إرْمِيا 34:21 - الكتاب المقدس بالعربي الدارجي هنا تشاد

²¹ وَ صِدْقِيَّا مَلِكْ يَهُوذَا وَ كُبَارَاتَهْ كُلَ نِسَلِّمْهُمْ لِعُدْوَانْهُمْ الْيِدَوْرُوا مَوْتهُمْ وَ هُمَّنْ عَسْكَرْ مَلِكْ بَابِلْ. وَ هَسَّعْ، هُمَّنْ بَعَّدَوْا مِنْكُو

إرْمِيا 34:21 Referenca të Kryqëzuara

إرْمِيا 39:6

وَ مَلِكْ بَابِلْ دَبَحْ أَوْلَادْ صِدْقِيَّا قِدَّامَهْ فِي رِبْلَةْ وَ بَتَّانْ دَبَحْ كُلَّ شُيُوخْ يَهُوذَا.

حِزْقِيال 17:16

نَحْلِفْ بِأُسْمِي الْحَيّ، أَكِيدْ الْمَلِكْ دَا يُمُوتْ فِي بَابِلْ بَلَدْ الْمَلِكْ الدَّرَّجَهْ أَشَانْ هُو قَطَعْ حَلِيفْتَهْ وَ نَقَضْ عَلَاقْتَهْ. وَ دَا كَلَامْ اللّٰهْ الرَّبّ.

إرْمِيا 52:10

وَ هِنَاكْ فِي رِبْلَةْ، مَلِكْ بَابِلْ دَبَحْ أَوْلَادْ صِدْقِيَّا قِدَّامَهْ وَ بَتَّانْ دَبَحْ كُلَّ كُبَارَاتْ يَهُوذَا.

مَراثِي إرْمِيا 4:20

الْمَلِكْ الْاللّٰهْ مَسَحَهْ وَ دَرَّجَهْ، هُو مِثِلْ رُوحْنَا وَ قُلْنَا نِعِيشُوا تِحْتَهْ مَعَ الْأُمَمْ. وَ لَاكِنْ الْعَدُو رَمَاهْ فِي الشَّرَكْ وَ كَرَبَهْ.

إرْمِيا 32:4

وَ صِدْقِيَّا مَلِكْ يَهُوذَا كُلَ مَا يَنْجَى مِنْ دَيْش الْبَابِلِيِّينْ وَ هُو ذَاتَهْ أَكِيدْ نِسَلِّمَهْ لِمَلِكْ بَابِلْ. وَ يِقَابِلَهْ وِجِهْ بِوِجِهْ وَ يِحَجِّي مَعَايَهْ خَشُمْ بِخَشُمْ.

2 مُلوك 25:6

وَ عَسْكَرْ بَابِلْ كَرَبَوْه لِلْمَلِكْ صِدْقِيَّا وَ وَدَّوْه فِي حِلَّةْ رِبْلَةْ قِدَّامْ مَلِكْ بَابِلْ. وَ فِي الْبَكَانْ دَا، حَاكَمَوْه.

إرْمِيا 22:25

أَنَا نِسَلِّمَكْ لِلْيِدَوْرُوا مَوْتَكْ، أَيْوَى فِي إِيدَيْن النَّاسْ الْإِنْتَ تَرْجِفْ قِدَّامْهُمْ. وَ دَا فِي إِيدَيْن نَبُوخَدْنَصَرْ مَلِكْ بَابِلْ وَ عَسْكَرَهْ.

إرْمِيا 32:3

وَ صِدْقِيَّا مَلِكْ يَهُوذَا الْكَرَبْ إِرْمِيَا قَالْ لَيَّهْ: «مَالَا تِتْنَبَّأْ وَ تُقُولْ مِثِلْ كَيْ: ‹دَاهُو اللّٰهْ قَالْ: ”أَنَا نِسَلِّمْ الْمَدِينَةْ دِي لِمَلِكْ بَابِلْ وَ هُو يِشِيلْهَا.

إرْمِيا 44:30

وَ دَاهُو اللّٰهْ قَالْ: ‹أَنَا نِسَلِّمْ فِرْعَوْن حُفْرَعْ مَلِكْ مَصِرْ لِعُدْوَانَهْ الْيِدَوْرُوا مَوْتَهْ مِثِلْ سَلَّمْت صِدْقِيَّا مَلِكْ يَهُوذَا لِنَبُوخَدْنَصَرْ مَلِكْ بَابِلْ عَدُوهْ الدَّوَّرْ مَوْتَهْ.›»

إرْمِيا 52:8

وَ لَاكِنْ عَسْكَرْ بَابِلْ طَرَدَوْه لِلْمَلِكْ صِدْقِيَّا وَ لِحْقَوْه وَ كَرَبَوْه فِي كَدَادَةْ أَرِيحَا. وَ كُلَّ عَسْكَرَهْ عَرَّدَوْا خَلَّوْه.

حِزْقِيال 17:12

«قُولْ لِلشَّعَبْ الْعَاصِيِينْ دَوْل: ‹مَا عِرِفْتُوا مَعَنَى الْمَثَلْ دَا وَلَّا؟ دَاهُو التَّفْسِيرْ. مَلِكْ بَابِلْ جَاءْ فِي مَدِينَةْ الْقُدُسْ وَ كَرَبْ مَلِكْهَا وَ كُبَارَاتْهَا وَ وَدَّاهُمْ مَعَايَهْ فِي بَابِلْ.

حِزْقِيال 17:20

وَ أَنَا نُكُجّ لَيَّهْ شَرَكِي وَ نَكُرْبَهْ. وَ نِوَدِّيهْ بَابِلْ وَ هِنَاكْ نِحَاكِمَهْ فِي شَانْ الْخِيَانَةْ الْهُو سَوَّاهَا ضِدِّي.