إرْمِيا 32:35 - الكتاب المقدس بالعربي الدارجي هنا تشاد

³⁵ وَ فِي وَادِي بَنِي هِنُّومْ بَنَوْا مَدْبَحْ لِبَعَلْ لِيِحَرُّقُوا فَوْقَهْ أَوْلَادْهُمْ وَ بَنَاتْهُمْ لِإِلٰـهُّمْ مُولَكْ. وَ دَا أَنَا مَا أَمَرْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ. وَ بِالْمُحَرَّمَاتْ دَوْل، لَزَّوْا بَنِي يَهُوذَا فِي الذَّنِبْ.»

إرْمِيا 32:35 Referenca të Kryqëzuara

إرْمِيا 7:31

وَ فِي وَادِي بَنِي هِنُّومْ فِي تُوفَةْ بَنَوْا مَدْبَحْ لِيِحَرُّقُوا فَوْقَهْ أَوْلَادْهُمْ وَ بَنَاتْهُمْ. وَ دَا فِكِرْ هَنَا شُنُو! أَنَا مَا أَمَرْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ.»

لاوِيِّين 18:21

«مَا تَنْطِي وَاحِدْ مِنْ عِيَالَكْ لِيِقَدُّمُوهْ فِي النَّارْ لِصَنَمْ مُولَكْ وَ بِمِثِلْ دَا، مَا تِحْتَرِمْ أُسُمْ اللّٰهْ إِلٰـهَكْ. وَ أَنَا بَسْ اللّٰهْ.

2 أخبار 33:6

وَ مَنَسَّى ذَاتَهْ حَرَّقْ أَوْلَادَهْ فِي النَّارْ لِلْأَصْنَامْ فِي وَادِي بَنِي هِنُّومْ. وَ مَشَى لِلشَّدَّارَى وَ الشَّوَّافِينْ وَ السَّحَّارِينْ وَ النَّاسْ الْيِكَلُّمُوا مَعَ الْمَيْتِينْ وَ الْجَنَّانِيِّينْ. وَ قَاعِدْ يِغَضِّبْ اللّٰهْ زِيَادَةْ بِالْفَسَالَةْ الْهُو سَوَّاهَا.

2 مُلوك 23:10

وَ بَتَّانْ الْمَلِكْ نَجَّسْ الْمَحْرَقْ هَنَا تُوفَةْ الْقَاعِدْ فِي وَادِي بَنِي هِنُّومْ أَشَانْ بَتَّانْ نَادُمْ مَا يِحَرِّقْ وِلَيْدَهْ وَ لَا بِنَيِّتَهْ فِي النَّارْ لِإِلٰـهْ مُولَكْ.

1 مُلوك 16:19

وَ دَا بِقِي أَشَانْ ذُنُوبَهْ وَكِتْ سَوَّى الْفَسَالَةْ قِدَّامْ اللّٰهْ. وَ هُو تَابَعْ كُلَّ الْفَسَالَةْ السَّوَّاهَا يَرُبَعَامْ اللَّزَّ نَاسْ مَمْلَكَةْ إِسْرَائِيلْ فِي الذُّنُوبْ.

حِزْقِيال 23:37

أَشَانْ هِنَّ زَنَنْ وَ كَتَلَنْ دِمَّةْ. وَ هِنَّ سَوَّنْ زِنَى مَعَ أَصْنَامْهِنْ وَ عِيَالْهِنْ الْوِلْدَنْهُمْ لَيِّ، قَدَّمَنْهُمْ ضَحِيَّةْ مُحَرَّقَةْ لِلْأَصْنَامْ لِيَاكُلُوهُمْ.

إشَعْيا 57:5

شَهْوِتْكُو لِأَصْنَامْكُو تَكْرُبْكُو جَنْب شَدَرْ الْبَلُّوطْ وَ تِحِتْ أَيِّ شَدَرَةْ خَضْرَةْ. إِنْتُو تَدْبَحَوْا لَيْهُمْ عِيَالْ فِي الْوُدْيَانْ وَ فِي شُقُوقْ الْجِبَالْ.

2 أخبار 33:9

وَ لَاكِنْ مَنَسَّى لَزَّاهُمْ لِنَاسْ بَلَدْ يَهُوذَا وَ سُكَّانْ مَدِينَةْ الْقُدُسْ لِيِسَوُّوا الْفَسَالَةْ زِيَادَةْ مِنْ الْأُمَمْ الدَّمَّرَاهُمْ اللّٰهْ قِدَّامْ بَنِي إِسْرَائِيلْ.

2 مُلوك 23:15

وَ بَتَّانْ الْمَلِكْ هَدَّمْ الْمَدْبَحْ الْفِي بَيْت إِيلْ وَ دَا الْبَكَانْ الْعَالِي الْبَنَاهْ يَرُبَعَامْ وِلَيْد نَبَاتْ اللَّزَّ نَاسْ مَمْلَكَةْ إِسْرَائِيلْ فِي الذُّنُوبْ. وَ يُوشِيَّا هَدَّمْ الْمَدْبَحْ دَا وَ الْبَكَانْ الْعَالِي هَنَا الْعِبَادَةْ. وَ حَرَّقْ الْبَكَانْ الْعَالِي وَ رِحِكَهْ بِقِي رُمَادْ وَ تَشَّ الْعُودْ الْغَزَّوْه لِعِبَادَةْ أَشِيرَةْ.

2 مُلوك 21:11

«مَنَسَّى مَلِكْ مَمْلَكَةْ يَهُوذَا سَوَّى الْمُحَرَّمَاتْ وَ الْفَسَالَةْ زِيَادَةْ مِنْ كُلَّ شَيّءْ السَّوَّوْه الْأَمُورِيِّينْ قَبْلَهْ. وَ بِعِبَادَةْ أَصْنَامَهْ، هُو لَزَّ نَاسْ مَمْلَكَةْ يَهُوذَا كُلَ فِي الذُّنُوبْ.»

2 مُلوك 3:3

وَ هُو أَنْرَبَطْ فِي الذُّنُوبْ السَّوَّاهُمْ يَرُبَعَامْ وِلَيْد نَبَاتْ اللَّزَّ نَاسْ مَمْلَكَةْ إِسْرَائِيلْ فِي الذُّنُوبْ. يُورَامْ كُلَ مَا خَلَّى مِنَّهْ الذُّنُوبْ دَوْل.

1 مُلوك 21:22

وَ نِسَوِّي عَايِلْتَكْ تَبْقَى مِثِلْ عَايِلَةْ يَرُبَعَامْ وِلَيْد نَبَاتْ وَ مِثِلْ عَايِلَةْ بَعَاشَى وِلَيْد أَخِيَّا فِي شَانْ الْغَضَبْ الْغَضَّبْتِنِي وَ لَزَّيْت نَاسْ مَمْلَكَةْ إِسْرَائِيلْ فِي الذُّنُوبْ.›

1 مُلوك 15:30

وَ كُلَّ الشَّيّءْ دَا بِقِي أَشَانْ الذُّنُوبْ الْيَرُبَعَامْ سَوَّاهُمْ. وَ لَزَّ نَاسْ مَمْلَكَةْ إِسْرَائِيلْ فِي الذُّنُوبْ وَ غَضَّبَوْا اللّٰهْ إِلٰـهْ بَنِي إِسْرَائِيلْ.

1 مُلوك 15:26

وَ نَدَابْ سَوَّى الْفَسَالَةْ قِدَّامْ اللّٰهْ. هُو تَابَعْ دَرِبْ أَبُوهْ اللَّزَّ نَاسْ مَمْلَكَةْ إِسْرَائِيلْ فِي الذُّنُوبْ.

1 مُلوك 14:16

وَ اللّٰهْ يَابَاهُمْ لِبَنِي إِسْرَائِيلْ بِسَبَبْ الذَّنِبْ الْيَرُبَعَامْ سَوَّاهْ، هُو اللَّزَّ نَاسْ مَمْلَكَةْ إِسْرَائِيلْ فِي الذُّنُوبْ.»

1 مُلوك 11:33

وَ نِسَوِّي مِثِلْ دَا أَشَانْ هُمَّنْ أَبَوْنِي وَ سَجَدَوْا لِعَشْتَرُوتْ إِلٰـهَةْ نَاسْ بَلَدْ صَيْدَا وَ لِكَمُوشْ صَنَمْ نَاسْ بَلَدْ مُوَابْ وَ لِمِلْكُومْ صَنَمْ بَنِي عَمُّونْ. وَ هُمَّنْ مَا تَابَعَوْا دَرْبِي وَ لَا سَوَّوْا الْعَدِيلْ قِدَّامِي وَ لَا طَبَّقَوْا شُرُوطِي وَ قَوَانِينِي مِثِلْ دَاوُدْ أَبُو سُلَيْمَانْ.

تَثْنِية 24:4

كَنْ الرَّاجِلْ الْآخَرْ طَلَّقْهَا وَلَّا مَاتْ كُلَ، رَاجِلْهَا الْأَوَّلْ طَلَّقْهَا دَا، بَتَّانْ مَا يِقَبِّلْهَا بَعَدْ هِي أَنَّجَّسَتْ. أَشَانْ دَا شَيّءْ اللّٰهْ حَرَّمَهْ وَ بَيْدَا، إِنْتُو مَا تِجِيبُوا ذَنِبْ فِي الْبَلَدْ الْاللّٰهْ إِلٰـهْكُو يَنْطِيهَا لَيْكُو وَرَثَةْ.

تَثْنِية 18:10

وَ خَلِّي مَا يِنْلَقِي فِي أُسُطْكُو نَادُمْ الْيِحَرِّقْ بِنْتَهْ أَوْ وَلَدَهْ فِي النَّارْ لِلْأَصْنَامْ وَ لَا شَوَّافِي وَ لَا الْيِحَجِّي بِعِلِمْ الْغَيْب وَ لَا مُنَجِّمْ وَ لَا سَحَّارِي

خُروج 32:21

وَ مُوسَى قَالْ لِهَارُونْ: «الشَّعَبْ دَوْل سَوَّوْا لَيْك شُنُو لَحَدِّي تِجِيبْهُمْ لِذَنِبْ كَبِيرْ مِثِلْ دَا؟»

أعمال الرُسُل 7:43

لَا، أَبَداً! فِي الصَّحَرَاءْ، إِنْتُو شَايْلِينْ خَيْمَةْ الْعِبَادَةْ هَنَا مُولَكْ وَ شَايْلِينْ إِلٰـهْكُو نَجْمَةْ رَفَانْ. دَوْل الْأَصْنَامْ الصَّنَعْتُوهُمْ أَشَانْ تَسْجُدُوا لَيْهُمْ. وَ بِسَبَبْ دَا، نِوَدِّيكُو فِي الْغُرْبَةْ غَادِي لِبَلَدْ بَابِلْ.>

تَثْنِية 12:31

وَ إِنْتُو مَا تِسَوُّوا مِثِلْ دَا لِلّٰهْ إِلٰـهْكُو، أَشَانْ الْأُمَمْ دَوْل يِسَوُّوا لِإِلٰـهَاتْهُمْ كُلَّ شَيّءْ حَرَامْ الْيَكْرَهَهْ اللّٰهْ لَحَدِّي هُمَّنْ يِحَرُّقُوا أَوْلَادْهُمْ وَ بَنَاتْهُمْ فِي النَّارْ لِإِلٰـهَاتْهُمْ.

1 مُلوك 11:7

وَ فِي الْوَكِتْ دَا، سُلَيْمَانْ عَدَّلْ بَكَانْ عَالِي فِي رَاسْ الْجَبَلْ الْمُقَابِلْ مَدِينَةْ الْقُدُسْ لِكَمُوشْ الصَّنَمْ الْمُحَرَّمْ هَنَا نَاسْ مُوَابْ وَ لِمُولَكْ الصَّنَمْ الْمُحَرَّمْ هَنَا بَنِي عَمُّونْ.

إرْمِيا 7:30

وَ دَاهُو كَلَامْ اللّٰهْ: «بَنِي يَهُوذَا قَاعِدِينْ يِسَوُّوا الْفَسِلْ قِدَّامِي وَ يِجِيبُوا مُحَرَّمَاتْهُمْ فِي بَيْتِي الْفَوْقَهْ أُسْمِي وَ يِنَجُّسُوهْ.

إرْمِيا 19:2

وَ أَمْشِي مَعَاهُمْ عَلَيْ وَادِي بَنِي هِنُّومْ فِي خَشُمْ بَابْ الشِّقَفْ وَ هِنَاكْ بَلِّغْ بِالْكَلَامْ الْأَنَا نُقُولَهْ لَيْك.

إرْمِيا 44:4

أَنَا رَسَّلْت لَيْهُمْ دَايْماً عَبِيدِي الْأَنْبِيَاء وَ بِوَاسِطَةْ الْأَنْبِيَاء دَوْل أَنَا قُلْت لَيْهُمْ: ‹مَا تِسَوُّوا الْحَرَامْ دَا أَشَانْ أَنَا نَكْرَهَهْ.›

2 مُلوك 21:4

وَ بَنَى لَيْهُمْ مَدَابِحْ فِي لُبّ بَيْت اللّٰهْ وَ دَا الْبَكَانْ الْاللّٰهْ قَالْ فَوْقَهْ: «فِي مَدِينَةْ الْقُدُسْ بَسْ، نُخُطّ أُسْمِي.»

2 أخبار 36:14

وَ زِيَادَةْ مِنْ دَا، كُلَّ كُبَارَاتْ رُجَالْ الدِّينْ وَ كُبَارَاتْ الشَّعَبْ عِصَوْا مَرَّةْ وَاحِدْ. سَوَّوْا نَفْس الْمُحَرَّمَاتْ السَّوَّوْهُمْ الْأُمَمْ الْآخَرِينْ وَ نَجَّسَوْا بَيْت اللّٰهْ الْهُو قَدَّسَهْ فِي مَدِينَةْ الْقُدُسْ.

إرْمِيا 30:14

كُلَّ صُدْقَانْكِ يَنْسَوْكِ، هُمَّنْ مَا يِهِمُّوا بَيْكِ. أَنَا ضَرَبْتِكِ ضَرْبَةْ عَدُو وَ عَاقَبْتِكِ بَلَا رَحْمَةْ. وَ دَا، فِي شَانْ خَطَاكِ الْكَتِيرْ وَ ذَنِبْكِ الْمَا عِنْدَهْ حَدّ.