إرْمِيا 32:32 - الكتاب المقدس بالعربي الدارجي هنا تشاد

³² وَ بَنِي إِسْرَائِيلْ وَ بَنِي يَهُوذَا غَضَّبَوْنِي بِسَبَبْ الْعَمَلْ الْفَسِلْ الْقَاعِدِينْ يِسَوُّوهْ، هُمَّنْ وَ مُلُوكْهُمْ وَ كُبَارَاتْهُمْ وَ رُجَالْ دِينْهُمْ وَ أَنْبِيَائْهُمْ وَ كُلَّ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ.

إرْمِيا 32:32 Referenca të Kryqëzuara

دَنْيال 9:8

أَيْوَى، يَا اللّٰهْ، الْعَيْب فَوْقنَا أَنِحْنَ وَ فَوْق مُلُوكْنَا وَ كُبَارَاتْنَا وَ جُدُودْنَا أَشَانْ أَنِحْنَ أَذْنَبْنَا قِدَّامَكْ.

إرْمِيا 2:26

وَ اللّٰهْ قَالْ: «إِنْتُو يَا بَنِي إِسْرَائِيلْ، الْعَيْب يَكْرُبْكُو، إِنْتُو وَ مُلُوكُّو وَ كُبَارَاتْكُو وَ رُجَالْ دِينْكُو وَ أَنْبِيَائْكُو، مِثِلْ عَيْب السَّرَّاقْ الْكَرَبَوْه قَاعِدْ يَسْرِقْ.

إشَعْيا 1:23

مَسَائِيلْكِ بِقَوْا حَرَامِيِّينْ وَ مُنْرَبِطِينْ مَعَ السَّرَارِيقْ. وَ يِحِبُّوا الرَّشْوَةْ وَ يَجْرُوا وَرَاءْ الْفَايْدَةْ. هُمَّنْ مَا يِدَافُعُوا لِحُقُوقْ الْأَتِيمْ وَ مَا لَمَّاهُمْ بِشَكْوَةْ الْأَرْمَلَةْ.

عَزْرا 9:7

وَ مِنْ وَكِتْ جُدُودْنَا لَحَدِّي الْيَوْم، خَطَايَانَا بِقَوْا زِيَادَةْ. وَ فِي شَانْ ذُنُوبْنَا، أَنِحْنَ وَ مُلُوكْنَا وَ رُجَالْ دِينَّا، سَلَّمَوْنَا فِي إِيدَيْن مُلُوكْ هَنَا شُعُوبْ آخَرِينْ. وَ هُمَّنْ كَتَلَوْنَا بِالْسَّيْف وَ كَرَبَوْنَا وَ بِقِينَا غَنِيمَةْ وَ عَيَّبَوْنَا مِثِلْ الْيَوْم.

دَنْيال 9:6

وَ مَا سِمِعْنَا كَلَامْ عَبِيدَكْ الْأَنْبِيَاء. هُمَّنْ كَلَّمَوْا بِأُسْمَكْ لِمُلُوكْنَا وَ كُبَارَاتْنَا وَ جُدُودْنَا وَ كُلَّ شَعَبْ بَلَدْنَا.

حِزْقِيال 22:6

«‹”يَا مَدِينَةْ الْقُدُسْ، دَاهُو مُلُوكْ بَنِي إِسْرَائِيلْ الْفِي لُبِّكِ، أَيِّ وَاحِدْ يَكْتُلْ دِمَّةْ حَسَبْ قُدُرْتَهْ.

إرْمِيا 44:17

وَ أَكِيدْ أَنِحْنَ نِطَبُّقُوا كُلَّ الْكَلَامْ الْمَرَقْ مِنْ خَشُمْنَا. وَ نِحَرُّقُوا بَخُورْ وَ نِقَدُّمُوا هَدِيَّةْ شَرَابْ لِإِلٰـهْنَا مَلِكَةْ السَّمَاءْ مِثِلْ أَوَّلْ أَنِحْنَ سَوَّيْنَاهْ، أَنِحْنَ وَ جُدُودْنَا وَ مُلُوكْنَا وَ كُبَارَاتْنَا فِي حِلَّالْ بَلَدْ يَهُوذَا وَ فِي شَوَارِعْ مَدِينَةْ الْقُدُسْ. وَ خَلَاصْ فِي الْوَكِتْ دَاكْ، أَنِحْنَ شِبِعْنَا وَ عِشْنَا فِي الرَّاحَةْ وَ أَبَداً مَا شِفْنَا تَعَبْ.

إرْمِيا 44:21

«الْبَخُورْ الْأَوَّلْ إِنْتُو حَرَّقْتُوهْ فِي حِلَّالْ بَلَدْ يَهُوذَا وَ فِي شَوَارِعْ مَدِينَةْ الْقُدُسْ، إِنْتُو وَ جُدُودْكُو وَ مُلُوكُّو وَ كُبَارَاتْكُو وَ شَعَبْ الْبَلَدْ، تَحْسُبُوا اللّٰهْ مَا شَافَهْ وَ مَا فَكَّرْ فَوْقَهْ وَلَّا؟

دَنْيال 9:16

يَا رَبّ، إِنْتَ عَادِلْ. وَ أَشَانْ دَا، مَا تِنَزِّلْ غَضَبَكْ الشَّدِيدْ فِي جَبَلَكْ الْمُقَدَّسْ الْفَوْقَهْ مَدِينْتَكْ. أَشَانْ بِسَبَبْ ذُنُوبْنَا وَ الْخَطَايَا السَّوَّوْهُمْ جُدُودْنَا، دَاهُو النَّاسْ الْحَوَالَيْنَا قَاعِدِينْ يِشَّمَّتَوْا لِمَدِينَةْ الْقُدُسْ وَ لَيْنَا أَنِحْنَ شَعَبَكْ.

إشَعْيا 22:1

مُحَاكَمَةْ فِي وَادِي الرُّؤْيَةْ. يَا مَدِينَةْ الْقُدُسْ، مَالَا كُلَّ شَعَبْكِ طَلَعَوْا فِي رُوسَيْ الْبُيُوتْ؟

إرْمِيا 7:17

إِنْتَ مَا قَاعِدْ تِشِيفْ الشَّيّءْ الْقَاعِدِينْ يِسَوُّوهْ فِي حِلَّالْ بَلَدْ يَهُوذَا وَ شَوَارِعْ مَدِينَةْ الْقُدُسْ وَلَّا؟

دَنْيال 9:7

إِنْتَ عَادِلْ، يَا رَبّ، وَ الْيَوْم الْعَيْب فَوْقنَا أَنِحْنَ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ وَ كُلَّ بَنِي إِسْرَائِيلْ الْقَاعِدِينْ وَ الْمُشَتَّتِينْ فِي كُلَّ الْبُلْدَانْ. إِنْتَ طَرَدْتُهُمْ وَ وَدَّيْتهُمْ فِي الْبُلْدَانْ دَوْل بِسَبَبْ عِصْيَانْهُمْ لَيْك.