إرْمِيا 33:6 - الكتاب المقدس بالعربي الدارجي هنا تشاد

⁶ وَ لَاكِنْ دَاهُو أَنَا نَنْطِيهَا الشِّفَاءْ وَ الْعَافَيْ وَ لِسُكَّانْهَا نَشْفِيهُمْ وَ نِجِيبْ لَيْهُمْ السَّلَامْ وَ الْأَمَانْ بِكَتَرَةْ.

إرْمِيا 33:6 Referenca të Kryqëzuara

يُوحَنَّا 10:10

السَّرَّاقْ مَا يَجِي فِي أُسْط الْغَنَمْ إِلَّا لِيَسْرِقْهُمْ وَ يَدْبَحْهُمْ وَ يَهْلِكْهُمْ. وَ لَاكِنْ أَنَا جِيتْ أَشَانْ هُمَّنْ يَلْقَوْا الْحَيَاةْ وَ نَنْطِيهُمْ الْحَيَاةْ الْأَفْضَلْ.

إشَعْيا 30:26

وَ نُورْ الْقَمَرْ يَبْقَى مِثِلْ نُورْ الْحَرَّايْ. وَ نُورْ الْحَرَّايْ يَبْقَى سَبْعَةْ مَرَّاتْ زِيَادَةْ مِثِلْ نُورْ هَنَا سَبْعَةْ يَوْم. وَ دَا الْيَوْم الْفَوْقَهْ اللّٰهْ يِعَالِجْ جُرُوحْ شَعَبَهْ وَ يِدَاوِي عَوَاوِيرْ ضَرِبِينْهُمْ.

زَبُور 67:2

وَ بَيْدَا، كُلَّ الْأُمَمْ فِي الْأَرْض يَعَرْفُوا دَرْبَكْ وَ يَعَرْفُوا كَدَرْ النَّجَاةْ جَايَةْ مِنَّكْ.

إشَعْيا 58:8

«وَ بَيْدَا، نُورَكْ يِبِينْ مِثِلْ ضَيّ الصَّبَاحْ وَ شِفَاكْ يَبْقَى عَجَلَةْ! وَ عَدَالْتَكْ تُقُودَكْ وَ مَجْد اللّٰهْ يَحْفَضَكْ.

هُوشَع 6:1

«تَعَالُوا نِقَبُّلُوا لِلّٰهْ أَشَانْ هُو بَسْ الْجَرَحْنَا وَ هُو بَسْ الْيَشْفِينَا. هُو بَسْ الضَّرَبَانَا وَ هُو بَسْ الْيِدَاوِي عُوَارْنَا.

إشَعْيا 66:12

وَ دَاهُو اللّٰهْ قَالْ: «أَنَا نَنْطِي السَّلَامْ لِمَدِينَةْ الْقُدُسْ مِثِلْ أَلْمِي الْبَحَرْ. وَ نِجِيبْ لَيْهَا مَجْد الْأُمَمْ مِثِلْ وَادِي الْجَارِي. وَ يِرَضُّعُوكُو وَ يِشِيلُوكُو فِي حُضُونْهُمْ وَ يِدَادُلُوكُو فِي الرِّكَبُّهُمْ.

1 بُطْرُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ! هُو رَحَمَانَا بِرَحْمَةْ كَبِيرَةْ الْبَيْهَا بِقِينَا مَوْلُودِينْ مِنْ جَدِيدْ بِسَبَبْ بُعَاثْ عِيسَى الْمَسِيحْ مِنْ أُسْط الْمَيْتِينْ. وَ بَيْدَا، عِنْدِنَا عَشَمْ مُؤَكَّدْ

إشَعْيا 54:13

وَ كُلَّ عِيَالْكِ يَبْقَوْا تَلَامِيذ اللّٰهْ وَ يِعِيشُوا فِي السَّلَامْ كَامِلْ.

هُوشَع 7:1

وَ وَكِتْ نِدَوْر نَشْفِي بَنِي إِسْرَائِيلْ، خَطَا أَفْرَايِمْ وَ فَسَالَةْ السَّامِرَةْ يِبِينُوا أَشَانْ فِعِلْهُمْ كُلَّ غَشّ. السَّرَّاقْ يَدْخُلْ فِي الْبُيُوتْ وَ رَبَّاطِينْ الدُّرُوبْ يَقْعُدُوا فِي الشَّوَارِعْ.

إرْمِيا 17:14

أَشْفِينِي، يَا اللّٰهْ، وَ أَنَا نَلْقَى الشِّفَاءْ. وَ نَجِّينِي وَ نَلْقَى النَّجَاةْ أَشَانْ إِنْتَ بَسْ نَحْمُدَكْ.

مِيخا 4:3

وَ اللّٰهْ يَبْقَى قَاضِي بَيْن شُعُوبْ كَتِيرِينْ وَ يِحَاكِمْ أُمَمْ قَوِيِّينْ حَتَّى كَانْ بَعِيدِينْ كُلَ. هُمَّنْ يُدُقُّوا سُيُوفْهُمْ جَرَارِي وَ يُدُقُّوا حُرَابْهُمْ خَنَاجِرْ. وَ أُمَّةْ مَا تَرْفَعْ سُيُوفْهَا لِأُمَّةْ وَ مَا فِي تَدْرِيبْ لِلْحَرِبْ بَتَّانْ.

إشَعْيا 55:7

خَلِّي الْعَاصِي يِخَلِّي دَرْبَهْ وَ النَّادُمْ الْفَسِلْ يِخَلِّي أَفْكَارَهْ. خَلِّي يِقَبِّلْ لِلّٰهْ وَ هُو يَرْحَمَهْ أَشَانْ غُفْرَانْ إِلٰـهْنَا وَسِيعْ.

إشَعْيا 2:4

اللّٰهْ يَبْقَى قَاضِي بَيْن الْأُمَمْ وَ يِحَاكِمْ شُعُوبْ كَتِيرِينْ. هُمَّنْ يُدُقُّوا سُيُوفْهُمْ جَرَارِي وَ يُدُقُّوا حُرَابْهُمْ خَنَاجِرْ. وَ أُمَّةْ مَا تَرْفَعْ سُيُوفْهَا لِأُمَّةْ وَ مَا فِي تَدْرِيبْ لِلْحَرِبْ بَتَّانْ.

زَبُور 37:11

وَ لَاكِنْ الْمَسَاكِينْ يَوْرُثُوا الْأَرْض وَ يَفْرَحَوْا بِسَلَامْ كَتِيرْ.

تَثْنِية 32:39

وَ هَسَّعْ، أَعَرْفُوا أَنَا بَسْ الرَّبّ. لَا إِلٰـهْ إِلَّا أَنَا! أَنَا بَسْ النَّحَيِي وَ نَكْتُلْ وَ نَجْرَحْ وَ نَشْفِي وَ مَا فِي الْيَقْدَرْ يِخَلِّصْ مِنْ إِيدِي.

أفَسُس 6:23

وَ خَلِّي كُلَّ الْأَخْوَانْ يَلْقَوْا السَّلَامْ وَ الْمَحَبَّةْ مَعَ الْإِيمَانْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

زَبُور 72:7

وَ فِي أَيَّامْ حُكْمَهْ، الْعَدَالَةْ تِزِيدْ وَ كَنْ الْقَمَرْ قَاعِدْ دَا، السَّلَامْ يِزِيدْ.

خُروج 34:6

وَ فَاتْ قِدَّامْ مُوسَى وَ عَالَنْ وَ قَالْ: «أَنَا اللّٰهْ! أَنَا اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ.

إشَعْيا 39:8

وَ حِزْقِيَّا رَدَّ لِإِشَعْيَا وَ قَالْ: «كَلَامْ اللّٰهْ الْإِنْتَ قُلْتَهْ لَيِّ دَا، عَدِيلْ.» أَشَانْ هُو قَالْ فِي نَفْسَهْ: «أَنَا نِعِيشْ بِسَلَامْ وَ أَمَانْ فِي كُلَّ مُدَّةْ حَيَاتِي.»

إرْمِيا 3:22

قَبُّلُوا لَيِّ، يَا عِيَالْ الْكُفَّارْ، وَ أَنَا نَشْفِيكُو مَرَّةْ وَاحِدْ مِنْ كُفُرْكُو.» وَ هُمَّنْ قَالَوْا: «أَيْوَى، دَاهُو أَنِحْنَ جَايِينْ لَيْك أَشَانْ إِنْتَ بَسْ اللّٰهْ إِلٰـهْنَا.

مَلاخِـي 4:2

وَ لَاكِنْ لَيْكُو إِنْتُو الْخَايْفِينْ مِنِّي، عَدَالْتِي تَطْلَعْ لَيْكُو مِثِلْ الْحَرَّايْ وَ ضَيَّهَا يِجِيبْ الشِّفَاءْ. وَ إِنْتُو تَمُرْقُوا وَ تِنَطُّطُوا مِثِلْ عَجَّالْ مَرَقَوْا مِنْ زَرِيبِتْهُمْ.

زَبُور 147:3

هُو يَشْفِي الْقَلِبْهُمْ مَجْرُوحْ وَ يِعَالِجْ وَجَعْهُمْ.

جامِعة 3:3

فِي وَكِتْ لِلْكَتِلْ وَ فِي وَكِتْ لِلشِّفَاءْ. فِي وَكِتْ لِلْهَدِّمِينْ وَ فِي وَكِتْ لِلْبُنَى.

إشَعْيا 57:18

أَنَا شِفْت دُرُوبْهُمْ وَ نَشْفِيهُمْ وَ نُقُودْهُمْ وَ نِحَنِّسْهُمْ بَتَّانْ هُمَّنْ وَ النَّاسْ الْحِزْنَوْا فِي شَانْهُمْ.

إشَعْيا 57:19

وَ أَنَا نُخُطّ الْحَمْد فِي خُشُومْهُمْ. السَّلَامْ لِلْقَرِيبْ! السَّلَامْ لِلْبَعِيدْ! أَيْوَى أَنَا نَشْفِيهُمْ. وَ دَا، اللّٰهْ بَسْ قَالَهْ.

إرْمِيا 29:11

أَنَا نَعَرِفْ الْفِكْرَةْ الْجَهَّزْتَهَا لَيْكُو وَ هِي مَا فِكْرَةْ هِنْت فَسَالَةْ وَ لَاكِنْ فِكْرَةْ هِنْت سَلَامْ الْبَيْهَا تَلْقَوْا مُسْتَقْبَلْ مَلَانْ بِعَشَمْ. وَ دَا كَلَامْ اللّٰهْ.

مِيخا 7:20

وَ تِوَصِّفْ أَمَانَكْ لِذُرِّيَّةْ يَعْقُوبْ وَ خَيْرَكْ لِعِيَالْ إِبْرَاهِيمْ مِثِلْ إِنْتَ زَمَانْ حَلَفْت بَيَّهْ لِأَبَّهَاتْنَا.