إرْمِيا 32:8 - الكتاب المقدس بالعربي الدارجي هنا تشاد

⁸ وَ مِثِلْ اللّٰهْ قَالَهْ لَيِّ، حَنَمِيلْ وِلَيْد عِمِّي جَاءْ لَيِّ فِي فَضَايَةْ الْحُرَّاسْ وَ قَالْ: «مِنْ فَضْلَكْ، أَشْرِي أَرْضِي الْقَاعِدَةْ فِي عَنَتُوتْ فِي أَرْض قَبِيلَةْ بَنْيَامِينْ أَشَانْ إِنْتَ بَسْ وَرِيثْ وَ عِنْدَكْ حَقّ الْمِلْكِيَّةْ فِي الْأَرْض دِي. أَشْرِيهَا لِنَفْسَكْ.» وَ خَلَاصْ فِي بَكَانْ دَا، أَنَا فِهِمْت كَدَرْ دَا الْكَلَامْ الْاللّٰهْ حَجَّاهْ لَيِّ مِنْ أَوَّلْ.

إرْمِيا 32:8 Referenca të Kryqëzuara

إرْمِيا 32:7

‹حَنَمِيلْ وِلَيْد عِمَّكْ شَلُّومْ يَجِي وَ يُقُولْ لَيْك كَيْ: ”أَشْرِي أَرْضِي الْقَاعِدَةْ فِي عَنَتُوتْ أَشَانْ إِنْتَ عِنْدَكْ حَقّ الْوَرَثَةْ.“›»

إرْمِيا 32:2

وَ فِي الْوَكِتْ دَا، عَسْكَرْ مَلِكْ بَابِلْ حَاصَرَوْا مَدِينَةْ الْقُدُسْ وَ النَّبِي إِرْمِيَا قَاعِدْ مَكْرُوبْ فِي فَضَايَةْ الْحُرَّاسْ فِي قَصِرْ مَلِكْ يَهُوذَا.

إرْمِيا 33:1

وَ اللّٰهْ حَجَّى لِإِرْمِيَا لِتَانِي مَرَّةْ وَكِتْ هُو قَاعِدْ مَكْرُوبْ فِي فَضَايَةْ الْحُرَّاسْ.

1 مُلوك 22:25

وَ مِيكَا قَالْ لَيَّهْ: «تِشِيفَهْ يَوْم تَمْشِي تِلَّبَّدْ مِنْ غُرْفَةْ لِغُرْفَةْ فِي بَيْتَكْ.»

يُوحَنَّا 4:53

وَ أَبُو الْوِلَيْد فَكَّرْ وَ عِرِفْ دِي بَسْ السَّاعَةْ الْعِيسَى حَجَّى لَيَّهْ فَوْقهَا وَ قَالْ: «وِلَيْدَكْ يَحْيَى.» وَ هُو آمَنْ بِعِيسَى وَ كُلَّ نَاسْ بَيْتَهْ آمَنَوْا مَعَايَهْ.

زَكَرِيَّا 11:11

وَ فِي الْيَوْم دَا، أَنَا نَقَضْتَهَا. وَ تُجَّارْ الْغَنَمْ الْقَاعِدِينْ يِشِيفُونِي عِرْفَوْا كَدَرْ فِعِلِي دَا حَسَبْ كَلَامْ اللّٰهْ.

1 أخبار 6:60

وَ مِنْ أَرْض قَبِيلَةْ بَنْيَامِينْ كَمَانْ، شَالَوْا قَبَعْ وَ عَلَمَاتْ وَ عَنَتُوتْ وَ أَنْطَوْهُمْ لِذُرِّيَّةْ هَارُونْ. وَ كُلَّ عَدَدْ مُدُنْهُمْ 13 مَدِينَةْ بِبَكَانَاتْهُمْ هَنَا السَّرْحَةْ وَ مُقَسَّمْ عَلَيْ حَسَبْ خُشُومْ بُيُوتْهُمْ.

1 مُلوك 2:26

وَ كَنْ لِأَبِيَاتَرْ رَاجِلْ الدِّينْ كَمَانْ، الْمَلِكْ قَالْ: «أَمْشِي لِزِرَاعْتَكْ فِي عَنَتُوتْ أَشَانْ الْمَوْت وَاجِبْ لَيْك. وَ لَاكِنْ أَنَا مَا نَكْتُلَكْ الْيَوْم أَشَانْ إِنْتَ شِلْت صَنْدُوقْ اللّٰهْ الرَّبّ قِدَّامْ أَبُويِ دَاوُدْ وَ إِنْتَ تِعِبْت مَعَايَهْ فِي كُلَّ ضِيقْتَهْ.»

إرْمِيا 1:1

دَاهُو كَلَامْ إِرْمِيَا وِلَيْد حِلْقِيَّا وَاحِدْ مِنْ رُجَالْ الدِّينْ السَّاكْنِينْ فِي حِلَّةْ عَنَتُوتْ، فِي أَرْض قَبِيلَةْ بَنْيَامِينْ.

إرْمِيا 32:25

يَا اللّٰهْ رَبِّي، إِنْتَ بَسْ الْقُلْت لَيِّ: ‹أَشْرِي الْأَرْض وَ أَوْزِنْ الْفُضَّةْ وَ نَادِي الشُّهُودْ.› وَ هَسَّعْ، شِيفْ! الْمَدِينَةْ دِي، عَسْكَرْ الْبَابِلْ قَاعِدِينْ يِشِيلُوهَا!»

إرْمِيا 37:12

إِرْمِيَا دَوَّرْ يَمْرُقْ مِنْ مَدِينَةْ الْقُدُسْ لِيَمْشِي أَرْض قَبِيلَةْ بَنْيَامِينْ. وَ هِنَاكْ يَلْقَى أَرْض وَرَثَتَهْ فِي أُسُطْ عَايِلْتَهْ.

حِزْقِيال 12:7

وَ خَلَاصْ، أَنَا سَوَّيْت مِثِلْ اللّٰهْ أَمَرَانِي. بِنَهَارْ، مَرَقْت خُمَامِي مِنْ بَيْتِي وَ دَا مِثِلْ خُمَامِي الْيِوَدُّونِي بَيَّهْ فِي الْغُرْبَةْ. وَ بِمَغْرِبْ، قَدَّيْت الدُّرْدُرْ بِإِيدِي وَ مَرَقْت خُمَامِي فِي الضَّلَامْ وَ شِلْتَهْ فِي كِتْفِي. وَ أَنَا سَوَّيْت كُلَّ الْمَثَلْ دَا قِدَّامْهُمْ.