إرْمِيا 34:8 - الكتاب المقدس بالعربي الدارجي هنا تشاد

⁸ وَ اللّٰهْ حَجَّى لِإِرْمِيَا وَ دَا بَعَدْ الْمَلِكْ صِدْقِيَّا مَعَ كُلَّ شَعَبْ مَدِينَةْ الْقُدُسْ سَوَّوْا مُعَاهَدَةْ لِيَعْلُنُوا الْحُرِّيَّةْ.

إرْمِيا 34:8 Referenca të Kryqëzuara

لاوِيِّين 25:10

وَ خَصُّصُوا السَّنَةْ الْخَمْسِينْ وَ عَالَنَوْا الْحُرِّيَّةْ فِي الْبَلَدْ لِكُلَّ سُكَّانْهَا. وَ دِي تَبْقَى لَيْكُو سَنِةْ الْحُرِّيَّةْ وَ أَيِّ وَاحِدْ مِنْكُو يِقَبِّلْ لِأَرْض وَرَثَتَهْ وَ أَيِّ وَاحِدْ مِنْكُو يِقَبِّلْ لِأَهَلَهْ.

إرْمِيا 34:17

وَ فِي شَانْ دَا، دَاهُو اللّٰهْ قَالْ: «إِنْتُو مَا سِمِعْتُونِي وَ أَيِّ وَاحِدْ مِنْكُو مَا عَالَنْ الْحُرِّيَّةْ لِأَخُو. وَ فِي شَانْ دَا، أَنَا نِعَالِنْ ضِدُّكُو الْحَرِبْ وَ الْوَبَاءْ وَ الْجُوعْ وَ هُمَّنْ يَكْتُلُوكُو بِحُرِّيَّةْ. وَ أَنَا نِسَوِّيكُو مَثَلْ الْبِخَوِّفْ كُلَّ مَمَالِكْ الْأَرْض. وَ دَا كَلَامْ اللّٰهْ.

2 مُلوك 11:17

وَ يَهُويَدَعْ سَوَّى مُعَاهَدَةْ بَيْن اللّٰهْ وَ بَيْن الْمَلِكْ وَ شَعَبَهْ لِيَبْقَوْا شَعَبْ اللّٰهْ. وَ بَتَّانْ سَوَّى مُعَاهَدَةْ أَمْبَيْن الْمَلِكْ وَ الشَّعَبْ.

إشَعْيا 61:1

رُوحْ اللّٰهْ الرَّبّ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ وَ نَعْلِنْ بِالْحُرِّيَّةْ لِلْمَكْرُوبِينْ وَ بِالطَّلَقَانْ لِلْمَسَاجِينْ.

نَحَمْيا 9:38

وَ بِسَبَبْ دَا، أَنِحْنَ بَنِي إِسْرَائِيلْ شِلْنَا نِيَّةْ أَسْتَفَقْنَا وَ كَتَبْنَا الْإِسْتِفَاقْ دَا. وَ كُبَارَاتْنَا وَ اللَّاوِيِّينْ وَ رُجَالْ الدِّينْ هَنَانَا، أَيِّ وَاحِدْ خَطَّ خِتْمَهْ بِأُسْمَهْ فِي وَرَقَةْ الْإِسْتِفَاقْ.

2 أخبار 29:10

وَ هَسَّعْ دَا، أَنَا شِلْت نِيَّةْ نِسَوُّوا مُعَاهَدَةْ مَعَ اللّٰهْ إِلٰـهْ بَنِي إِسْرَائِيلْ أَشَانْ يَرْفَعْ مِنِّنَا غَضَبَهْ الْمُحْرِقْ.

2 أخبار 23:16

وَ يَهُويَدَعْ سَوَّى مُعَاهَدَةْ مَعَ كُلَّ الشَّعَبْ وَ مَعَ الْمَلِكْ. وَ بِالْمُعَاهَدَةْ دِي، الشَّعَبْ يَبْقَوْا شَعَبْ اللّٰهْ.

تَثْنِية 15:12

كَنْ رَاجِلْ أَوْ مَرَةْ مِنْ أَخْوَانْكُو الْعِبْرَانِيِّينْ بَاعْ نَفْسَهْ لَيْكُو، خَدُّمُوهْ سِتَّةْ سَنَةْ مِثِلْ عَبِدْ وَ لَاكِنْ فِي السَّنَةْ السَّابْعَةْ، أَعَتُقُوهْ وَ خَلُّوا يَمْشِي حُرّ.

إشَعْيا 58:6

«وَ لَاكِنْ دَاهُو الصِّيَامْ الْأَنَا نَرْضَى بَيَّهْ. فُكُّوا الْمَسَاجِينْ السَّجَنَوْهُمْ بِظُلُمْ وَ دَلُّوا التَّقَلَةْ مِنْ رِقَابْهُمْ. وَ خَلُّوا الْمَظْلُومِينْ يَمْشُوا حُرِّينْ وَ أَرْفَعَوْا مِنْهُمْ كُلَّ التَّقَلَةْ.