إرْمِيا 34:19 - الكتاب المقدس بالعربي الدارجي هنا تشاد

¹⁹ وَ كُبَارَاتْ يَهُوذَا وَ كُبَارَاتْ مَدِينَةْ الْقُدُسْ وَ الْمَسَائِيلْ وَ رُجَالْ الدِّينْ وَ كُلَّ شَعَبْ الْبَلَدْ الْفَاتَوْا أَمْبَيْنَاتْ الْعِجِلْ دَا،

إرْمِيا 34:19 Referenca të Kryqëzuara

إرْمِيا 34:10

وَ كُلَّ الْكُبَارَاتْ وَ كُلَّ الشَّعَبْ الْمَضَوْا فِي الْمُعَاهَدَةْ دِي قَصَّدَوْا يَنْطُوا الْحُرِّيَّةْ لِعَبِيدْهُمْ وَ يِخَلُّوهُمْ يَمْشُوا حُرِّينْ وَ مَا يِعَبُّدُوهُمْ بَتَّانْ. وَ خَلَاصْ، خَلَّوْهُمْ مَشَوْا حُرِّينْ.

دَنْيال 9:12

«وَ إِنْتَ حَقَّقْت كَلَامَكْ الْقُلْتَهْ فَوْقنَا أَنِحْنَ وَ كُبَارَاتْنَا وَ نَزَّلْت فَوْقنَا مَصِيبَةْ كَبِيرَةْ. وَ الْمَصِيبَةْ النَّزَلَتْ فِي مَدِينَةْ الْقُدُسْ دِي أَبَداً مَا كَانَتْ مِثِلْهَا فِي الدُّنْيَا.

دَنْيال 9:6

وَ مَا سِمِعْنَا كَلَامْ عَبِيدَكْ الْأَنْبِيَاء. هُمَّنْ كَلَّمَوْا بِأُسْمَكْ لِمُلُوكْنَا وَ كُبَارَاتْنَا وَ جُدُودْنَا وَ كُلَّ شَعَبْ بَلَدْنَا.

إرْمِيا 38:7

وَ فِيَّهْ رَاجِلْ وَاحِدْ حَبَشِي أُسْمَهْ عَبْدالْمَلِكْ وَ هُو مَسْؤُولْ كَبِيرْ فِي قَصِرْ الْمَلِكْ. وَ سِمِعْ كَدَرْ إِرْمِيَا زَقَلَوْه فِي النُّقْرَةْ. وَ فِي الْوَكِتْ دَاكْ، الْمَلِكْ قَاعِدْ فِي بَابْ الْمَدِينَةْ الْأُسْمَهْ بَنْيَامِينْ.

إرْمِيا 29:2

وَ الْجَوَابْ دَا رَسَّلَهْ بَعَدْ مَرَقَوْهُمْ مِنْ مَدِينَةْ الْقُدُسْ لِلْمَلِكْ يُيَكِينْ وَ الْمَلِكَةْ الْأُمّ وَ الْمَسَائِيلْ وَ الْكُبَارَاتْ هَنَا بَلَدْ يَهُوذَا وَ مَدِينَةْ الْقُدُسْ وَ الصِّنَاعِيِينْ وَ الْحَدَّادْ.

2 مُلوك 24:15

وَ هُو وَدَّى فِي بَابِلْ الْمَلِكْ يُيَكِينْ وَ أَمَّهْ وَ عَوِينَهْ وَ خَدَّامِينَهْ وَ فُرَّاسْ الْبَلَدْ. هُو شَالَاهُمْ مِنْ مَدِينَةْ الْقُدُسْ وَ وَدَّاهُمْ فِي الْغُرْبَةْ فِي بَابِلْ.

2 مُلوك 24:12

وَ خَلَاصْ، يُيَكِينْ مَلِكْ مَمْلَكَةْ يَهُوذَا مَرَقْ ضِدّ مَلِكْ بَابِلْ وَ شَالْ مَعَ أَمَّهْ وَ مَسَائِيلَهْ وَ كُبَارَاتَهْ وَ خَدَّامِينَهْ. وَ مَلِكْ بَابِلْ كَرَبَهْ وَ وَدَّاهْ مَسْجُونْ وَ دَا فِي السَّنَةْ التَّامْنَةْ هَنَا حُكْمَهْ.

دَنْيال 9:8

أَيْوَى، يَا اللّٰهْ، الْعَيْب فَوْقنَا أَنِحْنَ وَ فَوْق مُلُوكْنَا وَ كُبَارَاتْنَا وَ جُدُودْنَا أَشَانْ أَنِحْنَ أَذْنَبْنَا قِدَّامَكْ.

تكوين 15:17

وَ وَكِتْ الْحَرَّايْ وَقَعَتْ وَ الضَّلَامْ سَدَّ الْبَكَانْ دَا، دَاهُو كَانُونْ عِنْدَهْ جَمُرْ وَ دُخَّانْ وَ مُشْهَابْ هَنَا نَارْ فَاتَوْا أَمْبَيْنَاتْ الْبَهَايِمْ الْمُشَقَّقِينْ.

إرْمِيا 39:6

وَ مَلِكْ بَابِلْ دَبَحْ أَوْلَادْ صِدْقِيَّا قِدَّامَهْ فِي رِبْلَةْ وَ بَتَّانْ دَبَحْ كُلَّ شُيُوخْ يَهُوذَا.

تكوين 15:8

وَ أَبْرَامْ قَالْ: «يَا اللّٰهْ رَبِّي، كِكَّيْف نَعَرِفْ كَدَرْ الْبَلَدْ دِي تَبْقَى لَيِّ وَرَثَةْ؟»