْبَةْ. وَ أَسْأَلَوْا اللّٰهْ لِلْمَدِينَةْ دِي أَشَانْ سَلَامْهَا هِي، سَلَامْكُو إِنْتُو كُلَ.»

نَحَمْيا 6:9

وَ مِثِلْ دَا، كُلَّ النَّاسْ دَوْل بِدَوْرُوا بِخَوُّفُونَا وَ فِي فِكِرْهُمْ بُقُولُوا: «إِيدَيْنهُمْ يِنْرَخُوا، مَا يَقْدَرَوْا يِكَمُّلُوا الْخِدْمَةْ دِي.» وَ أَنَا كَمَانْ سَأَلْت اللّٰهْ وَ قُلْت: «يَا رَبّ، زِيدْ قُدُرْتِي!»

1 مُلوك 21:20

وَ أَخَابْ قَالْ لِإِلِيَاسْ: «إِنْتَ جِيتْ لِقِيتْنِي وَلَّا، يَا عَدُويِ؟» وَ إِلِيَاسْ قَالْ لَيَّهْ: «أَيْوَى! أَنَا جِيتْ لِقِيتَكْ أَشَانْ إِنْتَ شِلْت نِيَّةْ تِسَوِّي الْفَسَالَةْ قِدَّامْ اللّٰهْ.

خُروج 5:4

وَ مَلِكْ مَصِرْ قَالْ لَيْهُمْ: «يَا مُوسَى وَ هَارُونْ، مَالَا تَدْحَرَوْا الشَّعَبْ مِنْ خِدْمِتْهُمْ؟ يَلَّا! أَمْشُوا لِخِدْمِتْكُو هِنْت التَّعَبْ.»

أعمال الرُسُل 28:22

لَاكِنْ نِدَوْرُوا نَسْمَعَوْا كَلَامَكْ وَ نَعَرْفُوا فِكْرَكْ. وَ كَنْ لِمَجْمُوعِتْكُو دِي، نَعَرْفُوا كَدَرْ فِي كُلِّ بَكَانْ النَّاسْ قَاعِدِينْ يَشْكُوا مِنْهَا.»

أعمال الرُسُل 24:5

«نَعَرْفُوا الرَّاجِلْ دَا، هُو فَسِلْ مَرَّةْ وَاحِدْ. وَ هُو قَاعِدْ يِسَوِّي فِتْنَةْ فِي أُسْط الْيَهُودْ فِي كُلَّ بُلْدَانْ الدُّنْيَا. وَ هُو مِنْ كُبَارَاتْ مَجْمُوعَةْ النَّصَارَى.

أعمال الرُسُل 17:6

وَ وَكِتْ مَا لِقَوْهُمْ، كَرَبَوْا يَاسُونْ وَ وَاحِدِينْ مِنْ الْأَخْوَانْ. وَ النَّاسْ كَرَّوْهُمْ مِنْ الْبَيْت وَ وَدَّوْهُمْ قِدَّامْ حُكَّامْ الْحِلَّةْ. وَ عَاطَوْا بِحِسّ عَالِي وَ قَالَوْا: «النَّاسْ دَوْل قَاعِدِينْ يِسَوُّوا مَشَاكِلْ فِي أَيِّ بَكَانْ وَ هَسَّعْ جَوْا هِنِي فِي حِلِّتْنَا كُلَ!

لُوقا 23:2

وَ قَمَّوْا يُخُطُّوا فَوْقَهْ تُهْمَةْ. وَ قَالَوْا: «كَرَبْنَا النَّادُمْ دَا أَشَانْ هُو قَاعِدْ يِتَلِّفْ شَعَبْنَا وَ يَدْحَرْهُمْ مَا يِكَفُّوا الْمِيرِي لِسُلْطَانْ الرَّوْمَانِيِّينْ. وَ هُو سَوَّى نَفْسَهْ الْمَسِيحْ، الْمَلِكْ.»

حِزْقِيال 22:27

«وَ الْحُكَّامْ فِي لُبّ الْمَدِينَةْ مِثِلْ مَرَافْعِينْ الْكَتَلَوْا صَيْدِتْهُمْ. هُمَّنْ جَاهِزِينْ لِيَكْتُلُوا دِمَّةْ وَ يِدَمُّرُوا النَّاسْ فِي شَانْ فَايْدِتْهُمْ.

عَزْرا 4:12

الْيَهُودْ الْقَبَّلَوْا مِنَّكْ وَ جَوْا لَيْنَا فِي مَدِينَةْ الْقُدُسْ دَوْل قَاعِدِينْ يَبْنُوا بَتَّانْ مَدِينِتْهُمْ الْأَوَّلْ مَعْرُوفَةْ بِسُكَّانْهَا الْمُعَارِضِينْ وَ فَسْلِينْ. هُمَّنْ قَاعِدِينْ يِعَدُّلُوا أَسَاسْ الدُّرْدُرْ الْمُحَوِّقْ الْمَدِينَةْ وَ يِكَمُّلُوهْ. الْخَبَرْ دَا، خَلِّي الْمَلِكْ يَسْمَعَهْ.

2 أخبار 24:21

وَ الشَّعَبْ قَمَّوْا ضِدّ زَكَرِيَّا وَ رَجَمَوْه فِي فَضَايَةْ بَيْت اللّٰهْ حَسَبْ أَمُرْ الْمَلِكْ.

إرْمِيا 11:21

وَ فِي شَانْ دَا، دَاهُو كَلَامْ اللّٰهْ ضِدّ نَاسْ عَنَتُوتْ الْيِدَوْرُوا يَكْتُلُونِي. هُمَّنْ قَالَوْا: «مَا تِتْنَبَّأْ بِأُسُمْ اللّٰهْ! كَنْ أَتْنَبَّأْت، نَكْتُلُوكْ.»

إرْمِيا 18:23

«يَا اللّٰهْ! إِنْتَ تَعَرِفْ نِيِّتْهُمْ الْفَسْلَةْ الْبَيْهَا يِدَوْرُوا يَكْتُلُونِي. مَا تَغْفِرْ لَيْهُمْ خَطَاهُمْ وَ مَا تُقُشّ مِنْ قِدَّامَكْ ذَنِبْهُمْ. قُمّ ضِدُّهُمْ، يَا اللّٰهْ! خَلِّي يَقَعَوْا قِدَّامَكْ فِي وَكِتْ غَضَبَكْ.»

إرْمِيا 38:16

وَ لَاكِنْ الْمَلِكْ صِدْقِيَّا حَلَفْ بِعَشِيرْ لِإِرْمِيَا وَ قَالْ: «أَنَا نَحْلِفْ بِأُسُمْ اللّٰهْ الْحَيّ الْخَلَقَانَا، مَا نَكْتُلَكْ وَ لَا نِسَلِّمَكْ لِلْيِدَوْرُوا مَوْتَكْ.»

إرْمِيا 38:25

وَ كَنْ مَسَائِيلِي سِمْعَوْا كَدَرْ أَنَا نَادَيْتَكْ، أَكُونْ يَجُوا وَ يُقُولُوا لَيْك: ‹كَلِّمْنَا بِالْكَلَامْ الْقُلْتَهْ لِلْمَلِكْ وَ الْكَلَامْ الْمَلِكْ قَالَهْ لَيْك. مَا تِلَبِّدْ لَيْنَا شَيّءْ وَ بَيْدَا، أَنِحْنَ مَا نَكْتُلُوكْ.›

إرْمِيا 43:3

وَ لَاكِنْ دَا بَرُوكْ وِلَيْد نَرِيَّا بَسْ قَاعِدْ يِحَرِّشَكْ لِتِسَوِّي لَيْنَا الْفَسَالَةْ وَ تِسَلِّمْنَا لِلْبَابِلِيِّينْ. وَ هُمَّنْ يَكْتُلُونَا أَوْ يِوَدُّونَا فِي الْغُرْبَةْ فِي بَابِلْ.»