إرْمِيا 32:22 - الكتاب المقدس بالعربي الدارجي هنا تشاد

²² وَ أَنْطَيْتهُمْ الْبَلَدْ الْإِنْتَ حَلَفْت لِجُدُودْهُمْ وَ قُلْت تَنْطِيهَا وَ هِي الْبَلَدْ الْمَلَانَةْ بِاللَّبَنْ وَ الْعَسَلْ.

إرْمِيا 32:22 Referenca të Kryqëzuara

خُروج 13:5

اللّٰهْ حَلَفْ لِجُدُودْكُو وَ قَالْ يَنْطِيكُو بَلَدْ الْمَلَانَةْ بِاللَّبَنْ وَ الْعَسَلْ. وَ دِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْحِوِّيِّينْ وَ الْيَبُوسِيِّينْ. وَ وَكِتْ اللّٰهْ وَدَّاكُو هِنَاكْ، فِي كُلِّ سَنَةْ وَاجِبْ تِعَيُّدُوا فِي نَفْس الشَّهَرْ.

خُروج 3:8

أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

إرْمِيا 11:5

وَ خَلَاصْ بَيْدَا، أَنَا طَبَّقْت الْكَلَامْ الْحَلَفْت بَيَّهْ لِجُدُودْكُو وَ قُلْت نَنْطِيهُمْ الْبَلَدْ الْمَلَانَةْ بِاللَّبَنْ وَ الْعَسَلْ. دَاهُو إِنْتُو عَايْشِينْ فَوْقهَا الْيَوْم!›» وَ أَنَا إِرْمِيَا رَدَّيْت وَ قُلْت: «آمِينْ، يَا اللّٰهْ.»

تَثْنِية 1:8

دَاهُو أَنَا أَنْطَيْتكُو كُلَّ الْبَلَدْ دِي. أَمْشُوا وَ شِيلُوهَا! دِي الْبَلَدْ الْأَنَا اللّٰهْ حَلَفْت نَنْطِيهَا لِجُدُودْكُو إِبْرَاهِيمْ وَ إِسْحَاقْ وَ يَعْقُوبْ وَ لِذُرِّيِّتْهُمْ الْبَعَدْهُمْ.»

خُروج 3:17

وَ قَالْ يَمْرُقْكُو مِنْ مَصِرْ الْبَكَانْ الْقَاعِدِينْ تَتْعَبَوْا فَوْقَهْ. وَ يِوَدِّيكُو فِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ فِي الْبَلَدْ الْمَلَانَةْ بِاللَّبَنْ وَ الْعَسَلْ.›

حِزْقِيال 20:15

وَ لَاكِنْ أَنَا حَلَفْت لَيْهُمْ فِي الصَّحَرَاءْ كَدَرْ مَا نِوَدِّيهُمْ فِي الْبَلَدْ الْأَنَا عَزَلْتَهَا لَيْهُمْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ وَ جَمِيلَةْ مِنْ كُلَّ الْبُلْدَانْ.

حِزْقِيال 20:6

وَ فِي الْيَوْم دَا، أَنَا حَلَفْت لَيْهُمْ كَدَرْ نَمْرُقْهُمْ مِنْ بَلَدْ مَصِرْ وَ نِوَدِّيهُمْ عَلَيْ الْبَلَدْ الْأَنَا عَزَلْتَهَا لَيْهُمْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ وَ جَمِيلَةْ مِنْ كُلَّ الْبُلْدَانْ.

نَحَمْيا 9:15

وَ أَنْطَيْتهُمْ أَكِلْ مِنْ السَّمَاءْ وَكِتْ جِيعَانِينْ وَ مَرَقْت لَيْهُمْ أَلْمِي مِنْ الْحَجَرْ وَكِتْ عَطْشَانِينْ. وَ أَنْطَيْتهُمْ إِذِنْ أَشَانْ يَمْشُوا وَ يِشِيلُوا الْبَلَدْ الْحَلَفْت وَ قُلْت تَنْطِيهُمْ.

يَشُوع 21:43

وَ اللّٰهْ أَنْطَى بَنِي إِسْرَائِيلْ كُلَّ الْبَلَدْ الْهُو حَلَفْ لِجُدُودْهُمْ وَ قَالْ يَنْطِيهَا لَيْهُمْ. وَ هُمَّنْ شَالَوْهَا وَ قَعَدَوْا فَوْقهَا.

يَشُوع 1:6

أَبْقَى شَدِيدْ وَ فَحَلْ! أَشَانْ إِنْتَ بَسْ التِّوَدِّي الشَّعَبْ دَا فِي الْبَلَدْ الْأَنَا حَلَفْت لِجُدُودْهُمْ وَ قُلْت نَنْطِيهَا لَيْهُمْ.

تَثْنِية 8:1

وَ مُوسَى قَالْ: هَسَّعْ دَا، كُلَّ الْوَصَايَا النَّامُرْكُو بَيْهُمْ الْيَوْم، أَحْفَضَوْهُمْ وَ طَبُّقُوهُمْ. وَ دَا أَشَانْ تَحْيَوْا وَ تَبْقَوْا كَتِيرِينْ وَ اللّٰهْ يِوَدِّيكُو وَ تِشِيلُوا وَرَثَةْ الْبَلَدْ الْهُو حَلَفْ يَنْطِيهَا لِجُدُودْكُو.

تَثْنِية 7:13

وَ يِحِبُّكُو وَ يِبَارِكُّو وَ يِكَتِّرْكُو وَ يِبَارِكْ ذُرِّيِّتْكُو وَ إِنْتَاجْ أَرْضُكُو وَ قَمَحْكُو وَ خَمَرْكُو الْجَدِيدْ وَ دِهِنْكُو وَ وَالُودَةْ بَقَرْكُو وَ غَنَمْكُو فِي الْأَرْض الْحَلَفْ لِجُدُودْكُو وَ قَالْ يَنْطِيهَا لَيْكُو.

تَثْنِية 6:23

وَ مَرَقَانَا مِنْ الْبَكَانْ دَا وَ وَدَّانَا لِيَنْطِينَا الْبَلَدْ الْهُو حَلَفْ يَنْطِيهَا لِجُدُودْنَا.

تَثْنِية 6:18

وَ تِسَوُّوا الْعَدِيلْ وَ الزَّيْن قِدَّامْ اللّٰهْ. وَ دَا، أَشَانْ تَلْقَوْا الْخَيْر وَ تِشِيلُوا الْبَلَدْ الْعَدِيلَةْ الْفِي شَانْهَا اللّٰهْ حَلَفْ يَنْطِيهَا لِجُدُودْكُو.

تَثْنِية 6:10

وَ اللّٰهْ إِلٰـهْكُو يِوَدِّيكُو فِي الْبَلَدْ الْهُو حَلَفْ لِجُدُودْكُو إِبْرَاهِيمْ وَ إِسْحَاقْ وَ يَعْقُوبْ وَ قَالْ يَنْطِيهَا لَيْكُو، بِمُدُنْهَا الْكُبَارْ وَ عَدِيلِينْ الْإِنْتُو مَا بَنَيْتُوهُمْ.

تَثْنِية 1:35

«وَاحِدْ مِنْ الذُّرِّيَّةْ الْفَسْلَةْ دِي مَا يِشِيفْ الْبَلَدْ الْعَدِيلَةْ الْأَنَا وَاعَدْت وَ قُلْت نَنْطِيهَا لِجُدُودْهُمْ.

عَدد 14:30

أَبَداً إِنْتُو مَا تَدْخُلُوا فِي الْبَلَدْ الْحَلَفْت وَ قُلْت نَنْطِيهَا لَيْكُو لِتَسْكُنُوا فَوْقهَا. إِلَّا كَالِبْ وِلَيْد يَفُونَى وَ يَشُوعْ وِلَيْد نُونْ بَسْ يَدْخُلُوهَا.

عَدد 14:16

‹دَاهُو اللّٰهْ مَا قِدِرْ يِوَدِّي الشَّعَبْ فِي الْبَلَدْ الْهُو حَلَفْ وَ قَالْ يَنْطِيهَا لَيْهُمْ. أَشَانْ دَا، هُو دَمَّرَاهُمْ فِي الصَّحَرَاء.›

تكوين 50:24

وَ يَوْم وَاحِدْ، يُوسُفْ قَالْ لِأَخْوَانَهْ: «أَنَا قَرِيبْ نُمُوتْ لَاكِنْ أَكِيدْ الرَّبّ يِفَكِّرْ فَوْقكُو وَ يَمْرُقْكُو مِنْ مَصِرْ وَ يِوَدِّيكُو فِي الْبَلَدْ الْهُو حَلَفْ وَ قَالْ يَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ.»

تكوين 24:7

أَشَانْ اللّٰهْ رَبّ السَّمَاوَاتْ الْمَرَقَانِي مِنْ بَيْت أَبُويِ وَ مِنْ بَلَدْ عَايِلْتِي، هُو كَلَّمْ لَيِّ وَ حَلَفْ يَنْطِينِي الْبَلَدْ دِي لِذُرِّيّتِي. وَ اللّٰهْ الْحَجَّى لَيِّ دَا، يِرَسِّلْ مَلَكْ قِدَّامَكْ. وَ مِنْ هِنَاكْ بَسْ تَقْدَرْ تِجِيبْ مَرَةْ لِوِلَيْدِي.

تكوين 13:15

كُلَّ الْأَرْض التِّشِيفْهَا دِي، أَنَا نَنْطِيهَا لَيْك وَ لِذُرِّيّتَكْ إِلَى الْأَبَدْ.