إرْمِيا 32:5 - الكتاب المقدس بالعربي الدارجي هنا تشاد

⁵ وَ مَلِكْ بَابِلْ يِوَدِّيهْ لِصِدْقِيَّا فِي بَابِلْ وَ هُو يَقْعُدْ هِنَاكْ لَحَدِّي أَنَا نِفَكِّرْ فَوْقَهْ. وَ دَا كَلَامْ اللّٰهْ. وَ كَنْ تُقُمُّوا تِحَارُبُوا مَلِكْ بَابِلْ كُلَ، أَبَداً مَا تَقْدَرَوْا تِنَّصُرُوا.“›»

إرْمِيا 32:5 Referenca të Kryqëzuara

حِزْقِيال 17:15

«‹وَ لَاكِنْ الْمَلِكْ دَا أَتْمَرَّدْ ضِدّ مَلِكْ بَابِلْ. هُو رَسَّلْ نَاسَهْ لِمَصِرْ أَشَانْ يَنْطُوهْ خَيْل وَ عَسْكَرْ كَتِيرِينْ. هَلْ مَلِكْ مِثِلْ دَا يَنْجَحْ وَلَّا؟ هَلْ نَادُمْ السَّوَّى مُؤآمَرَةْ مِثِلْ دِي يَنْجَى وَلَّا؟ هَلْ هُو النَّقَضْ الْعَلَاقَةْ دِي يَنْجَى وَلَّا؟

إرْمِيا 39:7

وَ بَعَدْ دَا، هُو قَدَّدْ عُيُونْ صِدْقِيَّا وَ جَنْزَرَهْ بِجِنْزِيرْ هَنَا نَحَاسْ مَطْبُوقْ لِيِوَدِّيهْ فِي بَابِلْ.

إرْمِيا 33:5

«وَكِتْ يِحَارُبُوا الْبَابِلِيِّينْ، الْبُيُوتْ دَوْل يِنْمَلُوا بِجَنَازَاتْ الشَّعَبْ الْأَنَا كَتَلْتُهُمْ فِي زَعَلِي وَ غَضَبِي. وَ أَنَا بَتَّانْ مَا نِوَجِّهْ عَلَيْ الْمَدِينَةْ دِي وَ دَا بِسَبَبْ كُلَّ فَسَالَةْ شَعَبْهَا.

إرْمِيا 27:22

«الْمُعِدَّاتْ دَوْل يِوَدُّوهُمْ فِي بَابِلْ وَ هُمَّنْ يَقْعُدُوا هِنَاكْ لَحَدِّي الْيَوْم الْأَنَا نُقُمّ وَ نِشِيلْهُمْ مِنْ هِنَاكْ وَ نِقَبِّلْهُمْ هِنِي فِي الْبَكَانْ دَا.» وَ دَا كَلَامْ اللّٰهْ.

حِزْقِيال 12:13

وَ أَنَا نُكُجّ لَيَّهْ شَرَكِي وَ هُو يَقَعْ فَوْقَهْ وَ نَكُرْبَهْ وَ نِوَدِّيهْ فِي بَلَدْ الْبَابِلِيِّيْن وَ لَاكِنْ هُو مَا يِشِيفْهَا. وَ يُمُوتْ فَوْقهَا.

إرْمِيا 37:10

حَتَّى كَنْ نَصَرْتُوا فِي كُلَّ دَيْش الْبَابِلِيِّينْ الْقَاعِدِينْ يِحَارُبُوكُو كُلَ، كَنْ فَضَّلَوْا مِنْهُمْ إِلَّا رُجَالْ مَجْرُوحِينْ وَ رَاقْدِينْ فِي خِيَمْهُمْ كُلَ، هُمَّنْ يُقُمُّوا وَ يِحَرُّقُوا الْمَدِينَةْ دِي.“›»

إرْمِيا 2:37

وَ مِنْ مَصِرْ هِنَاكْ كُلَ، تَمُرْقُوا رُوسَيْكُو مُدَنْقِرِينْ. أَيْوَى، أَنَا اللّٰهْ رَفَضْت الْإِنْتُو تِتْوَكَّلَوْا عَلَيْهُمْ وَ بَيْدَا، مَعَاهُمْ مَا تَنْجَحَوْا.»

أمْثال 21:30

كُلَّ الْحِكْمَةْ وَ الْوَصِيَّةْ وَ الْفِهِمْ الْإِنْسَانِي مَا عِنْدَهْ قِيمَةْ قِدَّامْ اللّٰهْ.

2 أخبار 24:20

وَ رُوحْ اللّٰهْ نَزَلْ فِي زَكَرِيَّا وِلَيْد يَهُويَدَعْ رَاجِلْ الدِّينْ. وَ هُو وَقَفْ قِدَّامْ الشَّعَبْ وَ قَالْ: «دَاهُو الرَّبّ قَالْ: ‹مَالَا عِصِيتُوا وَصِيَّاتِي؟ إِنْتُو مَا تَنْجَحَوْا أَشَانْ أَبَيْتُونِي أَنَا اللّٰهْ وَ هَسَّعْ أَنَا كُلَ نَابَاكُو.›»

2 أخبار 13:12

شِيفُوا! اللّٰهْ وَ رُجَالْ الدِّينْ هِنَيْه قَاعِدِينْ مَعَانَا وَ عِنْدِنَا الْبُرُنْجِي النَّضُرْبُوهْ لِحَرَكَةْ الْحَرِبْ ضِدُّكُو. يَا نَاسْ مَمْلَكَةْ إِسْرَائِيلْ، مَا تِحَارُبُوا اللّٰهْ رَبّ جُدُودْكُو أَشَانْ إِنْتُو مَا تَنْجَحَوْا!»

عَدد 14:41

وَ لَاكِنْ مُوسَى قَالْ: «مَالَا تِخَالُفُوا كَلَامْ اللّٰهْ؟ شُغُلْكُو دَا، بَتَّانْ مَا يَنْجَحْ.

إرْمِيا 32:6

وَ إِرْمِيَا قَالْ: «اللّٰهْ حَجَّى لَيِّ وَ قَالْ:

إرْمِيا 32:24

وَ هَسَّعْ، عَسْكَرْ بَابِلْ سَوَّوْا رَدْمِيَّةْ الْيِحَاصُرُوا بَيْهَا الْمَدِينَةْ وَ يِشِيلُوهَا. هُمَّنْ يِحَارُبُوهَا أَشَانْ الْحَرِبْ وَ الْجُوعْ وَ الْوَبَاءْ الْإِنْتَ قَرَّرْتُهُمْ جَوْا فَوْقهَا خَلَاصْ. وَ إِنْتَ قَاعِدْ تِشِيفْ الشَّيّءْ دَا.

إرْمِيا 39:5

وَ لَاكِنْ عَسْكَرْ بَابِلْ طَرَدَوْه لِصِدْقِيَّا وَ لِحْقَوْه وَ كَرَبَوْه فِي كَدَادَةْ أَرِيحَا. وَ هُمَّنْ جَابَوْه فِي حِلَّةْ رِبْلَةْ فِي بَلَدْ حَمَاتْ قِدَّامْ نَبُوخَدْنَصَرْ مَلِكْ بَابِلْ. وَ فِي الْبَكَانْ دَا، حَاكَمَهْ.

مَراثِي إرْمِيا 1:14

هُو ذَاتَهْ شَالْ ذُنُوبِي وَ سَوَّاهُمْ مِثِلْ دَامِي. وَ رَبَطَاهُمْ لَيِّ فِي رَقَبَتِي وَ بَيْدَا، وَدَّرْت قُدُرْتِي. وَ الرَّبّ سَلَّمَانِي لِإِيدْ عُدْوَانِي وَ مَا نَقْدَرْ نُقُمّ مِنْ تِحِتْهُمْ.

حِزْقِيال 12:12

«الْمَلِكْ هَنَا مَدِينَةْ الْقُدُسْ يِشِيلْ خُمَامَهْ فِي كِتْفَهْ وَ يَمْرُقْ فِي الضَّلَامْ بِالْخُرْمَةْ الْيِقِدُّوهَا فِي الدُّرْدُرْ. وَ هُو يِغَطِّي وِجْهَهْ لِمَا يِشِيفْ الْبَلَدْ.

إرْمِيا 39:4

وَ مِنْ شَافَوْا النَّاسْ دَوْل، صِدْقِيَّا مَلِكْ يَهُوذَا وَ كُلَّ عَسْكَرَهْ مَرَقَوْا وَ عَرَّدَوْا مِنْ الْمَدِينَةْ بِاللَّيْل. وَ دَا بِدَرِبْ جِنَيْنَةْ الْمَلِكْ بِالْبَابْ الْقَاعِدْ أَمْبَيْن الدَّرَادِرْ الْإِتْنَيْن هَنَا الدِّفَاعْ. وَ هُمَّنْ مَرَقَوْا بِالدَّرِبْ الْمَاشِي عَلَيْ وَادِي الْأُرْدُنْ.