إرْمِيا 37:13 - الكتاب المقدس بالعربي الدارجي هنا تشاد

¹³ وَ وَكِتْ هُو جَاءْ فِي بَابْ الْمَدِينَةْ الْأُسْمَهْ بَنْيَامِينْ، هُو لِقِي كَبِيرْ الْحُرَّاسْ الْأُسْمَهْ يِرِيَا وِلَيْد شَلَمْيَا وِلَيْد حَنَنْيَا قَاعِدْ فِي الْبَابْ دَا. وَ يِرِيَا لَزَمَهْ لِلنَّبِي إِرْمِيَا وَ قَالْ لَيَّهْ: «تِدَوْر تِنْضَمَّ لِدَيْش الْبَابِلِيِّينْ وَلَّا شُنُو؟»

إرْمِيا 37:13 Referenca të Kryqëzuara

زَكَرِيَّا 14:10

وَ كُلَّ الْبَلَدْ تِغَيِّرْ وَ تَبْقَى مُسْتَوِيَةْ وَ خَضْرَةْ مِنْ قَبَعْ فِي الْمُنْشَاقْ لَحَدِّي رِمُّونْ جُنُوبْ مَدِينَةْ الْقُدُسْ. وَ لَاكِنْ مَدِينَةْ الْقُدُسْ تُكُونْ فِي الْعَالِي فِي بَكَانْهَا. وَ حُدُودْهَا يَمْشُوا مِنْ بَابْ بَنْيَامِينْ لَحَدِّي الْبَابْ الْقَدِيمْ وَ لَحَدِّي بَابْ الرُّكُنْ. وَ يَمْشُوا مِنْ بَيْت الْمُرَاقَبَةْ هَنَا حَنَنِيلْ لَحَدِّي عَصَّارَاتْ الْعِنَبْ هَنَا الْمَلِكْ.

إرْمِيا 38:7

وَ فِيَّهْ رَاجِلْ وَاحِدْ حَبَشِي أُسْمَهْ عَبْدالْمَلِكْ وَ هُو مَسْؤُولْ كَبِيرْ فِي قَصِرْ الْمَلِكْ. وَ سِمِعْ كَدَرْ إِرْمِيَا زَقَلَوْه فِي النُّقْرَةْ. وَ فِي الْوَكِتْ دَاكْ، الْمَلِكْ قَاعِدْ فِي بَابْ الْمَدِينَةْ الْأُسْمَهْ بَنْيَامِينْ.

أعمال الرُسُل 24:13

وَ هُمَّنْ مَا يَقْدَرَوْا يِثَبُّتُوا الْكَلَامْ التَّهَمَوْنِي بَيَّهْ.

أعمال الرُسُل 6:11

وَ أَشَانْ دَا، أَنْطَوْا قُرُسْ لِكَدَّابِينْ وَاحِدِينْ لِيُقُولُوا: «سِمِعْنَا كَلَامْ إِسْتِفَانْ وَ هُو قَالْ كَلَامْ فَسِلْ فِي سَيِّدْنَا مُوسَى وَ فِي اللّٰهْ.»

لُوقا 23:2

وَ قَمَّوْا يُخُطُّوا فَوْقَهْ تُهْمَةْ. وَ قَالَوْا: «كَرَبْنَا النَّادُمْ دَا أَشَانْ هُو قَاعِدْ يِتَلِّفْ شَعَبْنَا وَ يَدْحَرْهُمْ مَا يِكَفُّوا الْمِيرِي لِسُلْطَانْ الرَّوْمَانِيِّينْ. وَ هُو سَوَّى نَفْسَهْ الْمَسِيحْ، الْمَلِكْ.»

إرْمِيا 38:1

وَ يَوْم وَاحِدْ، كُبَارَاتْ وَاحِدِينْ سِمْعَوْا الْكَلَامْ الْقَاعِدْ يُقُولَهْ إِرْمِيَا لِكُلَّ الشَّعَبْ وَ هُمَّنْ شَفَطْيَا وِلَيْد مَتَّانْ وَ قَدَالْيَا وِلَيْد فَشْحُورْ وَ يَهُوكَلْ وِلَيْد شَلَمْيَا وَ فَشْحُورْ وِلَيْد مَلْكِيَّا. إِرْمِيَا قَالْ لِلشَّعَبْ:

إرْمِيا 21:9

وَ دَاهُو الْخِيَارْ. النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ أَوْ بِالْجُوعْ أَوْ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ الْمُحَاصِرِينْكُو، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.

إرْمِيا 20:10

أَنَا سِمِعْت مُعْيَارْ مِنْ نَاسْ كَتِيرِينْ الْيِنَادُونِي بِأُسُمْ الْمُخِيفْ فِي كُلَّ بَكَانْ. وَ بُقُولُوا: «بَيُّنُوهْ! أَيْوَى، بَيُّنُوهْ!» وَ كُلَّ رُفْقَانِي قَاعِدِينْ يَرْجَوْا وَقَعَانِي. وَ بُقُولُوا: «مُمْكِنْ بَلَا رَايْه، أَنِحْنَ نَغَلْبُوهْ وَ نِشِيلُوا فَوْقَهْ التَّارْ.»

إرْمِيا 18:18

وَ نَاسْ وَاحِدِينْ قَالَوْا: «يَلَّا خَلِّي نُقُمُّوا بِمُؤآمَرَةْ ضِدّ إِرْمِيَا. بَلَايَهْ كُلَ عِنْدِنَا رُجَالْ دِينْ كَتِيرِينْ الْيِقَرُّونَا شُرُوطْ التَّوْرَاةْ وَ عِنْدِنَا حُكُمَاءْ الْيِوَصُّونَا وَ عِنْدِنَا أَنْبِيَاء الْيِحَجُّوا لَيْنَا كَلَامْ اللّٰهْ. يَلَّا نَمْشُوا نَهْجُمُوهْ بِكَلَامْ الْيِعَيِّبَهْ وَ مَا نَجْعَلَوْا كَلَامَهْ الْيُقُولَهْ.»

2 كُرُنْتُس 6:8

وَ نَخْدُمُوا لِلّٰهْ كَنْ يِكَرُّمُونَا وَلَّا يَحْقُرُونَا وَ كَنْ يِعَيُّرُونَا وَلَّا يَشْكُرُونَا. يُقُولُوا أَنِحْنَ كَدَّابِينْ وَ لَاكِنْ أَنِحْنَ أَمِينِينْ.

عَمُوس 7:10

وَ فِيَّهْ رَاجِلْ دِينْ وَاحِدْ مِنْ حِلَّةْ بَيْت إِيلْ أُسْمَهْ أَمَصْيَا. وَ الرَّاجِلْ دَا رَسَّلْ لِيَرُبَعَامْ مَلِكْ مَمْلَكَةْ إِسْرَائِيلْ وَ قَالْ لَيَّهْ: «عَمُوسْ قَاعِدْ يِحَرِّشْ الشَّعَبْ أَشَانْ مَا يِتَابُعُوكْ. وَ بَنِي إِسْرَائِيلْ مَا يَقْدَرَوْا يَحْمَلَوْا كُلَّ الْكَلَامْ الْهُو قَاعِدْ يُقُولَهْ.

إرْمِيا 38:4

وَ الْكُبَارَاتْ دَوْل قَالَوْا لِلْمَلِكْ: «النَّادُمْ دَا، وَاجِبْ يُمُوتْ! أَشَانْ هُو بَسْ قَاعِدْ يِخَوِّفْ الْعَسْكَرْ الْفَضَّلَوْا فِي الْمَدِينَةْ وَ كُلَّ الشَّعَبْ بِكَلَامَهْ دَا. هُو مَا يِدَوْر الْخَيْر لِلشَّعَبْ دَا وَ لَاكِنْ يِدَوْر لَيْهُمْ الْفَسَالَةْ.»

إرْمِيا 36:12

وَ خَلَاصْ، قَمَّ مَشَى لِقَصِرْ الْمَلِكْ فِي غُرْفَةْ الْكَاتِبْ الْيِلِمُّوا فَوْقهَا كُلَّ الْكُبَارَاتْ وَ هُمَّنْ أَلِشَمَعْ الْكَاتِبْ وَ دَلَايَا وِلَيْد شَمَعْيَا وَ أَلْنَاتَانْ وِلَيْد عَكْبُورْ وَ قَمَرْيَا وِلَيْد شَافَانْ وَ صِدْقِيَّا وِلَيْد حَنَنْيَا وَ كُلَّ الْكُبَارَاتْ الْآخَرِينْ.

إرْمِيا 28:14

أَشَانْ اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ‹أَنَا خَطَّيْت دَامِي هَنَا حَدِيدْ فِي كَتَافَيْ كُلَّ الْأُمَمْ دَوْل لِيَخْدُمُوا لِنَبُوخَدْنَصَرْ مَلِكْ بَابِلْ. وَ سَلَّمْت لَيَّهْ حَيْوَانَاتْ الْكَدَادَةْ كُلَ لِيَقْعُدُوا تِحِتْ سُلْطِتَهْ.›»

إرْمِيا 27:6

وَ هَسَّعْ دَا، أَنَا سَلَّمْت كُلَّ الْبُلْدَانْ دَوْل لِعَبْدِي نَبُوخَدْنَصَرْ مَلِكْ بَابِلْ. وَ أَنَا سَلَّمْت لَيَّهْ حَيْوَانَاتْ الْكَدَادَةْ كُلَ لِيَقْعُدُوا تِحِتْ سُلْطِتَهْ.

إرْمِيا 20:2

وَ خَلَاصْ، فَشْحُورْ قَمَّ كَرَبَهْ لِلنَّبِي إِرْمِيَا وَ فَرَشَهْ وَ قَيَّدَهْ فِي الْبَابْ الْعَالِي الْأُسْمَهْ بَنْيَامِينْ فِي بَيْت اللّٰهْ.

مَراثِي إرْمِيا 4:18

وَ عُدْوَانَّا شَالَوْا دَرِبْنَا لَحَدِّي مَا قِدِرْنَا نُرُوغُوا فِي شَوَارِعْنَا. نِهَايِتْنَا قَرَّبَتْ وَ أَيَّامْنَا أَنْحَسَبَوْا فِي الْأَصَابِعْ. أَيْوَى، نِهَايِتْنَا قَرَّبَتْ.