إرْمِيا 34:15 - الكتاب المقدس بالعربي الدارجي هنا تشاد

¹⁵ وَ إِنْتُو الْيَوْم سَوَّيْتُوا الْعَدِيلْ قِدَّامِي. أَيِّ وَاحِدْ مِنْكُو عَالَنْ الْحُرِّيَّةْ لِأَخُوهْ وَ خَلَّاهْ مَشَى حُرّ. وَ دَا بِمُعَاهَدَتْكُو السَّوَّيْتُوهَا قِدَّامِي فِي بَيْتِي الْفَوْقَهْ أُسْمِي. وَ لَاكِنْ إِنْتُو نِدِمْتُوا!

إرْمِيا 34:15 Referenca të Kryqëzuara

إرْمِيا 34:8

وَ اللّٰهْ حَجَّى لِإِرْمِيَا وَ دَا بَعَدْ الْمَلِكْ صِدْقِيَّا مَعَ كُلَّ شَعَبْ مَدِينَةْ الْقُدُسْ سَوَّوْا مُعَاهَدَةْ لِيَعْلُنُوا الْحُرِّيَّةْ.

2 مُلوك 23:3

وَ الْمَلِكْ وَقَفْ جَنْب عَمُودْ بَيْت اللّٰهْ وَ جَدَّدْ الْمُعَاهَدَةْ مَعَ اللّٰهْ. وَاجِبْ أَيِّ وَاحِدْ يِتَابِعْ اللّٰهْ وَ يَحْفَضْ وَصِيَّاتَهْ وَ تَعْلِيمَهْ وَ شُرُوطَهْ بِكُلَّ قَلْبَهْ وَ بِكُلَّ فِكْرَهْ وَ يِطَبِّقْ كَلَامْ الْمُعَاهَدَةْ الْمَكْتُوبْ فِي الْكِتَابْ دَا. وَ كُلَّ الشَّعَبْ قَصَّدَوْا بِالْمُعَاهَدَةْ دِي.

نَحَمْيا 10:29

كُلِّنَا كَيْ لَمَّيْنَا مَعَ أَخْوَانَّا وَ نَاسْنَا الْكُبَارْ. لَمَّيْنَا أَشَانْ نِسْتَفُقُوا وَ نَحَلْفُوا كَدَرْ نِطَبُّقُوا تَوْرَاةْ اللّٰهْ الْهُو نَزَّلَهْ بِوَاسِطَةْ مُوسَى عَبْدَهْ. نَحَلْفُوا أَشَانْ نَسْمَعَوْا وَ نِسَوُّوا حَسَبْ الْوَصَايَا وَ الْقَوَانِينْ وَ الشُّرُوطْ هَنَا اللّٰهْ رَبِّنَا.

مَتَّى 15:8

<الشَّعَبْ دَوْل يِمَجُّدُونِي بِخُشُومْهُمْ وَ لَاكِنْ قُلُوبْهُمْ بَعِيدْ مِنِّي.

إرْمِيا 32:34

هُمَّنْ جَابَوْا أَصْنَامْهُمْ الْمُحَرَّمِينْ فِي بَيْتِي الْفَوْقَهْ أُسْمِي أَشَانْ يِنَجُّسُوهْ.

إشَعْيا 58:2

لَاكِنْ كُلِّ يَوْم هُمَّنْ يِفَتُّشُونِي أَنَا وَ يِدَوْرُوا يَعَرْفُوا دُرُوبِي مِثِلْ أُمَّةْ التِّطَبِّقْ الْعَدَالَةْ وَ مَا خَلَّتْ شَرِيعَةْ إِلٰـهَّا وَ مِثِلْ يِدَوْرُوا مِنِّي شَرِيعَةْ عَادِلَةْ وَ يِرِيدُوا يِقَرُّبُوا لَيِّ.

زَبُور 119:106

أَنَا نَحْلِفْ وَ نَقْعُدْ فِي حَلِيفْتِي كَدَرْ نَحْفَضْ شَرِيعْتَكْ الْعَادِلَةْ.

زَبُور 76:11

سَوُّوا نَذِرْ لِلّٰهْ إِلٰـهْكُو وَ تِمُّوهْ. أَيْوَى، جِيبُوا هَدَايَاكُو لِلْإِلٰـهْ الْبِخَوِّفْ، إِنْتُو الْمُحَوِّقِينَهْ.

2 مُلوك 14:3

وَ هُو سَوَّى الْعَدِيلْ قِدَّامْ اللّٰهْ. مَا سَوَّى مِثِلْ جِدَّهْ دَاوُدْ سَوَّاهْ لَاكِنْ مِثِلْ أَبُوهْ يُوَاشْ.

2 مُلوك 12:2

وَ فِي كُلَّ مُدَّةْ حَيَاتَهْ، يُوَاشْ سَوَّى الْعَدِيلْ قِدَّامْ اللّٰهْ أَشَانْ يَهُويَدَعْ رَاجِلْ الدِّينْ أَنْطَى وَصَايَا عَدِيلِينْ.

لاوِيِّين 25:10

وَ خَصُّصُوا السَّنَةْ الْخَمْسِينْ وَ عَالَنَوْا الْحُرِّيَّةْ فِي الْبَلَدْ لِكُلَّ سُكَّانْهَا. وَ دِي تَبْقَى لَيْكُو سَنِةْ الْحُرِّيَّةْ وَ أَيِّ وَاحِدْ مِنْكُو يِقَبِّلْ لِأَرْض وَرَثَتَهْ وَ أَيِّ وَاحِدْ مِنْكُو يِقَبِّلْ لِأَهَلَهْ.