إرْمِيا 33:13 - الكتاب المقدس بالعربي الدارجي هنا تشاد

¹³ وَ فِي حِلَّالْ الْجِبَالْ وَ فِي سَهَلَةْ شَفِيلَةْ وَ فِي صَحَرَاء نَقَبْ وَ فِي أَرْض قَبِيلَةْ بَنْيَامِينْ وَ فِي حَوَالَيْ مَدِينَةْ الْقُدُسْ وَ فِي حِلَّالْ بَلَدْ يَهُوذَا، كُلَّ الْغَنَمْ يُفُوتُوا تِحِتْ إِيدْ الرَّاعِي لِيَعَرِفْ عَدَدْهُمْ.» وَ دَا، اللّٰهْ بَسْ قَالَهْ.

إرْمِيا 33:13 Referenca të Kryqëzuara

لاوِيِّين 27:32

وَ كُلَّ الْعُشُرْ هَنَا الْبَقَرْ وَ الْغَنَمْ وَ دَا أَيِّ بَهِيمَةْ الْعَاشْرَةْ التُّفُوتْ تِحِتْ الدُّقُلْ، هِي تَبْقَى مُخَصَّصَةْ لِلّٰهْ.

لُوقا 15:4

«كَنْ رَاجِلْ مِنْكُو عِنْدَهْ مِيَةْ غَنَمْ وَ وَدَّرْ وَاحِدَةْ مِنْهُمْ، هُو يِسَوِّي شُنُو؟ هُو يِخَلِّي التِّسْعَةْ وَ تِسْعِينْ فِي الْكَدَادَةْ وَ يَمْشِي يِفَتِّشْ الْمُوَدِّرَةْ لَحَدِّي يَلْقَاهَا.

إرْمِيا 17:26

وَ خَلَاصْ، يَجُوا نَاسْ مِنْ حِلَّالْ بَلَدْ يَهُوذَا وَ مِنْ حَوَالَيْ مَدِينَةْ الْقُدُسْ وَ مِنْ أَرْض قَبِيلَةْ بَنْيَامِينْ وَ مِنْ سَهَلَةْ شَفِيلَةْ وَ مِنْ الْجِبَالْ وَ مِنْ صَحَرَاء نَقَبْ. وَ النَّاسْ دَوْل يَجُوا لِيِقَدُّمُوا ضَحَايَا مُحَرَّقِينْ وَ ضَحَايَا آخَرِينْ وَ هَدَايَا هَنَا دَقِيقْ وَ لُبَانْ. وَ دَا كُلَّ يِجِيبُوهْ لِبَيْت اللّٰهْ لِيَشْكُرُوهْ.

إرْمِيا 31:12

هُمَّنْ يِقَبُّلُوا وَ يِزَغْرُطُوا فِي جَبَلْ صَهْيُون. وَ يَفْرَحَوْا بِخَيْر اللّٰهْ، بِالْقَمَحْ وَ الْخَمَرْ الْجَدِيدْ وَ الدِّهِنْ وَ الْبَقَرْ وَ الْغَنَمْ. وَ حَيَاتْهُمْ سَمْحَةْ مِثِلْ جِنَيْنَةْ مَزْقِيَّةْ وَ بَتَّانْ مَا يَتْعَبَوْا.

إرْمِيا 32:15

أَشَانْ اللّٰهْ الْقَادِرْ إِلٰـهْ بَنِي إِسْرَائِيلْ قَالْ بَتَّانْ: ‹فِي الْبَلَدْ دِي بَتَّانْ يَشْرُوا بُيُوتْ وَ أَرْض وَ جِنَيْنَاتْ عِنَبْ.›»

إرْمِيا 32:44

أَيْوَى، يَشْرُوا أَرْض وَ يَوْزُنُوا فُضَّةْ وَ يَكْتُبُوا مَكْتُوبْ هَنَا مُبَايَعَةْ وَ يُخُطُّوا فَوْقَهْ خِتِمْ وَ يِنَادُوا الشُّهُودْ. وَ دَا يَبْقَى فِي أَرْض قَبِيلَةْ بَنْيَامِينْ وَ حَوَالَيْ مَدِينَةْ الْقُدُسْ وَ فِي حِلَّالْ بَلَدْ يَهُوذَا وَ فِي الْجِبَالْ وَ فِي سَهَلَةْ شَفِيلَةْ وَ فِي صَحَرَاء نَقَبْ، أَشَانْ أَنَا نِقَبِّلْ سُكَّانْهُمْ مِنْ الْغُرْبَةْ.» وَ دَا كَلَامْ اللّٰهْ.

حِزْقِيال 20:37

وَ أَنَا نُخُطُّكُو تِحِتْ عَصَاتِي وَ تِكَرُّمُوا الْمُعَاهَدَةْ التَّرْبُطْنِي مَعَاكُو.

عُبَدْيا 1:20

وَ بَنِي إِسْرَائِيلْ الْقَبَّلَوْا مِنْ الْغُرْبَةْ يَقْلَعَوْا بَلَدْ كَنْعَانْ لَحَدِّي صَرَفَةْ. وَ سُكَّانْ مَدِينَةْ الْقُدُسْ الْقَبَّلَوْا مِنْ الْغُرْبَةْ فِي سَفَارَدْ يَقْلَعَوْا مُدُنْ الْجُنُوبْ.