إرْمِيا 35:4 - الكتاب المقدس بالعربي الدارجي هنا تشاد

⁴ وَ أَنَا وَدَّيْتهُمْ فِي بَيْت اللّٰهْ فِي غُرْفَةْ تَلَامِيذ حَنَانْ عَبْد اللّٰهْ وِلَيْد يِقْدَلْيَا وَ دَا جَنْب غُرْفَةْ الْكُبَارَاتْ وَ فَوْق لِغُرْفَةْ مَعَسِيَّا وِلَيْد شَلُّومْ حَارِسْ مَدَخَلْ بَيْت اللّٰهْ.

إرْمِيا 35:4 Referenca të Kryqëzuara

تَثْنِية 33:1

وَ دِي هِي الْبَرَكَةْ النَّبِي اللّٰهْ مُوسَى بَارَكْ بَيْهَا بَنِي إِسْرَائِيلْ قَبُلْ مَوْتَهْ.

2 أخبار 8:14

وَ سُلَيْمَانْ طَبَّقْ الْقَرَارْ الدَّاوُدْ أَبُوهْ شَالَهْ وَ هُو خَطَّ مَجْمُوعَاتْ رُجَالْ الدِّينْ وَ اللَّاوِيِّينْ فِي خِدْمِتْهُمْ. اللَّاوِيِّينْ يَشْكُرُوا اللّٰهْ وَ يِسَاعُدُوا رُجَالْ الدِّينْ فِي خِدْمِتْهُمْ هَنَا كُلَّ يَوْم. وَ الْحُرَّاسْ مُقَسَّمِينْ فِي أَيِّ بَابْ حَسَبْ مَجْمُوعَاتْهُمْ. أَشَانْ دَا بَسْ الْأَمُرْ هَنَا دَاوُدْ عَبْد اللّٰهْ.

2 مُلوك 12:9

وَ يَهُويَدَعْ رَاجِلْ الدِّينْ شَالْ صَنْدُوقْ وَ قَدَّ سِدَادْتَهْ وَ خَطَّاهْ جَنْب الْمَدْبَحْ بِنُصّ الزَّيْنَةْ هَنَا مَدَخَلْ بَيْت اللّٰهْ. وَ رُجَالْ الدِّينْ الْهُمَّنْ حُرَّاسْ الْمَدَخَلْ يُخُطُّوا فَوْقَهْ كُلَّ الْفُضَّةْ الْيِجِيبُوهَا لِبَيْت اللّٰهْ.

2 مُلوك 25:18

وَ بَتَّانْ كَبِيرْ الْحُرَّاسْ كَرَبْ سَرَايَا كَبِيرْ رُجَالْ الدِّينْ وَ صَفَنْيَا رَاجِلْ الدِّينْ النَّايِبْ وَ الْحُرَّاسْ التَّلَاتَةْ هَنَا مَدَخَلْ بَيْت اللّٰهْ.

2 مُلوك 1:9

وَ خَلَاصْ، الْمَلِكْ رَسَّلْ قَايِدْ بِخَمْسِينْ عَسْكَرْ لِيَكُرْبُوا إِلِيَاسْ. وَ إِلِيَاسْ قَاعِدْ فِي رَاسْ الْجَبَلْ فَوْق وَ الْقَايِدْ قَالْ لَيَّهْ: «يَا نَبِي اللّٰهْ! الْمَلِكْ بُقُولْ أَنْزِلْ!»

1 مُلوك 12:22

وَ لَاكِنْ الرَّبّ حَجَّى لِلنَّبِي شَمَعْيَا وَ قَالْ لَيَّهْ:

يَشُوع 14:6

وَ يَوْم وَاحِدْ، نَاسْ مِنْ قَبِيلَةْ يَهُوذَا جَوْا لِيَشُوعْ فِي قِلْقَالْ. وَ كَالِبْ وِلَيْد يَفُونَى الْقِنَازِي قَالْ لَيَّهْ: «إِنْتَ تَعَرِفْ تَمَامْ كَلَامْ اللّٰهْ الْقَالَهْ لِلنَّبِي مُوسَى فِي سَبَبِي أَنَا وَ فِي سَبَبَكْ إِنْتَ وَكِتْ أَنِحْنَ فِي قَادِشْ بَرْنِيعَ.

2 تِمُوتَاوُس 3:17

وَ بَيَّهْ خَدَّامْ اللّٰهْ يَبْقَى قَادِرْ وَ جَاهِزْ أَشَانْ يِسَوِّي أَيِّ عَمَلْ هَنَا خَيْر.

1 تِمُوتَاوُس 6:11

لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

حِزْقِيال 43:8

وَ مُلُوكْهُمْ خَطَّوْا مَدَخَلْ قَصِرْهُمْ جَنْب مَدَخَلْ قَصْرِي وَ خَطَّوْا بَابْهُمْ جَنْب بَابِي وَ خَطَّوْا دُرْدُرْ بَيْنِي وَ بَيْنهُمْ. وَ بَيْدَا، هُمَّنْ نَجَّسَوْا أُسْمِي الْمُقَدَّسْ بِالْمُحَرَّمَاتْ السَّوَّوْهُمْ. وَ فِي شَانْ دَا، أَنَا دَمَّرْتُهُمْ بِنَارْ غَضَبِي.

إرْمِيا 52:24

وَ بَتَّانْ كَبِيرْ الْحُرَّاسْ كَرَبْ سَرَايَا كَبِيرْ رُجَالْ الدِّينْ وَ صَفَنْيَا رَاجِلْ الدِّينْ النَّايِبْ وَ الْحُرَّاسْ التَّلَاتَةْ هَنَا مَدَخَلْ بَيْت اللّٰهْ.

إرْمِيا 26:10

وَ وَكِتْ كُبَارَاتْ يَهُوذَا سِمْعَوْا بِالْخَبَرْ دَا، مَرَقَوْا مِنْ قَصِرْ الْمَلِكْ وَ جَوْا قَعَدَوْا فِي خَشُمْ الْبَابْ الْجَدِيدْ هَنَا بَيْت اللّٰهْ لِيِشِيفُوا الْكَلَامْ دَا.

زَبُور 84:10

أَشَانْ يَوْم وَاحِدْ فِي فَضَايْتَكْ أَخَيْر مِنْ أَلِفْ يَوْم بَرَّا مِنْهَا. أَنَا نِرِيدْ نَقْعُدْ فِي مَدَخَلْ بَيْتَكْ، يَا إِلٰـهِي، مِنْ نَقْعُدْ فِي فَرِيقْ النَّاسْ الْفَسْلِينْ.

1 أخبار 9:27

هُمَّنْ يُنُومُوا حَوَالَيْ بَيْت اللّٰهْ أَشَانْ يَحْفَضَوْه وَ يَفْتَحَوْا الْبِيبَانْ كُلِّ صَبَاحْ.

2 مُلوك 7:17

وَ الْمَلِكْ كَلَّفْ الْقَايِدْ الْمُرَافْقَهْ لِيِرَاقِبْ خَشُمْ بَابْ الْمَدِينَةْ. وَ لَاكِنْ الشَّعَبْ فَجَّقَوْه وَ هُو مَاتْ مِثِلْ نَبِي اللّٰهْ قَالَهْ وَكِتْ الْمَلِكْ مَشَى لَيَّهْ.

2 مُلوك 7:2

وَ الْقَايِدْ الْمُرَافِقْ الْمَلِكْ حَجَّى لِنَبِي اللّٰهْ وَ قَالْ: «كَنْ اللّٰهْ يَفْتَحْ بِيبَانْ السَّمَاءْ كُلَ، هَلْ كَلَامَكْ الْقُلْتَهْ دَا يِلْحَقَّقْ؟» وَ أَلْيَسَعْ رَدَّ لَيَّهْ وَ قَالْ: «تِشِيفَهْ بِعَيْنَكْ وَ لَاكِنْ مَا تَاكُلْ مِنَّهْ!»

2 مُلوك 6:10

وَ خَلَاصْ، مَلِكْ مَمْلَكَةْ إِسْرَائِيلْ رَسَّلْ نَاسْ لِيِرَاقُبُوا الْبَكَانْ الْوَصَّفَاهُمْ لَيَّهْ نَبِي اللّٰهْ. وَ الشَّيّءْ دَا، كَانْ عِدَّةْ مَرَّاتْ وَ نَبِي اللّٰهْ يِخَبِّرْ الْمَلِكْ أَشَانْ يِبَارِي الْبَكَانْ دَا.

2 مُلوك 5:20

وَ قِحَازِي خَدَّامْ أَلْيَسَعْ نَبِي اللّٰهْ قَالْ فِي نَفْسَهْ: «سِيدِي أَبَى مَا يِشِيلْ الْهَدِيَّةْ الْقَدَّمَاهَا لَيَّهْ نَعَمَانْ الْمِنْ بَلَدْ أَرَامْ. وَ لَاكِنْ نَحْلِفْ بِاللّٰهْ الْحَيّ كَدَرْ نَجْرِي وَرَايَهْ وَ أَكِيدْ نَلْقَى مِنَّهْ شَيّءْ.»

2 مُلوك 5:14

وَ خَلَاصْ، نَعَمَانْ نَزَلْ فِي بَحَرْ الْأُرْدُنْ وَ أَلْبَرَّدْ سَبْعَةْ مَرَّةْ حَسَبْ كَلَامْ نَبِي اللّٰهْ. وَ جِسْمَهْ بِقِي مِثِلْ جِسِمْ الْوِلَيْد الصَّغَيَّرْ وَ هُو بِقِي طَاهِرْ.

1 مُلوك 20:28

وَ فِي الْبَكَانْ دَا، النَّبِي جَاءْ لِمَلِكْ مَمْلَكَةْ إِسْرَائِيلْ وَ قَالْ لَيَّهْ: «دَاهُو اللّٰهْ قَالْ: ‹الْأَرَامِيَّيْن قَالَوْا: ”اللّٰهْ هُو إِلٰـهْ هَنَا جِبَالْ وَ مَا إِلٰـهْ هَنَا وُدْيَانْ.“ وَ فِي شَانْ دَا، أَنَا نِسَلِّمْ لَيْك كُلَّ الدَّيْش الْكَبِيرْ دَا فِي إِيدَكْ. وَ بَيْدَا، تَعَرْفُوا كَدَرْ أَنَا بَسْ اللّٰهْ.›»

1 مُلوك 17:24

وَ الْمَرَةْ قَالَتْ لِإِلِيَاسْ: «أَيْوَى، هَسَّعْ أَنَا عِرِفْت كَدَرْ إِنْتَ نَبِي اللّٰهْ وَ أَكِيدْ الْكَلَامْ الْقَاعِدْ تُقُولَهْ دَا جَايِ مِنْ اللّٰهْ.»

1 مُلوك 17:18

وَ هِي قَالَتْ لِإِلِيَاسْ: «شُنُو الْبَيْنِي وَ بَيْنَكْ، يَا نَبِي اللّٰهْ؟ إِنْتَ جِيتْ أَشَانْ تِذَكِّرْنِي بِخَطَايِ وَ تَكْتُلْ وِلَيْدِي وَلَّا؟»

1 مُلوك 13:26

وَ وَكِتْ النَّبِي الشَّايِبْ الْقَبَّلَهْ سِمِعْ بِالْخَبَرْ دَا، هُو قَالْ: «دَا نَبِي اللّٰهْ، دَا النَّبِي الْعِصِي أَمُرْ اللّٰهْ. وَ اللّٰهْ سَلَّمَهْ لِلدُّودْ ضَرَبَهْ وَ كَتَلَهْ وَ دَا بِقِي حَسَبْ كَلَامْ اللّٰهْ الْقَالَهْ لَيَّهْ.»

1 مُلوك 13:1

وَ دَاهُو نَبِي اللّٰهْ وَاحِدْ قَمَّ مِنْ بَلَدْ يَهُوذَا بِأَمُرْ اللّٰهْ وَ جَاءْ فِي بَيْت إِيلْ. وَ دَا فِي وَكِتْ الْيَرُبَعَامْ قَاعِدْ يِحَرِّقْ الْبَخُورْ فِي الْمَدْبَحْ الْهُو بَنَاهْ.

1 صَمُوِيل 2:27

وَ يَوْم وَاحِدْ، نَبِي وَاحِدْ جَاءْ لِعَالِي وَ قَالْ لَيَّهْ: «دَاهُو اللّٰهْ قَالْ: ‹أَنَا بَيَّنْت نَفْسِي لِعَايِلَةْ جِدَّكْ هَارُونْ وَكِتْ هُمَّنْ زَمَانْ قَاعِدِينْ عَبِيدْ تِحِتْ فِرْعَوْن مَلِكْ مَصِرْ.

إرْمِيا 35:3

خَلَاصْ، أَنَا إِرْمِيَا مَشَيْت فَتَّشْت يَازَنْيَا وِلَيْد إِرْمِيَا وِلَيْد حَبَصِنْيَا وَ أَخْوَانَهْ وَ كُلَّ عِيَالَهْ وَ كُلَّ بَنِي رِكَابْ.

حِزْقِيال 40:38

وَ فِيَّهْ غُرْفَةْ آخَرَةْ التَّفْتَحْ فِي الْغُرْفَةْ الْكَبِيرَةْ هِنْت بَيْت الْمَدَخَلْ الْمُنْشَاقِي. وَ دَا الْبَكَانْ الْيِغَسُّلُوا فَوْقَهْ الْبَهَايِمْ الْيِقَدُّمُوهُمْ ضَحَايَا مُحَرَّقِينْ.

إرْمِيا 21:1

اللّٰهْ حَجَّى لِإِرْمِيَا كَلَامْ الْبُخُصّ الْمَلِكْ صِدْقِيَّا. وَ الْمَلِكْ دَا رَسَّلْ لِإِرْمِيَا نَاسَيْن وَ هُمَّنْ فَشْحُورْ وِلَيْد مَلْكِيَّا وَ رَاجِلْ الدِّينْ صَفَنْيَا وِلَيْد مَعَسِيَّا لِيُقُولُوا لَيَّهْ: