إرْمِيا 32:31 - الكتاب المقدس بالعربي الدارجي هنا تشاد

³¹ وَ الْمَدِينَةْ دِي قَاعِدَةْ تِغَضِّبْنِي وَ تِزَعِّلْنِي مِنْ أَسَّسَوْهَا لَحَدِّي الْيَوْم. وَ بَيْدَا، نُقُشَّهَا مِنْ قِدَّامِي.

إرْمِيا 32:31 Referenca të Kryqëzuara

2 مُلوك 23:27

وَ اللّٰهْ قَالْ: «نِبَعِّدْ مِنْ قِدَّامِي مَمْلَكَةْ يَهُوذَا مِثِلْ بَعَّدْت مَمْلَكَةْ إِسْرَائِيلْ. وَ نِخَلِّي مِنِّي مَدِينَةْ الْقُدُسْ الْمَدِينَةْ الْأَنَا عَزَلْتَهَا وَ الْبَيْت الْأَنَا قُلْت فَوْقَهْ: ‹دَا بَسْ الْبَكَانْ النُّخُطّ فَوْقَهْ أُسْمِي.›»

مَتَّى 23:37

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ جِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

إرْمِيا 27:10

وَ لَاكِنْ يِتْنَبَّأَوْا لَيْكُو بِكِدِبْ! وَ كَنْ تَسْمَعَوْا كَلَامْهُمْ، أَنَا نَطْرُدْكُو بَعِيدْ مِنْ أَرْضُكُو وَ نِدَمِّرْكُو.

2 مُلوك 21:16

وَ مَنَسَّى كُلَ دَفَّقْ دَمّ هَنَا نَاسْ بَرِيِّينْ لَحَدِّي دَمُّهُمْ مَلَا كُلَّ مَدِينَةْ الْقُدُسْ مِنْ طَرَفْهَا لِطَرَفْهَا. وَ دَا بَلَا الذَّنِبْ الْهُو لَزَّ فَوْقَهْ نَاسْ مَمْلَكَةْ يَهُوذَا وَ هُمَّنْ سَوَّوْا الْفَسَالَةْ قِدَّامْ اللّٰهْ.

مَراثِي إرْمِيا 1:8

مَدِينَةْ الْقُدُسْ أَذْنَبَتْ وَ بَيْدَا، نَجَّسَتْ نَفِسْهَا. وَ كُلَّ النَّاسْ الزَّمَانْ كَرَّمَوْهَا، هَسَّعْ نَكَرَوْهَا أَشَانْ شَافَوْا عِرَيْهَا. وَ لَاكِنْ هِي قَاعِدَةْ تَقْنِتْ وَ تَنْطِيهُمْ ضَهَرْهَا.

2 مُلوك 23:15

وَ بَتَّانْ الْمَلِكْ هَدَّمْ الْمَدْبَحْ الْفِي بَيْت إِيلْ وَ دَا الْبَكَانْ الْعَالِي الْبَنَاهْ يَرُبَعَامْ وِلَيْد نَبَاتْ اللَّزَّ نَاسْ مَمْلَكَةْ إِسْرَائِيلْ فِي الذُّنُوبْ. وَ يُوشِيَّا هَدَّمْ الْمَدْبَحْ دَا وَ الْبَكَانْ الْعَالِي هَنَا الْعِبَادَةْ. وَ حَرَّقْ الْبَكَانْ الْعَالِي وَ رِحِكَهْ بِقِي رُمَادْ وَ تَشَّ الْعُودْ الْغَزَّوْه لِعِبَادَةْ أَشِيرَةْ.

دَنْيال 9:16

يَا رَبّ، إِنْتَ عَادِلْ. وَ أَشَانْ دَا، مَا تِنَزِّلْ غَضَبَكْ الشَّدِيدْ فِي جَبَلَكْ الْمُقَدَّسْ الْفَوْقَهْ مَدِينْتَكْ. أَشَانْ بِسَبَبْ ذُنُوبْنَا وَ الْخَطَايَا السَّوَّوْهُمْ جُدُودْنَا، دَاهُو النَّاسْ الْحَوَالَيْنَا قَاعِدِينْ يِشَّمَّتَوْا لِمَدِينَةْ الْقُدُسْ وَ لَيْنَا أَنِحْنَ شَعَبَكْ.

إرْمِيا 23:39

‹إِنْتُو بَسْ التَّقَلَةْ. وَ أَكِيدْ أَنَا نِشِيلْكُو وَ نَزْقُلْكُو بَعِيدْ مِنِّي، إِنْتُو وَ الْمَدِينَةْ الْأَنْطَيْتهَا لَيْكُو إِنْتُو وَ لِجُدُودْكُو.