إرْمِيا 33:5 - الكتاب المقدس بالعربي الدارجي هنا تشاد

⁵ «وَكِتْ يِحَارُبُوا الْبَابِلِيِّينْ، الْبُيُوتْ دَوْل يِنْمَلُوا بِجَنَازَاتْ الشَّعَبْ الْأَنَا كَتَلْتُهُمْ فِي زَعَلِي وَ غَضَبِي. وَ أَنَا بَتَّانْ مَا نِوَجِّهْ عَلَيْ الْمَدِينَةْ دِي وَ دَا بِسَبَبْ كُلَّ فَسَالَةْ شَعَبْهَا.

إرْمِيا 33:5 Referenca të Kryqëzuara

إشَعْيا 8:17

أَنَا نُخُطّ عَشَمِي فِي اللّٰهْ الْأَبَى مَا يِوَجِّهْ عَلَيْ ذُرِّيَّةْ يَعْقُوبْ وَ أَنَا نِتْوَكَّلْ عَلَيَّهْ.

إرْمِيا 32:5

وَ مَلِكْ بَابِلْ يِوَدِّيهْ لِصِدْقِيَّا فِي بَابِلْ وَ هُو يَقْعُدْ هِنَاكْ لَحَدِّي أَنَا نِفَكِّرْ فَوْقَهْ. وَ دَا كَلَامْ اللّٰهْ. وَ كَنْ تُقُمُّوا تِحَارُبُوا مَلِكْ بَابِلْ كُلَ، أَبَداً مَا تَقْدَرَوْا تِنَّصُرُوا.“›»

إرْمِيا 21:10

أَيْوَى، أَنَا قَرَّرْت ضِدّ الْمَدِينَةْ دِي لِنِسَوِّي لَيْهَا الشَّرّ، مَا الْخَيْر. وَ نِسَلِّمْهَا لِمَلِكْ بَابِلْ وَ هُو يِحَرِّقْهَا.“›» وَ دَا كَلَامْ اللّٰهْ.

مِيخا 3:4

وَ خَلَاصْ، الظَّالِمِينْ دَوْل يَسْأَلَوْا اللّٰهْ وَ لَاكِنْ هُو مَا يُرُدّ لَيْهُمْ. فِي الْوَكِتْ دَا، هُو مَا يِوَجِّهْ عَلَيْهُمْ أَشَانْ هُمَّنْ سَوَّوْا عَمَلْ فَسِلْ.

إشَعْيا 64:7

مَا فِي نَادُمْ الْيِنَادِي أُسْمَكْ وَ مَا فِي نَادُمْ الْيُقُمّ وَ يِنْرَبِطْ مَعَاكْ. أَيْوَى، إِنْتَ مَا وَجَّهْت عَلَيْنَا وَ خَلَّيْتنَا وَقَعْنَا بِتِحِتْ تَقَلَةْ خَطَانَا.

تَثْنِية 31:17

وَ فِي الْيَوْم دَا، غَضَبِي يَبْقَى شَدِيدْ ضِدُّهُمْ. وَ أَنَا نِخَلِّيهُمْ وَ مَا نِوَجِّهْ عَلَيْهُمْ. وَ خَلَاصْ، يَقَعَوْا فِي الْبَلَاءْ الْكَتِيرْ وَ التَّعَبْ يَلْحَقْهُمْ وَ فِي الْيَوْم دَا، يُقُولُوا: ‹أَكِيدْ الْبَلَاءْ دَا لِحِقْنَا أَشَانْ إِلٰـهْنَا مَا كَانْ مَعَانَا!›

حِزْقِيال 39:29

وَ أَنَا نِوَجِّهْ عَلَيْهُمْ أَشَانْ نِنَزِّلْ رُوحِي فِي بَنِي إِسْرَائِيلْ.» وَ دَا كَلَامْ اللّٰهْ الرَّبّ.

إرْمِيا 18:17

وَ أَنَا نِشَتِّتْهُمْ قِدَّامْ الْعَدُو مِثِلْ شَالَتْهُمْ رِيحْ الصَّبَاحْ الشَّدِيدَةْ. وَ فِي يَوْم دَمَارْهُمْ، نَنْطِيهُمْ ضَهَرِي وَ أَبَداً وِجْهِي مَا يِشِيفُوهْ.»

تَثْنِية 32:20

وَ قَالْ: «بَتَّانْ مَا نِوَجِّهْ عَلَيْهُمْ وَ نِشِيفْ شُنُو يُكُونْ لَيْهُمْ فِي الأَخِيرْ أَشَانْ هُمَّنْ ذُرِّيَّةْ مُفْسِدَةْ وَ عِيَالْ الْمَا عِنْدُهُمْ أَمَانْ.

إرْمِيا 42:18

أَشَانْ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ‹مِثِلْ أَنَا نَزَّلْت غَضَبِي وَ زَعَلِي فِي سُكَّانْ مَدِينَةْ الْقُدُسْ، دَاهُو أَنَا نِنَزِّلْ غَضَبِي فَوْقكُو إِنْتُو كُلَ وَكِتْ تَدْخُلُوا فِي بَلَدْ مَصِرْ. وَ إِنْتُو تَبْقَوْا مَلْعُونِينْ وَ مُخِيفِينْ وَ نَاسْ يَلْعَنَوْكُو وَ يِعَيُّبُوكُو وَ بَتَّانْ بَلَدْكُو مَا تِشِيفُوهَا.›»

مَراثِي إرْمِيا 2:7

وَ الرَّبّ أَبَى الْمَدْبَحْ وَ لِبَكَانَهْ الْمُقَدَّسْ، خَلَّاهْ. وَ سَلَّمْ دَرَادِرْ بُيُوتْ الْقَوِيِّينْ هَنَا الْمَدِينَةْ فِي إِيدْ الْعَدُو. وَ أَنْسَمَعَتْ حَرَكَةْ شَدِيدَةْ فِي بَيْت اللّٰهْ مِثِلْ الْحَرَكَةْ الشَّدِيدَةْ هَنَا يَوْم الْعِيدْ.

تَثْنِية 31:18

وَ لَاكِنْ أَنَا فِي الْيَوْم دَا كُلَ بَتَّانْ مَا نِوَجِّهْ عَلَيْهُمْ وَ دَا بِسَبَبْ كُلَّ الْفَسَالَةْ السَّوَّوْهَا وَكِتْ تَابَعَوْا إِلٰـهَاتْ آخَرِينْ.