إرْمِيا 31:2 - الكتاب المقدس بالعربي الدارجي هنا تشاد

² دَاهُو اللّٰهْ قَالْ: «الشَّعَبْ النِّجَوْا مِنْ الْمَوْت، لِقَوْا رِضَايِ فِي الصَّحَرَاء. وَ بَنِي إِسْرَائِيلْ مُتَوَجِّهِينْ عَلَيْ الرَّاحَةْ.

إرْمِيا 31:2 Referenca të Kryqëzuara

زَبُور 95:11

وَ أَشَانْ دَا، فِي زَعَلِي أَنَا حَلَفْت وَ قُلْت مَا يَدْخُلُوا فِي رَاحْتِي.

عَدد 10:33

وَ قَمَّوْا مِنْ جَبَلْ اللّٰهْ وَ مَشَوْا مَسَافَةْ تَلَاتَةْ يَوْم. وَ صَنْدُوقْ مُعَاهَدَةْ اللّٰهْ وَدَّوْه قِدَّامْهُمْ أَشَانْ يَعَرْفُوا الْبَكَانْ الْيَنْزُلُوا فَوْقَهْ.

مَتَّى 11:28

«تَعَالُوا لَيِّ إِنْتُو كُلُّكُو التَّعْبَانِينْ مِنْ التَّقَلَةْ الشَّايْلِينْهَا فِي رَاسْكُو وَ أَنَا نَنْطِيكُو جُمَّةْ.

تَثْنِية 1:33

وَ هُو مَاشِي قِدَّامْكُو فِي الدَّرِبْ لِيِفَتِّشْ لَيْكُو بَكَانْ التَّنْزُلُوا فَوْقَهْ. وَ مَاشِي قِدَّامْكُو بِاللَّيْل فِي عَمُودْ هَنَا نَارْ لِيِضَوِّي لَيْكُو فِي الدَّرِبْ الْإِنْتُو مَاشِينْ فَوْقَهْ وَ بِنَهَارْ فِي عَمُودْ هَنَا سَحَابْ.

إرْمِيا 2:2

«أَمْشِي أَوْرِي نَاسْ مَدِينَةْ الْقُدُسْ وَ قُولْ لَيْهُمْ: ‹دَاهُو اللّٰهْ قَالْ: ”أَنَا نِذَّكَّرْ أَمَانْكُو فِي وَكِتْ شَبَابْكُو وَ حُبُّكُو لَيِّ مِثِلْ الْمَرَةْ الدَّهَابْهَا أَخَدَتْ وَ إِنْتُو تَابَعْتُونِي فِي الصَّحَرَاء وَ هِي أَرْض بُورَةْ.

زَبُور 78:52

هُو وَدَّى شَعَبَهْ مِثِلْ غَنَمْ وَ قَادَاهُمْ مِثِلْ بَهَايِمْ فِي الصَّحَرَاء.

تَثْنِية 12:9

أَشَانْ إِنْتُو لِسَّاعْ مَا جِيتُوا فِي بَكَانْ الْجُمَّةْ وَ دَا الْبَكَانْ الْاللّٰهْ إِلٰـهْكُو أَنْطَاهْ لَيْكُو وَرَثَةْ.

تَثْنِية 8:16

وَ هُو أَكَّلَاكُو الْمَنَّةْ فِي الصَّحَرَاء الْأَبَداً جُدُودْكُو مَا عِرْفَوْهَا وَ بَتَّانْ جَابْ لَيْكُو الضُّعُفْ وَ جَرَّبَاكُو وَ فِي الأَخِيرْ، سَوَّى لَيْكُو الْخَيْر.

تَثْنِية 2:7

أَشَانْ أَنَا اللّٰهْ إِلٰـهْكُو بَارَكْتُكُو فِي كُلَّ شَيّءْ السَّوَّيْتُوهْ. وَ أَنَا نَعَرِفْ بِمَسَارْكُو فِي الصَّحَرَاء الْكَبِيرَةْ دِي. وَ دَاهُو 40 سَنَةْ، أَنَا قَاعِدْ مَعَاكُو وَ شَيّءْ قَصَّرْ لَيْكُو كُلَ مَا فِيهْ.›»

تَثْنِية 1:30

اللّٰهْ إِلٰـهْكُو يَمْشِي قِدَّامْكُو وَ هُو ذَاتَهْ يِحَارِبْ لَيْكُو مِثِلْ هُو سَوَّاهْ أَوَّلْ فِي مَصِرْ وَ إِنْتُو شِفْتُوهْ بِعُيُونْكُو.

عَدد 14:20

وَ اللّٰهْ رَدَّ لَيَّهْ وَ قَالْ: «أَنَا غَفَرْت لَيْهُمْ بِسَبَبْ سُؤَالَكْ.

خُروج 33:14

وَ اللّٰهْ قَالْ: «أَنَا ذَاتِي نَمْشِي قِدَّامَكْ وَ بَيْدَا، إِنْتَ مَا تِهِمّ.»

خُروج 1:22

وَ خَلَاصْ، الْمَلِكْ قَمَّ أَنْطَى أَمُرْ لِشَعَبَهْ وَ قَالْ لَيْهُمْ: «أَزْقُلُوا فِي الْبَحَرْ أَيِّ وِلَيْد عِبْرَانِي الدَّهَابَهْ وِلْدَوْه. إِلَّا الْبَنَاتْ بَسْ خَلُّوهِنْ.»

خُروج 1:16

وَ قَالْ لَيْهِنْ: «أَسْمَعَنْ زَيْن. كَنْ تِوَلِّدَنْ عَوِينْ الْعِبْرَانِيِّينْ، فَكِّرَنْ فِي مَرِقِينْ الصَّغِيرْ. كَنْ وِلَيْد، أَكْتُلَنَهْ. وَ كَنْ بِنَيَّةْ كَمَانْ، خَلَّنْهَا تِعِيشْ.»

خُروج 12:37

وَ بَعَدْ دَا، بَنِي إِسْرَائِيلْ قَمَّوْا مِنْ مَدِينَةْ رَعَمْسِيس وَ مَشَوْا عَلَيْ سُكُّوتْ. وَ عَدَدْهُمْ 600 000 رُجَالْ مَاشِينْ بِرِجْلَيْهُمْ وَ دَا بَلَا عَدَدْ الْعَوِينْهُمْ وَ الْعِيَالْهُمْ.

خُروج 5:21

وَ الْمُكَلَّفِينْ مِنْ بَنِي إِسْرَائِيلْ قَالَوْا لَيْهُمْ: «خَلِّي اللّٰهْ يِشِيفْ الشَّيّءْ الْإِنْتُو سَوَّيْتُوهْ دَا وَ يِعَاقِبْكُو! فِي شَانْكُو إِنْتُو بَسْ الْمَلِكْ مَعَ خَدَّامِينَهْ كِرْهَوْنَا مِثِلْ الْكَفَنْ. وَ دَا، مِثِلْ إِنْتُو أَنْطَيْتُوهُمْ سَيْف لِيِكَتُّلُونَا.»

خُروج 2:23

وَ بَعَدْ مُدَّةْ طَوِيلَةْ، مَلِكْ مَصِرْ مَاتْ. وَ بَنِي إِسْرَائِيلْ قَاعِدِينْ يَقُنْتُوا مِنْ التَّعَبْ هَنَا الْعُبُودِيَّةْ وَ قَاعِدِينْ يَصْرَخَوْا لَحَدِّي صِرَاخْهُمْ لِحِقْ الرَّبّ.

يَشُوع 1:13

«أَذَّكَّرَوْا الْأَمُرْ الْأَنْطَاكُو مُوسَى عَبْد اللّٰهْ، وَكِتْ قَالْ: ‹اللّٰهْ إِلٰـهْكُو أَنْطَاكُو الْبَلَدْ دِي وَ رَاحَةْ.›

هُوشَع 11:4

أَنَا وَدَّيْتهُمْ بِطَرِيقَةْ إِنْسَانِيَّةْ وَ بِعَلَاقَةْ هِنْت مَحَبَّةْ. أَنَا بِقِيتْ لَيْهُمْ مِثِلْ الْيَحْضِنْ الصَّغِيرْ وَ يِلِمَّهْ فِي صَدْرَهْ. أَنَا مَدَّيْت إِيدِي وَ أَكَّلْتُهُمْ.

حِزْقِيال 20:35

وَ أَنَا نِوَدِّيكُو فِي الصَّحَرَاءْ طَرَفْ مِنْ الْأُمَمْ الْآخَرِينْ. وَ هِنَاكْ نِقَابِلْكُو وِجِهْ بِوِجِهْ وَ نِحَاكِمْكُو.