إرْمِيا 37:7 - الكتاب المقدس بالعربي الدارجي هنا تشاد

⁷ «حَجِّي لِلْمُرَسَّلِينْ دَوْل وَ قُولْ لَيْهُمْ: ‹دَاهُو اللّٰهْ إِلٰـهْ بَنِي إِسْرَائِيلْ قَالْ: أَمْشُوا لِمَلِكْ يَهُوذَا الرَّسَّلَاكُو لَيِّ لِتَسْأَلَوْنِي. وَ قُولُوا لَيَّهْ: ”دَاهُو دَيْش فِرْعَوْن الْمَرَقْ لِيَفْزَعْكُو يِقَبِّلْ فِي بَلَدَهْ مَصِرْ.

إرْمِيا 37:7 Referenca të Kryqëzuara

مَراثِي إرْمِيا 4:17

أَنِحْنَ نِصَنْقُعُوا وَ نَرْفَعَوْا عُيُونَّا. مِنْ وَيْن الْفَزَعْ يَجِينَا؟ وَ فِي بَكَانَّا هَنَا الْحَرَاسَةْ، أَرَّجَّيْنَا أُمَّةْ الْمَا نَجَّتْنَا.

حِزْقِيال 17:17

وَ كَنْ مَلِكْ مَصِرْ يَنْطِيهْ دَيْش كَبِيرْ وَ عَسْكَرْ كَتِيرِينْ كُلَ، دَا مَا يِسَاعِدَهْ فِي الْحَرِبْ وَكِتْ عَسْكَرْ بَابِلْ يِلِمُّوا تُرَابْ وَ يَبْنُوا رَدْمِيَّةْ لِلْحِصَارْ لِيَكْتُلُوا نَاسْ كَتِيرِينْ.

إرْمِيا 37:3

وَ بَيْدَا كُلَ، الْمَلِكْ صِدْقِيَّا رَسَّلْ يَهُوكَلْ وِلَيْد شَلَمْيَا وَ صَفَنْيَا وِلَيْد مَعَسِيَّا رَاجِلْ الدِّينْ أَشَانْ يُقُولُوا لِلنَّبِي إِرْمِيَا: «مِنْ فَضْلَكْ، أَسْأَلْ اللّٰهْ إِلٰـهْنَا فِي شَانَّا!»

إرْمِيا 21:2

«مِنْ فَضْلَكْ، أَسْأَلْ اللّٰهْ فِي شَانَّا أَشَانْ نَبُوخَدْنَصَرْ مَلِكْ بَابِلْ قَمَّ يِحَارِبْنَا. وَ أَكُونْ اللّٰهْ يِرَسِّلْ لَيْنَا وَاحِدْ مِنْ عَجَايْبَهْ وَ يِبَعِّدْ مِنِّنَا الْمَلِكْ دَا.»

2 مُلوك 22:18

«وَ هَسَّعْ دَا، أَمْشُوا قُولُوا الْكَلَامْ دَا لِمَلِكْ مَمْلَكَةْ يَهُوذَا الرَّسَّلَاكُو تَسْأَلَوْا لَيَّهْ اللّٰهْ. وَ قُولُوا لَيَّهْ دَاهُو اللّٰهْ إِلٰـهْ بَنِي إِسْرَائِيلْ قَالْ: ‹إِنْتَ سِمِعْت كَلَامْ الْكِتَابْ دَا

حِزْقِيال 29:16

وَ بَتَّانْ بَنِي إِسْرَائِيلْ مَا يِتْوَكَّلَوْا عَلَيْ الْمَصْرِيِّينْ. بَلَدْ مَصِرْ تَقْعُدْ أَشَانْ بَنِي إِسْرَائِيلْ يِذَّكَّرَوْا خَطَاهُمْ السَّوَّوْه وَكِتْ وَجَّهَوْا عَلَيْهَا. وَ يَعَرْفُوا كَدَرْ أَنَا بَسْ اللّٰهْ الرَّبّ.»

إرْمِيا 2:36

وَ بِسُهُولَةْ بَسْ تِغَيُّرُوا عَلَاقِتْكُو. وَ لَاكِنْ مَصِرْ تِعَيِّبْكُو مِثِلْ أَشُورْ عَيَّبَتْكُو زَمَانْ.

أمْثال 21:30

كُلَّ الْحِكْمَةْ وَ الْوَصِيَّةْ وَ الْفِهِمْ الْإِنْسَانِي مَا عِنْدَهْ قِيمَةْ قِدَّامْ اللّٰهْ.

إرْمِيا 2:18

مَالَا مَشَيْتُوا بَلَدْ مَصِرْ لِتِفَتُّشُوا مُسَاعَدَتْهَا مِثِلْ عَطْشَانِينْ لِأَلْمِي النِّيلْ؟ وَ مَالَا مَشَيْتُوا بَلَدْ أَشُورْ لِتِفَتُّشُوا قُدْرِتْهَا مِثِلْ عَطْشَانِينْ لِأَلْمِي الْفُرَاتْ؟

إرْمِيا 2:37

وَ مِنْ مَصِرْ هِنَاكْ كُلَ، تَمُرْقُوا رُوسَيْكُو مُدَنْقِرِينْ. أَيْوَى، أَنَا اللّٰهْ رَفَضْت الْإِنْتُو تِتْوَكَّلَوْا عَلَيْهُمْ وَ بَيْدَا، مَعَاهُمْ مَا تَنْجَحَوْا.»

إرْمِيا 21:1

اللّٰهْ حَجَّى لِإِرْمِيَا كَلَامْ الْبُخُصّ الْمَلِكْ صِدْقِيَّا. وَ الْمَلِكْ دَا رَسَّلْ لِإِرْمِيَا نَاسَيْن وَ هُمَّنْ فَشْحُورْ وِلَيْد مَلْكِيَّا وَ رَاجِلْ الدِّينْ صَفَنْيَا وِلَيْد مَعَسِيَّا لِيُقُولُوا لَيَّهْ:

إرْمِيا 37:5

وَ وَكِتْ الْبَابِلِيِّينْ قَاعِدِينْ يِحَاصُرُوا مَدِينَةْ الْقُدُسْ، سِمْعَوْا كَدَرْ دَيْش فِرْعَوْن مَلِكْ مَصِرْ مَرَقْ مِنْ بَلَدَهْ وَ جَايِ. وَ خَلَاصْ، الْبَابِلِيِّينْ بَعَّدَوْا مِنْ مَدِينَةْ الْقُدُسْ.

إرْمِيا 37:6

وَ خَلَاصْ، اللّٰهْ حَجَّى لِلنَّبِي إِرْمِيَا وَ قَالْ:

مَراثِي إرْمِيا 1:7

وَ فِي أَيَّامْهَا هَنَا الضِّيقَةْ وَ التَّعَبْ، مَدِينَةْ الْقُدُسْ أَذَّكَّرَتْ كُلَّ شَهْوَاتْهَا الزَّمَانْ قَاعِدَةْ تَفْرَحْ بَيْهُمْ. وَ وَكِتْ شَعَبْهَا وَقَعَوْا فِي إِيدَيْن خُصْمَانْهُمْ، مَا فِي نَادُمْ الْيَفْزَعْهُمْ. وَ خُصْمَانْهَا شَافَوْهَا وَ فِرْحَوْا بِدَمَارْهَا.

حِزْقِيال 30:22

وَ فِي شَانْ دَا، دَاهُو اللّٰهْ الرَّبّ قَالْ: «أَكِيدْ أَنَا نُقُمّ ضِدّ فِرْعَوْن مَلِكْ مَصِرْ وَ نِكَسِّرْ إِيدَيْنَهْ الْإِتْنَيْن، الطَّيْبَةْ وَ الْأَوَّلْ مَكْسُورَةْ كُلَ، وَ نَرْمِي السَّيْف مِنْ إِيدَهْ.

2 مُلوك 24:7

وَ مِنْ الْوَكِتْ دَا، مَلِكْ مَصِرْ مَا مَرَقْ بَتَّانْ مِنْ بَلَدَهْ أَشَانْ مَلِكْ بَابِلْ شَالْ مِنَّهْ كُلَّ الْمَنَاطِقْ الْأَوَّلْ فِي إِيدَيْنَهْ مِنْ وَادِي مَصِرْ فِي الْوَطِي لَحَدِّي بَحَرْ الْفُرَاتْ فِي الْمُنْشَاقْ.

إشَعْيا 30:7

أَشَانْ فَزَعْ مَصِرْ مِثِلْ الرِّيحْ الْمَا عِنْدَهَا فَايْدَةْ وَ فِي شَانْ دَا، أَنَا نَادَيْتهَا رَهَبْ الْغُولْ الْمَا خَطِيرْ.»

إشَعْيا 36:6

دَاهُو إِنْتَ أَتْوَكَّلْت عَلَيْ بَلَدْ مَصِرْ وَ هِي مِثِلْ مُعَاوَنَةْ هَنَا عَقَيْقَايْ الْمَفْجُوخَةْ التَّطْعَنْ أَيِّ نَادُمْ الْيِرَّكَّزْ فَوْقَهْ. وَ فِرْعَوْن مَلِكْ مَصِرْ هُو مِثِلْ دَا لِكُلَّ النَّاسْ الْيِتْوَكَّلَوْا عَلَيَّهْ.›