إرْمِيا 31:6 - الكتاب المقدس بالعربي الدارجي هنا تشاد

⁶ وَ يَجِي يَوْم وَاحِدْ الْفَوْقَهْ الْحُرَّاسْ يِنَادُوا فِي جِبَالْ أَفْرَايِمْ وَ يُقُولُوا: ‹يَلَّا قُمُّوا نَمْشُوا لِمَدِينَةْ صَهْيُون، لِلّٰهْ إِلٰـهْنَا.›»

إرْمِيا 31:6 Referenca të Kryqëzuara

إرْمِيا 50:19

وَ أَنَا نِقَبِّلْ بَنِي إِسْرَائِيلْ فِي بَكَانْ مَرْعَاهُمْ وَ يَسْرَحَوْا فِي جَبَلْ الْكَرْمَلْ وَ تُرَابْ بَاشَانْ وَ يَشْبَعَوْا فِي جِبَالْ أَفْرَايِمْ وَ تُرَابْ قِلْعَادْ.

هُوشَع 9:8

النَّبِي الْقَاعِدْ مَعَ إِلٰـهِي، هُو مِثِلْ مُرَاقِبْ فِي نَاسْ أَفْرَايِمْ. وَ لَاكِنْ يُكُجُّوا لَيَّهْ شَرَكْ فِي كُلَّ دُرُوبَهْ وَ يِوَجُّهُوهْ بِالْعَدَاوَةْ فِي بَيْت إِلٰـهَهْ.

هُوشَع 1:11

بَنِي يَهُوذَا وَ بَنِي إِسْرَائِيلْ يِلِمُّوا سَوَا وَ يِدَرُّجُوا نَادُمْ وَاحِدْ كَبِيرْ فَوْقهُمْ. وَ يَكْتَرَوْا فِي أَرْضُهُمْ فِي يَوْم كَبِيرْ الْبِنَادُوهْ يَزْرَعِيلْ (مَعَنَاتَهْ اللّٰهْ يَزْرَعْ).

حِزْقِيال 33:2

«يَا إِبْن آدَمْ، حَجِّي لِشَعَبَكْ وَ قُولْ لَيْهُمْ: ‹وَكِتْ نِجِيبْ الْحَرِبْ فِي أَيِّ بَلَدْ، الشَّعَبْ يِشِيلُوا مِنْهُمْ نَادُمْ وَ يُخُطُّوهْ حَرَسْ.

حِزْقِيال 3:17

«يَا إِبْن آدَمْ، أَنَا نُخُطَّكْ حَرَسْ فِي بَنِي إِسْرَائِيلْ. كَنْ سِمِعْت كَلَامْ مِنْ خَشْمِي، تِحَذِّرْهُمْ بَيَّهْ.

إرْمِيا 6:17

أَنَا خَطَّيْت فَوْقكُو أَنْبِيَاء مِثِلْ حُرَّاسْ وَ قُلْت لَيْكُو خُطُّوا بَالْكُو وَكِتْ تَسْمَعَوْا حِسّ الْبُوقْ. لَاكِنْ إِنْتُو رَدَّيْتُوا وَ قُلْتُوا: ‹أَنِحْنَ مَا نَسْمَعَوْا.›

إشَعْيا 62:6

وَ فِي دَرَادِرْكِ، يَا مَدِينَةْ الْقُدُسْ، أَنَا خَطَّيْت حُرَّاسْ بِاللَّيْل وَ النَّهَارْ وَ أَبَداً مَا يَسْكُتُوا. إِنْتُو التِّذَّكَّرَوْا اللّٰهْ، خَلِّي مَا تِنْجَمَّوْا.

إشَعْيا 40:9

أَطْلَعَيْ فِي الْجَبَلْ الْعَالِي، يَا صَهْيُون، إِنْتِ الْعِنْدِكِ خَبَرْ حَلُو! بِشِدَّةْ أَرْفَعَيْ صَوْتكِ، يَا مَدِينَةْ الْقُدُسْ، إِنْتِ الْعِنْدِكِ خَبَرْ حَلُو! أَرْفَعَيْ صَوْتكِ بَلَا خَوْف وَ قُولِي لِحِلَّالْ بَلَدْ يَهُوذَا: «دَاهُو إِلٰـهْكُو!

2 أخبار 13:4

وَ أَبِيَّا طَلَعْ فِي رَاسْ جَبَلْ صَمَرَايِمْ الْفِي جِبَالْ أَفْرَايِمْ وَ قَالْ: «أَسْمَعْنِي، يَا يَرُبَعَامْ! وَ أَسْمَعَوْنِي، يَا كُلَّ نَاسْ مَمْلَكَةْ إِسْرَائِيلْ!

عَزْرا 1:5

وَ خَلَاصْ، كُبَارَاتْ قَبَايِلْ يَهُوذَا وَ قَبَايِلْ بَنْيَامِينْ وَ رُجَالْ الدِّينْ وَ اللَّاوِيِّينْ وَ أَيِّ نَادُمْ الْأَنْطَاهْ الرَّبّ فِكِرْ لِيِقَبِّلْ لِمَدِينَةْ الْقُدُسْ وَ يَبْنِي بَيْت اللّٰهْ، دَوْل كُلُّهُمْ قَاعِدِينْ يِجَهُّزُوا أَشَانْ يَمْشُوا.

زَبُور 84:5

مَبْرُوكْ لِلنَّاسْ الْيَلْقَوْا مِنَّكْ قُدْرَةْ وَ يِشِيلُوا نِيَّةْ لِيِحِجُّوا لِبَيْتَكْ.

إرْمِيا 3:14

وَ دَاهُو كَلَامْ اللّٰهْ: «قَبُّلُوا تَعَالُوا لَيِّ، يَا عِيَالْ الْكُفَّارْ، أَشَانْ أَنَا بَسْ سِيدْكُو. نِشِيلْكُو وَاحِدْ مِنْ أَيِّ مَدِينَةْ وَ إِتْنَيْن مِنْ أَيِّ قَبِيلَةْ وَ نِقَبِّلْكُو فِي صَهْيُون.

إرْمِيا 31:12

هُمَّنْ يِقَبُّلُوا وَ يِزَغْرُطُوا فِي جَبَلْ صَهْيُون. وَ يَفْرَحَوْا بِخَيْر اللّٰهْ، بِالْقَمَحْ وَ الْخَمَرْ الْجَدِيدْ وَ الدِّهِنْ وَ الْبَقَرْ وَ الْغَنَمْ. وَ حَيَاتْهُمْ سَمْحَةْ مِثِلْ جِنَيْنَةْ مَزْقِيَّةْ وَ بَتَّانْ مَا يَتْعَبَوْا.

إشَعْيا 27:13

وَ فِي الْيَوْم دَا، يَضُرْبُوا الْبُوقْ الْكَبِيرْ. وَ خَلَاصْ، يَجُوا الْوَدَّرَوْا فِي بَلَدْ أَشُورْ وَ الْمُشَتَّتِينْ فِي بَلَدْ مَصِرْ. وَ هُمَّنْ يَسْجُدُوا قِدَّامْ اللّٰهْ فِي الْجَبَلْ الْمُقَدَّسْ، فِي مَدِينَةْ الْقُدُسْ.