إرْمِيا 34:3 - الكتاب المقدس بالعربي الدارجي هنا تشاد

³ يَا صِدْقِيَّا، إِنْتَ ذَاتَكْ مَا تَنْجَى مِنَّهْ، أَكِيدْ هُو يَكُرْبَكْ. وَ تِلْقَابَلَوْا مَعَ مَلِكْ بَابِلْ وِجِهْ بِوِجِهْ وَ تِحَجِّي مَعَايَهْ خَشُمْ بِخَشُمْ وَ يِوَدِّيكْ فِي بَابِلْ.

إرْمِيا 34:3 Referenca të Kryqëzuara

إرْمِيا 32:4

وَ صِدْقِيَّا مَلِكْ يَهُوذَا كُلَ مَا يَنْجَى مِنْ دَيْش الْبَابِلِيِّينْ وَ هُو ذَاتَهْ أَكِيدْ نِسَلِّمَهْ لِمَلِكْ بَابِلْ. وَ يِقَابِلَهْ وِجِهْ بِوِجِهْ وَ يِحَجِّي مَعَايَهْ خَشُمْ بِخَشُمْ.

إرْمِيا 21:7

وَ بَعَدْ دَا، صِدْقِيَّا مَلِكْ يَهُوذَا وَ خَدَّامِينَهْ وَ كُلَّ نَاسْ الْمَدِينَةْ دِي الْفَضَّلَوْا مِنْ الْوَبَاءْ وَ الْحَرِبْ وَ الْجُوعْ، أَنَا نِسَلِّمْهُمْ لِنَبُوخَدْنَصَرْ مَلِكْ بَابِلْ. أَيْوَى، نِسَلِّمْهُمْ لِعُدْوَانْهُمْ الْيِدَوْرُوا مَوْتهُمْ. وَ الْمَلِكْ يَكْتُلْهُمْ بِشِدَّةْ بَلَا رَحْمَةْ وَ لَا مَحَنَّةْ.“›» وَ دَا كَلَامْ اللّٰهْ.

إرْمِيا 34:21

وَ صِدْقِيَّا مَلِكْ يَهُوذَا وَ كُبَارَاتَهْ كُلَ نِسَلِّمْهُمْ لِعُدْوَانْهُمْ الْيِدَوْرُوا مَوْتهُمْ وَ هُمَّنْ عَسْكَرْ مَلِكْ بَابِلْ. وَ هَسَّعْ، هُمَّنْ بَعَّدَوْا مِنْكُو

حِزْقِيال 21:25

يَا إِنْتَ مَلِكْ بَنِي إِسْرَائِيلْ! يَا إِنْتَ كَتَّالْ الدِّمَمْ وَ كَافِرْ! يَوْمَكْ قَرَّبْ وَ وَكِتْ عِقَابَكْ جَاءْ.

حِزْقِيال 12:13

وَ أَنَا نُكُجّ لَيَّهْ شَرَكِي وَ هُو يَقَعْ فَوْقَهْ وَ نَكُرْبَهْ وَ نِوَدِّيهْ فِي بَلَدْ الْبَابِلِيِّيْن وَ لَاكِنْ هُو مَا يِشِيفْهَا. وَ يُمُوتْ فَوْقهَا.

إرْمِيا 38:18

وَ لَاكِنْ كَنْ إِنْتَ مَا مَرَقْت لِقُيَّادْ مَلِكْ بَابِلْ وَ سَلَّمْت نَفْسَكْ لَيْهُمْ، خَلَاصْ الْمَدِينَةْ دِي، الْبَابِلِيِّينْ يِشِيلُوهَا وَ يِحَرُّقُوهَا وَ إِنْتَ كُلَ مَا تَنْجَى مِنْهُمْ.›»

إرْمِيا 37:17

وَ الْمَلِكْ صِدْقِيَّا رَسَّلْ جَابَوْه لِإِرْمِيَا فِي قَصْرَهْ لِيَسْأَلَهْ بِعَشِيرْ. وَ سَأَلَهْ وَ قَالْ لَيَّهْ: «فِيَّهْ كَلَامْ مِنْ اللّٰهْ وَلَّا؟» وَ إِرْمِيَا قَالْ: «أَيْوَى فِي! وَ الْكَلَامْ دَا بُقُولْ، إِنْتَ تَقَعْ فِي إِيدْ مَلِكْ بَابِلْ.»

إرْمِيا 27:22

«الْمُعِدَّاتْ دَوْل يِوَدُّوهُمْ فِي بَابِلْ وَ هُمَّنْ يَقْعُدُوا هِنَاكْ لَحَدِّي الْيَوْم الْأَنَا نُقُمّ وَ نِشِيلْهُمْ مِنْ هِنَاكْ وَ نِقَبِّلْهُمْ هِنِي فِي الْبَكَانْ دَا.» وَ دَا كَلَامْ اللّٰهْ.

إرْمِيا 32:3

وَ صِدْقِيَّا مَلِكْ يَهُوذَا الْكَرَبْ إِرْمِيَا قَالْ لَيَّهْ: «مَالَا تِتْنَبَّأْ وَ تُقُولْ مِثِلْ كَيْ: ‹دَاهُو اللّٰهْ قَالْ: ”أَنَا نِسَلِّمْ الْمَدِينَةْ دِي لِمَلِكْ بَابِلْ وَ هُو يِشِيلْهَا.

إرْمِيا 32:28

وَ فِي شَانْ دَا، دَاهُو اللّٰهْ قَالْ: «أَكِيدْ نِسَلِّمْ الْمَدِينَةْ دِي لِلْبَابِلِيِّينْ وَ لِنَبُوخَدْنَصَرْ مَلِكْ بَابِلْ وَ هُو يِشِيلْهَا.

إرْمِيا 34:4

يَا صِدْقِيَّا مَلِكْ يَهُوذَا، كَنْ تَسْمَعْ كَلَامِي أَنَا اللّٰهْ الْقُلْتَهْ لَيْك، إِنْتَ أَبَداً مَا تُمُوتْ فِي الْحَرِبْ.

حِزْقِيال 17:15

«‹وَ لَاكِنْ الْمَلِكْ دَا أَتْمَرَّدْ ضِدّ مَلِكْ بَابِلْ. هُو رَسَّلْ نَاسَهْ لِمَصِرْ أَشَانْ يَنْطُوهْ خَيْل وَ عَسْكَرْ كَتِيرِينْ. هَلْ مَلِكْ مِثِلْ دَا يَنْجَحْ وَلَّا؟ هَلْ نَادُمْ السَّوَّى مُؤآمَرَةْ مِثِلْ دِي يَنْجَى وَلَّا؟ هَلْ هُو النَّقَضْ الْعَلَاقَةْ دِي يَنْجَى وَلَّا؟

إرْمِيا 38:23

«وَ كُلَّ عَوِينَكْ وَ عِيَالَكْ يَكُرْبُوهُمْ وَ يِوَدُّوهُمْ لِلْبَابِلِيِّينْ. وَ إِنْتَ ذَاتَكْ مَا تَنْجَى مِنْ مَلِكْ بَابِلْ. هُو يَكُرْبَكْ وَ يِحَرِّقْ الْمَدِينَةْ دِي.»

حِزْقِيال 17:16

نَحْلِفْ بِأُسْمِي الْحَيّ، أَكِيدْ الْمَلِكْ دَا يُمُوتْ فِي بَابِلْ بَلَدْ الْمَلِكْ الدَّرَّجَهْ أَشَانْ هُو قَطَعْ حَلِيفْتَهْ وَ نَقَضْ عَلَاقْتَهْ. وَ دَا كَلَامْ اللّٰهْ الرَّبّ.