إرْمِيا 38:17 - الكتاب المقدس بالعربي الدارجي هنا تشاد

¹⁷ وَ خَلَاصْ، إِرْمِيَا قَالْ لِلْمَلِكْ صِدْقِيَّا: «دَاهُو اللّٰهْ الْإِلٰـهْ الْقَادِرْ إِلٰـهْ بَنِي إِسْرَائِيلْ قَالْ: ‹كَنْ إِنْتَ مَرَقْت لِقُيَّادْ مَلِكْ بَابِلْ وَ سَلَّمْت نَفْسَكْ لَيْهُمْ، تِنَجِّي حَيَاتَكْ وَ الْمَدِينَةْ دِي كُلَ مَا يِحَرُّقُوهَا. وَ إِنْتَ وَ عَايِلْتَكْ تِعِيشُوا بِسَلَامْ.

إرْمِيا 38:17 Referenca të Kryqëzuara

إرْمِيا 27:12

وَ أَنَا إِرْمِيَا حَجَّيْت بِنَفْس الْكَلَامْ لِصِدْقِيَّا مَلِكْ يَهُوذَا وَ قُلْت لَيَّهْ: «إِنْتَ وَ شَعَبَكْ وَاجِبْ تِدَنْقُرُوا رَقَبَتْكُو لِتَقَلَةْ دَامِي مَلِكْ بَابِلْ وَ تَخْدُمُوا لَيَّهْ هُو وَ لِشَعَبَهْ. وَ بَيْدَا، تِنَجُّوا حَيَاتْكُو.

إرْمِيا 38:2

«دَاهُو اللّٰهْ قَالْ: ‹النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ وَ بِالْجُوعْ وَ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.›

إرْمِيا 27:17

مَا تَسْمَعَوْهُمْ! أَخْدُمُوا لِمَلِكْ بَابِلْ وَ تِنَجُّوا حَيَاتْكُو. وَ مَالَا الْمَدِينَةْ دِي تِدَّمَّرْ وَ تَبْقَى كَوْم هَنَا تُرَابْ؟›

إرْمِيا 39:3

وَ خَلَاصْ، كُلَّ قُيَّادْ مَلِكْ بَابِلْ جَوْا وَ قَعَدَوْا فِي الْبَابْ الْأُسُطْ. وَ هُمَّنْ نِرْقَلْ شَرَاصَرْ كَبِيرْ الْقُيَّادْ وَ سَمْقَرْ نَبُو وَ سَرْ سَكِيمْ كَبِيرْ الْمَسَائِيلْ وَ كُلَّ مَسَائِيلْ مَلِكْ بَابِلْ الْآخَرِينْ.

2 مُلوك 24:12

وَ خَلَاصْ، يُيَكِينْ مَلِكْ مَمْلَكَةْ يَهُوذَا مَرَقْ ضِدّ مَلِكْ بَابِلْ وَ شَالْ مَعَ أَمَّهْ وَ مَسَائِيلَهْ وَ كُبَارَاتَهْ وَ خَدَّامِينَهْ. وَ مَلِكْ بَابِلْ كَرَبَهْ وَ وَدَّاهْ مَسْجُونْ وَ دَا فِي السَّنَةْ التَّامْنَةْ هَنَا حُكْمَهْ.

عَمُوس 5:27

وَ بِسَبَبْ دَا، نِوَدِّيكُو فِي الْغُرْبَةْ غَادِي لِمَدِينَةْ دِمَشْق.» وَ دَا، اللّٰهْ بَسْ قَالَهْ وَ أُسْمَهْ اللّٰهْ الْإِلٰـهْ الْقَادِرْ.

زَبُور 80:14

يَا الْإِلٰـهْ الْقَادِرْ، قَبِّلْ وَ مِنْ السَّمَاءْ فَوْق، أَنْظُرْ وَ شِيفْ! قُمّ وَ فَكِّرْ لِشَدَرَةْ الْعِنَبْ دِي.

زَبُور 80:7

يَا الْإِلٰـهْ الْقَادِرْ، قَبِّلْنَا عَلَيْك! وَجِّهْ عَلَيْنَا نُورْ وِجْهَكْ وَ بَيْدَا، أَنِحْنَ نَنْجَوْا.

1 أخبار 17:24

وَ خَلِّي كَلَامَكْ يِلْحَقَّقْ وَ بَيْدَا، يِمَجُّدُوا أُسْمَكْ إِلَى الْأَبَدْ وَ يُقُولُوا: ‹اللّٰهْ الْقَادِرْ، هُو بَسْ إِلٰـهْ بَنِي إِسْرَائِيلْ!› وَ خَلِّي بَيْتِي أَنَا عَبْدَكْ دَاوُدْ يَقْعُدْ ثَابِتْ قِدَّامَكْ.

أيُّوب 23:13

وَ كَنْ هُو بَسْ قَرَّرْ، يَاتُو يَقْدَرْ يِفَشِّلَهْ؟ أَيْوَى، الْهُو يِدَوْرَهْ، يِحَقِّقَهْ.

عَزْرا 9:4

وَ النَّاسْ الْبَخَافَوْا مِنْ اللّٰهْ إِلٰـهْ بَنِي إِسْرَائِيلْ لَمَّوْا مَعَايِ أَشَانْ الْخِيَانَةْ السَّوَّوْهَا النَّاسْ الْقَبَّلَوْا مِنْ الْغُرْبَةْ. وَ أَنَا قَاعِدْ تِحِتْ مُتَحَيِّرْ لَحَدِّي عَشِيَّةْ فِي الْوَكِتْ الْيِقَدُّمُوا فَوْقَهْ هَدِيَّةْ هَنَا دَقِيقْ.

تكوين 12:13

أَشَانْ دَا، نَطْلُبْ مِنْكِ قُولِي لَيْهُمْ إِنْتِ أَخْتِي. وَ بَيْدَا، يَكُرْبُونِي عَدِيلْ فِي شَانْكِ وَ مَا يَكْتُلُونِي.»

2 مُلوك 25:27

وَ فِي سَنِةْ 37 مِنْ وَدَّوْا يُيَكِينْ مَلِكْ مَمْلَكَةْ يَهُوذَا فِي الْغُرْبَةْ فِي بَابِلْ، دَرَّجَوْا أَوِيلْ مَرُودَكْ مَلِكْ فِي بَابِلْ. وَ فِي يَوْم 27 هَنَا شَهْرِي 12 هَنَا السَّنَةْ دِي، أَوِيلْ مَرُودَكْ عَفَا يُيَكِينْ مَلِكْ مَمْلَكَةْ يَهُوذَا وَ طَلَقَهْ مِنْ السِّجِنْ.

إرْمِيا 27:8

«‹”وَ هَسَّعْ، أَيِّ أُمَّةْ أَوْ مَمْلَكَةْ التَّابَى مَا تَخْدِمْ لِنَبُوخَدْنَصَرْ مَلِكْ بَابِلْ وَ لَا تِدَنْقِرْ رَقَبَتْهَا لِتَقَلَةْ دَامِي الْمَلِكْ، أَنَا نِعَاقِبْ الْأُمَّةْ دِي بِالْحَرِبْ وَ بِالْجُوعْ وَ بِالْوَبَاءْ لَحَدِّي نِكَمِّلْهَا مَرَّةْ وَاحِدْ بِإِيدْ الْمَلِكْ. وَ دَا كَلَامْ اللّٰهْ.

إرْمِيا 40:9

وَ قَدَالْيَا وِلَيْد أَخِقَامْ وِلَيْد شَافَانْ حَجَّى لِلْكُبَارَاتْ دَوْل وَ نَاسْهُمْ وَ قَالْ: «مَا تَخَافَوْا مِنْ سُلْطَةْ الْبَابِلِيِّينْ. أَقْعُدُوا فِي الْبَلَدْ وَ أَخْدُمُوا تِحِتْ سُلْطَةْ مَلِكْ بَابِلْ وَ أَكِيدْ دَا يَبْقَى لَيْكُو عَدِيلْ.

حِزْقِيال 8:4

وَ طَوَّالِي، بَانْ مَجْد إِلٰـهْ بَنِي إِسْرَائِيلْ مِثِلْ الرُّؤْيَةْ الْأَوَّلْ أَنَا شِفْتَهَا فِي الْوَادِي.

إرْمِيا 44:7

دَاهُو اللّٰهْ الْإِلٰـهْ الْقَادِرْ إِلٰـهْ بَنِي إِسْرَائِيلْ قَالْ: «مَالَا تِسَوُّوا لِنُفُوسْكُو فَسَالَةْ كَبِيرَةْ مِثِلْ دِي؟ وَ مَالَا تِدَوْرُوا تِدَمُّرُوا الرُّجَالْ وَ الْعَوِينْ وَ الْعِيَالْ وَ الْأَطْفَالْ؟ وَ بِمِثِلْ دَا، وَاحِدْ كُلَ مِنْ بَنِي يَهُوذَا مَا يِفَضِّلْ لَيْكُو.