إرْمِيا 36:25 - الكتاب المقدس بالعربي الدارجي هنا تشاد

²⁵ وَ حَتَّى كَنْ أَلْنَاتَانْ وَ دَلَايَا وَ قَمَرْيَا شَحَدَوْا الْمَلِكْ مَا يَحْرِقْ الْكِتَابْ دَا كُلَ، هُو أَبَى مَا يَسْمَعْهُمْ.

إرْمِيا 36:25 Referenca të Kryqëzuara

إرْمِيا 36:12

وَ خَلَاصْ، قَمَّ مَشَى لِقَصِرْ الْمَلِكْ فِي غُرْفَةْ الْكَاتِبْ الْيِلِمُّوا فَوْقهَا كُلَّ الْكُبَارَاتْ وَ هُمَّنْ أَلِشَمَعْ الْكَاتِبْ وَ دَلَايَا وِلَيْد شَمَعْيَا وَ أَلْنَاتَانْ وِلَيْد عَكْبُورْ وَ قَمَرْيَا وِلَيْد شَافَانْ وَ صِدْقِيَّا وِلَيْد حَنَنْيَا وَ كُلَّ الْكُبَارَاتْ الْآخَرِينْ.

تكوين 37:22

أَزْقُلُوهْ فِي الْبِيرْ الْفِي الْخَلَاءْ دِي أَشَانْ مَا تِشِيلُوا لَيْكُو دِمَّةْ. وَ إِيدَيْكُو كُلَ مَا تُخُطُّوهُمْ فَوْقَهْ.» وَ هُو كَلَّمْ لَيْهُمْ مِثِلْ دَا أَشَانْ دَوَّرْ يِنَجِّيهْ وَ يِوَدِّيهْ لِأَبُوهْ.

مَتَّى 27:4

وَ قَالْ: «أَنَا خَاطِي أَشَانْ أَنَا سَلَّمْت لَيْكُو نَادُمْ بَرِي وَ قَرِيبْ يَكْتُلُوهْ.» وَ رَدَّوْا لَيَّهْ وَ قَالَوْا: «أَنِحْنَ مَا لَمَّانَا، إِنْتَ بَسْ سَوَّيْتَهْ.»

إرْمِيا 26:22

وَ الْمَلِكْ يَهُويَقِمْ رَسَّلْ نَاسْ وَرَايَهْ وَ هُمَّنْ أَلْنَاتَانْ وِلَيْد عَكْبُورْ وَ نَاسْ وَاحِدِينْ مَعَايَهْ لِيَمْشُوا مَصِرْ.

أمْثال 21:29

الرَّاجِلْ الْعَاصِي يِوَصِّفْ نَفْسَهْ وَ لَاكِنْ النَّادُمْ الْعَدِيلْ يِثَبِّتْ دَرْبَهْ.

إرْمِيا 26:16

وَ خَلَاصْ فِي الْبَكَانْ دَا، الْكُبَارَاتْ وَ كُلَّ الشَّعَبْ قَالَوْا لِرُجَالْ الدِّينْ وَ لِلْأَنْبِيَاء: «الرَّاجِلْ دَا مَا وَاجِبْ يَحْكُمُوا لَيَّهْ بِالْمَوْت أَشَانْ هُو حَجَّى لَيْنَا بِأُسُمْ اللّٰهْ إِلٰـهْنَا.»

إرْمِيا 36:10

وَ خَلَاصْ، بَرُوكْ قَمَّ وَ قَرَى فِي بَيْت اللّٰهْ قِدَّامْ كُلَّ الشَّعَبْ كَلَامْ إِرْمِيَا الْمَكْتُوبْ فِي الْكِتَابْ الْمَلْفُوفْ. وَ دَا وَكِتْ وَاقِفْ فِي غُرْفَةْ قَمَرْيَا وِلَيْد شَافَانْ الْكَاتِبْ وَ الْغُرْفَةْ دِي فِي الْفَضَايْ الْفَوْق فِي خَشُمْ الْبَابْ الْجَدِيدْ هَنَا بَيْت اللّٰهْ.