إرْمِيا 32:21 - الكتاب المقدس بالعربي الدارجي هنا تشاد

²¹ وَ إِنْتَ مَرَقْت شَعَبَكْ بَنِي إِسْرَائِيلْ مِنْ بَلَدْ مَصِرْ بِعَلَامَاتْ وَ عَجَايِبْ وَ بِإِيدَكْ الشَّدِيدَةْ وَ بِدُرَاعَكْ الْقَوِي وَ بِرُعُبْ شَدِيدْ.

إرْمِيا 32:21 Referenca të Kryqëzuara

تَثْنِية 26:8

وَ اللّٰهْ مَرَقَانَا مِنْ بَلَدْ مَصِرْ بِإِيدْ شَدِيدَةْ وَ دُرَاعْ قَوِي وَ بِخَوْف شَدِيدْ وَ عَلَامَاتْ وَ عَجَايِبْ.

خُروج 6:6

فِي شَانْ دَا، قُولْ لِبَنِي إِسْرَائِيلْ: ‹أَنَا اللّٰهْ. نَمْرُقْكُو مِنْ الْعُبُودِيَّةْ وَ نِنَجِّيكُو مِنْ الْخِدْمَةْ الْقَاسِيَةْ هَنَا الْمَصْرِيِّينْ. وَ نَفْدَاكُو بِدُرَاعْ قَوِي وَ بِعِقَابْ عَجِيبْ.

زَبُور 105:43

هُو مَرَقْ شَعَبَهْ بِفَرَحْ وَ مَرَقْ الْعَزَّلَاهُمْ بِزَغْرَاطْ.

زَبُور 105:37

هُو مَرَقْ شَعَبَهْ إِيدَيْهُمْ مَلَانِينْ بِفُضَّةْ وَ دَهَبْ وَ مَا فِي نَادُمْ أَتَّرْتَعْ مِنْ قَبَايِلْهُمْ.

1 أخبار 17:21

فِيَّهْ أُمَّةْ فِي كُلَّ الْأَرْض مِثِلْ شَعَبَكْ بَنِي إِسْرَائِيلْ وَلَّا؟ يَا رَبّ، إِنْتَ فَدَيْتهُمْ وَ سَوَّيْتهُمْ شَعَبَكْ أَشَانْ أُسْمَكْ يَبْقَى عَالِي. وَ إِنْتَ سَوَّيْت عَجَايِبْ كُبَارْ الْبِخَوُّفُوا. وَ طَرَدْت الْأُمَمْ الْآخَرِينْ قِدَّامْ شَعَبَكْ الْإِنْتَ فَدَيْتهُمْ مِنْ بَلَدْ مَصِرْ.

1 مُلوك 8:42

أَشَانْ سِمِعْ يِحَجُّوا بِأُسْمَكْ الْمَجِيدْ وَ قُدُرْتَكْ الْعَظِيمَةْ وَ إِيدَكْ الْمَمْدُودَةْ. وَ كَنْ الْأَجْنَبِي دَا يَجِي يِقَدِّمْ صَلَاوَاتَهْ عَلَيْ الْبَيْت دَا،

تَثْنِية 4:34

وَ هَلْ فِي إِلٰـهْ آخَرْ الْجَرَّبْ يِشِيلْ لِنَفْسَهْ أُمَّةْ مِنْ أُسُطْ أُمَّةْ آخَرَةْ بِتَجْرِبَةْ أَوْ بِعَلَامَاتْ أَوْ بِعَجَايِبْ أَوْ بِحَرِبْ أَوْ بِإِيدْ شَدِيدَةْ أَوْ بِدُرَاعْ قَوِي أَوْ بِخَوْف شَدِيدْ مِثِلْ السَّوَّاهْ اللّٰهْ إِلٰـهْكُو فِي بَلَدْ مَصِرْ وَلَّا؟ وَ دَا إِنْتُو شِفْتُوهْ بِعُيُونْكُو.

خُروج 13:14

«وَ أَكُونْ عِيَالْكُو يَسْأَلَوْكُو وَ يُقُولُوا لَيْكُو: ‹مَالَا تِسَوُّوا الشَّيّءْ دَا؟› خَلَاصْ، رُدُّوا لَيْهُمْ وَ قُولُوا: ‹اللّٰهْ مَرَقَانَا بِقُدُرْتَهْ مِنْ مَصِرْ بَلَدْ الْعُبُودِيَّةْ.

خُروج 13:9

وَ الْعِيدْ دَا يَبْقَى لَيْكُو ذِكْرَةْ مِثِلْ عَلَامَةْ الْيَرْبُطُوهَا النَّاسْ فِي إِيدَيْهُمْ أَوْ فِي جَبْهَاتْهُمْ أَشَانْ مَا يَنْسَوْا الشَّيّءْ الْمُهِمّ لَيْهُمْ. الْعِيدْ دَا يِذَكِّرْكُو كَدَرْ وَاجِبْ تِبَلُّغُوا وَصَايَا اللّٰهْ، هُو الْمَرَقَاكُو مِنْ مَصِرْ بِإِيدَهْ الشَّدِيدَةْ.

خُروج 6:1

وَ اللّٰهْ قَالْ لِمُوسَى: «هَسَّعْ دَا، إِنْتَ تِشِيفْ الشَّيّءْ النِّسَوِّيهْ لِلْمَلِكْ! بِإِيدِي الشَّدِيدَةْ، نَجْبُرَهْ وَ يِخَلِّي بَنِي إِسْرَائِيلْ يَمُرْقُوا. وَ بِقُدُرْتِي الشَّدِيدَةْ، نَجْبُرَهْ وَ يَطْرُدْهُمْ مِنْ دَارَهْ.»

تَثْنِية 7:19

وَ إِنْتُو شِفْتُوا بِعُيُونْكُو الْعَلَامَاتْ وَ الْعَجَايِبْ وَ الْإِيدْ الشَّدِيدَةْ وَ الدُّرَاعْ الْقَوِي الْمَرَقَاكُو بَيْهُمْ اللّٰهْ إِلٰـهْكُو. وَ بِمِثِلْ دَا، اللّٰهْ إِلٰـهْكُو يِسَوِّي فِي كُلَّ الشُّعُوبْ الْإِنْتُو قَاعِدِينْ تَخَافَوْا مِنْهُمْ.

2 صَمُوِيل 7:23

فِيَّهْ أُمَّةْ فِي كُلَّ الْأَرْض مِثِلْ شَعَبَكْ بَنِي إِسْرَائِيلْ وَلَّا؟ يَا رَبّ، إِنْتَ فَدَيْتهُمْ وَ سَوَّيْتهُمْ شَعَبَكْ أَشَانْ أُسْمَكْ يَبْقَى عَالِي. وَ إِنْتَ سَوَّيْت عَجَايِبْ كُبَارْ الْبِخَوُّفُوا لِبَلَدَكْ وَ قِدَّامْ شَعَبَكْ الْإِنْتَ فَدَيْتهُمْ لِنَفْسَكْ مِنْ بَلَدْ مَصِرْ. وَ طَرَدْت الْأُمَمْ الْآخَرِينْ وَ إِلٰـهَاتْهُمْ قِدَّامْ شَعَبَكْ.

خُروج 3:20

وَ خَلَاصْ، نِمِدّ إِيدِي وَ نَضْرُبْ بَلَدْ مَصِرْ بِكُلَّ الْعَجَايِبْ النِّنَزِّلْهُمْ فَوْقهَا. وَ بَعَدْ دَا، الْمَلِكْ يِخَلِّيكُو تَمُرْقُوا.

تَثْنِية 11:3

وَ عِرِفْتُوا عَجَايْبَهْ وَ أَعْمَالَهْ السَّوَّاهُمْ فِي لُبّ مَصِرْ ضِدّ فِرْعَوْن مَلِكْ مَصِرْ وَ ضِدّ كُلَّ بَلَدَهْ.

إشَعْيا 63:12

وَيْن هُو السَّاعَدْ مُوسَى بِإِيدَهْ الْمَجِيدَةْ وَ شَقَّ الْبَحَرْ إِتْنَيْن قِدَّامْهُمْ لِيِعَلِّي أُسْمَهْ إِلَى الْأَبَدْ؟