إرْمِيا 33:16 - الكتاب المقدس بالعربي الدارجي هنا تشاد

¹⁶ وَ فِي الْوَكِتْ دَا، نَاسْ بَلَدْ يَهُوذَا يَلْقَوْا النَّجَاةْ وَ مَدِينَةْ الْقُدُسْ تَقْعُدْ بِأَمَانْ. وَ دَاهُو الْأُسُمْ الْيِسَمُّوهَا بَيَّهْ، اللّٰهْ هُو بَسْ الْيِجِيبْ لَيْنَا الْعَدَالَةْ.»

إرْمِيا 33:16 Referenca të Kryqëzuara

إرْمِيا 23:6

وَ فِي وَكِتْ حُكْمَهْ، بَنِي يَهُوذَا يَلْقَوْا النَّجَاةْ وَ بَنِي إِسْرَائِيلْ يَسْكُنُوا بِأَمَانْ. وَ دَاهُو الْأُسُمْ الْيِسَمُّوهْ بَيَّهْ، اللّٰهْ هُو بَسْ الْيِجِيبْ لَيْنَا الْعَدَالَةْ.»

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

إشَعْيا 45:17

لَاكِنْ كَنْ لِبَنِي إِسْرَائِيلْ، اللّٰهْ يِنَجِّيهُمْ وَ النَّجَاةْ دِي إِلَى الْأَبَدْ. وَ بَتَّانْ إِنْتُو مَا تَبْقَوْا عَايْبِينْ وَ لَا خَجْلَانِينْ، دَايْماً وَ إِلَى الْأَبَدْ.

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

رَوْمَا 11:26

وَ بِمِثِلْ دَا، بَنِي إِسْرَائِيلْ كُلُّهُمْ كَيْ يَنْجَوْا خَلَاصْ. أَشَانْ دَا، مَكْتُوبْ فِي الْكِتَابْ: <الْيَفْدَاهُمْ يَجِي مِنْ صَهْيُون وَ يِقَبِّلْ ذُرِّيَّةْ يَعْقُوبْ مِنْ عِصْيَانْهُمْ.

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

إشَعْيا 45:22

إِنْتُو كُلُّكُو الْفِي آخِرْ الْأَرْض، وَجُّهُوا عَلَيِّ أَنَا وَ تَنْجَوْا! أَشَانْ أَنَا اللّٰهْ وَ لَا إِلٰـهْ إِلَّا أَنَا.

حِزْقِيال 28:26

وَ هُمَّنْ يَسْكُنُوا بِأَمَانْ وَ يَبْنُوا بُيُوتْ وَ يِمَقُّنُوا جِنَيْنَاتْ الْعِنَبْ. وَ يَسْكُنُوا بِأَمَانْ وَكِتْ نِنَزِّلْ عِقَابِي ضِدّ كُلَّ النَّاسْ الْحَقَرَوْهُمْ وَ قَاعِدِينْ حَوَالَيْهُمْ. وَ بَيْدَا، يَعَرْفُوا كَدَرْ أَنَا بَسْ اللّٰهْ إِلٰـهُّمْ.›»

إرْمِيا 32:37

‹أَكِيدْ أَنَا نِلِمُّهُمْ مِنْ كُلَّ الْبُلْدَانْ الْأَنَا شَتَّتُّهُمْ فَوْقهُمْ فِي وَكِتْ زَعَلِي وَ غَضَبِي الشَّدِيدْ. وَ نِقَبِّلْهُمْ فِي أَرْضُهُمْ وَ نِثَبِّتْهُمْ فَوْقهَا وَ يَقْعُدُوا بِأَمَانْ.

تَثْنِية 33:28

بَنِي إِسْرَائِيلْ يَسْكُنُوا بِأَمَانْ وَ ذُرِّيَّةْ يَعْقُوبْ يَقْعُدُوا وِحَيْدهُمْ فِي بَلَدْ الْقَمَحْ وَ الْخَمَرْ الْجَدِيدْ وَ السَّمَاءْ يِنَزِّلْ الْكَرَنْج.

تَثْنِية 33:12

وَ فِي قَبِيلَةْ بَنْيَامِينْ، هُو قَالْ: اللّٰهْ يِحِبّ عِيَالْ بَنْيَامِينْ وَ يَسْكُنُوا بِأَمَانْ جَنْب الْيَحْمِيهُمْ دَايْماً وَ يَسْكُنُوا فِي جِبَالَهْ.

حِزْقِيال 38:8

وَ بَعَدْ أَيَّامْ وَ فِي آخِرْ الْوَكِتْ، تِنَظِّمْ دَيْشَكْ وَ تَهْجِمْ بَلَدْ إِسْرَائِيلْ. زَمَانْ، شَعَبْهَا نِجَوْا مِنْ الْحَرِبْ وَ هَسَّعْ، قَبَّلَوْا كَتِيرِينْ مِنْ بَيْن الشُّعُوبْ وَ جَوْا لَمَّوْا فِي جِبَالْ إِسْرَائِيلْ الْخَرْبَانِينْ مِنْ مُدَّةْ طَوِيلَةْ. وَ هَسَّعْ كُلُّهُمْ سَاكْنِينْ بِأَمَانْ.

إرْمِيا 23:5

وَ دَاهُو كَلَامْ اللّٰهْ: «أَكِيدْ يَجِي يَوْم وَاحِدْ، أَنَا نِقَوِّمْ نَادُمْ صَالِحْ مِنْ ذُرِّيَّةْ دَاوُدْ مِثِلْ بِذْرَةْ. وَ النَّادُمْ دَا، أَنَا بَسْ نِدَرِّجَهْ مَلِكْ وَ هُو يَحْكِمْ بِحِكْمَةْ وَ يِجِيبْ الْحَقّ وَ الْعَدَالَةْ فِي الْبَلَدْ.

إرْمِيا 30:10

«وَ إِنْتُو، يَا ذُرِّيَّةْ عَبْدِي يَعْقُوبْ، مَا تَخَافَوْا وَ مَا تِنْبَهْتُوا، يَا بَنِي إِسْرَائِيلْ! أَكِيدْ أَنَا نِنَجِّيكُو مِنْ الْبَلَدْ الْبَعِيدَةْ وَ نِجِيبْ ذُرِّيِّتْكُو مِنْ بَلَدْ الْغُرْبَةْ. ذُرِّيَّةْ يَعْقُوبْ يَجُوا وَ يَقْعُدُوا بِرَاحَةْ وَ أَمَانْ وَ أَكِيدْ مَا فِي نَادُمْ يِبَشْتِنْهُمْ. وَ دَا كَلَامْ اللّٰهْ.

حِزْقِيال 48:35

وَ طُولْ دَايِرْ الدُّرْدُرْ دَا 18 000 دُرَاعْ. وَ مِنْ الْيَوْم، الْمَدِينَةْ دِي يِسَمُّوهَا اللّٰهْ قَاعِدْ هِنِي.»

دَنْيال 9:7

إِنْتَ عَادِلْ، يَا رَبّ، وَ الْيَوْم الْعَيْب فَوْقنَا أَنِحْنَ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ وَ كُلَّ بَنِي إِسْرَائِيلْ الْقَاعِدِينْ وَ الْمُشَتَّتِينْ فِي كُلَّ الْبُلْدَانْ. إِنْتَ طَرَدْتُهُمْ وَ وَدَّيْتهُمْ فِي الْبُلْدَانْ دَوْل بِسَبَبْ عِصْيَانْهُمْ لَيْك.

إرْمِيا 50:7

هُمَّنْ مِثِلْ غَنَمْ وَ أَيِّ نَادُمْ الْيَلْقَاهُمْ يَاكُلْهُمْ. عُدْوَانْهُمْ يُقُولُوا: ‹أَنِحْنَ مَا خَاطِيِّينْ أَشَانْ هُمَّنْ أَذْنَبَوْا ضِدّ اللّٰهْ. وَ اللّٰهْ هُو بَسْ بَكَانْ رَاحِتْهُمْ وَ عَدَالِتْهُمْ، هُو الْجُدُودْهُمْ خَطَّوْا عَشَمْهُمْ فَوْقَهْ.›»