إرْمِيا 30:18 - الكتاب المقدس بالعربي الدارجي هنا تشاد

¹⁸ وَ دَاهُو اللّٰهْ قَالْ: «أَكِيدْ أَنَا اللّٰهْ نِقَبِّلْ ذُرِّيَّةْ يَعْقُوبْ مِنْ بَلَدْ الْغُرْبَةْ وَ نَرْحَمْ بُيُوتْهُمْ. وَ الْمَدِينَةْ تِنْبَنِي فِي بَكَانْهَا الْأَوَّلْ وَ قُصُورْهَا كُلَ يِنْبَنُوا فِي بَكَانْهُمْ.

إرْمِيا 30:18 Referenca të Kryqëzuara

زَبُور 102:13

إِنْتَ تُقُمّ وَ تَرْحَمْ صَهْيُون أَشَانْ جَاءْ الْوَكِتْ التِّحِنّ فَوْقهَا، أَيْوَى، الْوَكِتْ جَاءْ.

إرْمِيا 30:3

وَ يَجِي يَوْم وَاحِدْ، أَنَا نِقَبِّلْ شَعَبِي بَنِي إِسْرَائِيلْ وَ بَنِي يَهُوذَا مِنْ الْغُرْبَةْ.›» وَ دَا كَلَامْ اللّٰهْ. وَ اللّٰهْ قَالْ بَتَّانْ: «أَنَا نِجِيبْ شَعَبِي فِي الْبَلَدْ الْأَنَا أَنْطَيْتهَا لِجُدُودْهُمْ وَ يَقْعُدُوا فِي أَرْض وَرَثَتْهُمْ.»

إرْمِيا 33:7

وَ نِقَبِّلْ نَاسْ يَهُوذَا وَ نَاسْ إِسْرَائِيلْ الْوَدَّوْهُمْ فِي الْغُرْبَةْ. وَ نِثَبِّتْهُمْ مِثِلْ زَمَانْ.

إرْمِيا 49:39

وَ لَاكِنْ فِي الأَخِيرْ، أَنَا نِقَبِّلْ نَاسْ عِلَامْ الْوَدَّوْهُمْ فِي الْغُرْبَةْ.» وَ دَا كَلَامْ اللّٰهْ.

إرْمِيا 23:3

وَ أَنَا ذَاتِي نِلِمّ شَعَبِي الْفَضَّلَوْا وَ نِجِيبْهُمْ مِنْ كُلَّ الْبُلْدَانْ الْأَنَا شَتَّتُّهُمْ فَوْقهُمْ. وَ مِثِلْ الْغَنَمْ، نِجِيبْهُمْ فِي مَرْعَاهُمْ وَ هُمَّنْ يَلْدَوْا وَ يَبْقَوْا كَتِيرِينْ.

زَكَرِيَّا 1:16

وَ فِي شَانْ دَا، دَاهُو اللّٰهْ قَالْ: «أَنَا نِقَبِّلْ لِمَدِينَةْ الْقُدُسْ بِمَحَنَّةْ. وَ مَدِينَةْ الْقُدُسْ يِقَاوُسُوهَا لِلْبَنِي وَ بَيْتِي يِنْبَنِي فِيهَا بَتَّانْ.» وَ دَا كَلَامْ اللّٰهْ الْقَادِرْ.

إرْمِيا 46:27

«وَ إِنْتُو، يَا ذُرِّيَّةْ عَبْدِي يَعْقُوبْ، مَا تَخَافَوْا! وَ يَا بَنِي إِسْرَائِيلْ، مَا تِنْبَهْتُوا! أَكِيدْ أَنَا نِنَجِّيكُو مِنْ الْبَلَدْ الْبَعِيدَةْ وَ نِجِيبْ ذُرِّيِّتْكُو مِنْ بَلَدْ الْغُرْبَةْ. وَ ذُرِّيَّةْ يَعْقُوبْ يَجُوا وَ يَقْعُدُوا فِي بَلَدْهُمْ بِرَاحَةْ وَ أَمَانْ وَ أَكِيدْ مَا فِي نَادُمْ يِبَشْتِنْهُمْ.

إرْمِيا 49:6

وَ لَاكِنْ بَعَدْ دَا، أَنَا نِقَبِّلْ بَنِي عَمُّونْ مِنْ الْغُرْبَةْ.» وَ دَا كَلَامْ اللّٰهْ.

إشَعْيا 44:26

أَنَا نِحَقِّقْ كَلَامْ عَبْدِي وَ نِتِمّ خِطَّةْ رُسُلِي. نُقُولْ لِمَدِينَةْ الْقُدُسْ: ‹خَلِّي يَسْكُنُوهَا!› وَ لِحِلَّالْ بَلَدْ يَهُوذَا: ‹خَلِّي يَبْنُوهُمْ مِنْ جَدِيدْ!› وَ نِقَوِّمْ دَرَادِرْهُمْ الدَّفَّقَوْا.

إرْمِيا 31:4

وَ أَنَا نَبْنِيكِ بَتَّانْ، يَا إِسْرَائِيلْ، مِثِلْ يَبْنُوا بَيْت. وَ إِنْتِ تِنْبَنِي، يَا أُمَّتِي الْمِثِلْ بِنَيَّةْ عُدْرِيَّةْ. وَ تِشِيلِي تَنَابِلْكِ وَ تَمُرْقِي وَ تَلْعَبَيْ وَ تَفْرَحَيْ.

إرْمِيا 33:11

الزَّغْرَاطْ وَ الرَّقْرَاقْ وَ غِنَيْ الْعُرْسَانْ وَ غِنَيْ الشُّكُرْ. وَ يِقَدُّمُوا ضَحَايَا شُكُرْ فِي بَيْت اللّٰهْ وَ يُقُولُوا: ‹أَشْكُرُوا اللّٰهْ الْقَادِرْ أَشَانْ هُو عَدِيلْ وَ رَحْمَتَهْ دَايْمَةْ إِلَى الْأَبَدْ.› أَشَانْ أَنَا نِقَبِّلْ النَّاسْ الْوَدَّوْهُمْ فِي الْغُرْبَةْ وَ نِثَبِّتْهُمْ فِي أَرْضُهُمْ مِثِلْ زَمَانْ.» وَ دَا، اللّٰهْ بَسْ قَالَهْ.

1 أخبار 29:19

وَ لِوِلَيْدِي سُلَيْمَانْ دَا، أَنْطِيهْ قَلِبْ مُخْلِصْ لِيَحْفَضْ وَصِيَّاتَكْ وَ تَعْلِيمَكْ وَ شُرُوطَكْ وَ يِطَبِّقْهُمْ وَ يَبْنِي الْبَيْت الْمُقَدَّسْ الْأَنَا جَهَّزْت لَيَّهْ.»

إرْمِيا 29:14

إِنْتُو تَلْقَوْنِي وَ أَنَا نِقَبِّلْكُو مِنْ الْغُرْبَةْ وَ نِلِمُّكُو وَ نِجِيبْكُو مِنْ كُلَّ الْأُمَمْ وَ مِنْ كُلَّ الْبُلْدَانْ الْأَنَا شَتَّتُّكُو فَوْقهُمْ. وَ دَا كَلَامْ اللّٰهْ. وَ نِجِيبْكُو هِنِي فِي مَدِينَةْ الْقُدُسْ وَ دَا الْبَكَانْ الْأَنَا وَدَّيْتكُو مِنَّهْ فِي الْغُرْبَةْ.» وَ دَا كَلَامْ اللّٰهْ.

إشَعْيا 44:28

وَ نُقُولْ لِلْمَلِكْ كُورَشْ: ‹إِنْتَ رَاعِيِّ!› وَ هُو يِحَقِّقْ كُلَّ شَيّءْ الْأَنَا نِدَوْرَهْ. وَ هُو يُقُولْ لِمَدِينَةْ الْقُدُسْ: ‹خَلِّي تِنْبَنِي!› وَ يُقُولْ لِبَيْت اللّٰهْ: ‹أَلأَسَّسْ بَتَّانْ!›»

إرْمِيا 31:38

وَ دَاهُو كَلَامْ اللّٰهْ: «يَجِي يَوْم وَاحِدْ، يَبْنُوا بَتَّانْ مَدِينَةْ اللّٰهْ مِنْ بَيْت الْمُرَاقَبَةْ هَنَا حَنَنِيلْ لَحَدِّي بَابْ الرُّكُنْ.

إرْمِيا 31:23

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «بَعَدْ نِقَبِّلْهُمْ مِنْ الْغُرْبَةْ وَ نِثَبِّتْهُمْ فِي بَلَدْ يَهُوذَا وَ مُدُنْهَا، هُمَّنْ يِحَجُّوا بِالْكَلَامْ دَا بَتَّانْ وَ يُقُولُوا: ‹خَلِّي اللّٰهْ يِبَارِكَكْ، يَا صَهْيُون الْجَبَلْ الْمُقَدَّسْ، يَا مَسْكَنْ الْعَدَالَةْ!›

زَكَرِيَّا 12:6

«وَ فِي الْيَوْم دَا، أَنَا نِسَوِّي شُيُوخْ يَهُوذَا مِثِلْ كَانُونْ مَلَانْ نَارْ تِحِتْ كَوْم هَنَا حَطَبْ أَوْ مِثِلْ نَارْ الْمُقَبِّضَةْ فِي رُبْطَةْ هَنَا قَنَادِيلْ. وَ هُمَّنْ يَاكُلُوا زَيْنَةْ وَ إِسْرَةْ كُلَّ الشُّعُوبْ الْمُجَاوِرِينْهُمْ. وَ لَاكِنْ سُكَّانْ مَدِينَةْ الْقُدُسْ يَسْكُنُوا فِي مَدِينِتْهُمْ.

زَبُور 78:69

وَ بَنَى بَيْتَهْ الْمُقَدَّسْ عَالِي مِثِلْ السَّمَاءْ وَ قَوِي مِثِلْ الْأَرْض الْهُو أَسَّسَهْ إِلَى الْأَبَدْ.

نَحَمْيا 7:4

الْمَدِينَةْ كَبِيرَةْ وَ وَسِيعَةْ وَ لَاكِنْ السُّكَّانْ الْقَاعِدِينْ فَوْقهَا شِيَّةْ وَ بُيُوتْهَا كُلَ لِسَّاعْ مَا كَمَّلَوْا بُنَاهُمْ.

زَبُور 85:1

يَا اللّٰهْ، إِنْتَ وَصَّفْت مَحَبِّتَكْ لِبَلَدَكْ وَ قَبَّلْت ذُرِّيَّةْ يَعْقُوبْ مِنْ بَلَدْ الْغُرْبَةْ.

زَكَرِيَّا 14:10

وَ كُلَّ الْبَلَدْ تِغَيِّرْ وَ تَبْقَى مُسْتَوِيَةْ وَ خَضْرَةْ مِنْ قَبَعْ فِي الْمُنْشَاقْ لَحَدِّي رِمُّونْ جُنُوبْ مَدِينَةْ الْقُدُسْ. وَ لَاكِنْ مَدِينَةْ الْقُدُسْ تُكُونْ فِي الْعَالِي فِي بَكَانْهَا. وَ حُدُودْهَا يَمْشُوا مِنْ بَابْ بَنْيَامِينْ لَحَدِّي الْبَابْ الْقَدِيمْ وَ لَحَدِّي بَابْ الرُّكُنْ. وَ يَمْشُوا مِنْ بَيْت الْمُرَاقَبَةْ هَنَا حَنَنِيلْ لَحَدِّي عَصَّارَاتْ الْعِنَبْ هَنَا الْمَلِكْ.

إرْمِيا 31:40

وَ كُلَّ وَادِي الْجَنَازَاتْ وَ الرُّمَادْ وَ كُلَّ زِرَاعَةْ الْعَلَيْ وَادِي قِدْرُونْ لَحَدِّي الرُّكُنْ هَنَا بَابْ الْخَيْل صَبَاحْ، كُلَّ الْبَكَانْ دَا يَبْقَى مُقَدَّسْ لَيِّ أَنَا اللّٰهْ. وَ لَا يَمُرْقُوهْ وَ لَا يَخَرْبُوهْ إِلَى الْأَبَدْ.»

1 أخبار 29:1

وَ الْمَلِكْ دَاوُدْ قَالْ لِكُلَّ الشَّعَبْ اللَّمِّينْ: «الرَّبّ عَزَلْ وِلَيْدِي سُلَيْمَانْ بَسْ وَ لَاكِنْ هُو لِسَّاعْ صَبِي وَ مَا عِنْدَهْ عِرْفَةْ. وَ الْخِدْمَةْ دِي، هِي كَبِيرَةْ أَشَانْ الْبَيْت الْمُقَدَّسْ دَا، مَا يَبْنُوهْ لِإِنْسَانِي بَسْ لَاكِنْ لِلّٰهْ الرَّبّ.

زَبُور 48:3

وَ فِي قُصُورْ صَهْيُون، الرَّبّ مَعْرُوفْ مِثِلْ مَلْجَأْ قَوِي.

زَبُور 48:13

شِيفُوا عَدِيلْ دُرْدُرَهْ وَ أَحْسُبُوا عَدَدْ قُصُورَهْ أَشَانْ تِكَلُّمُوا بَيَّهْ لِلذُّرِّيَّةْ الْبَعَدْكُو.

زَبُور 122:7

وَ خَلِّي السَّلَامْ يَجِي فِي دَرَادِرْكِ وَ الْأَمَانْ يَدْخُلْ فِي قُصُورْكِ.»

إرْمِيا 29:11

أَنَا نَعَرِفْ الْفِكْرَةْ الْجَهَّزْتَهَا لَيْكُو وَ هِي مَا فِكْرَةْ هِنْت فَسَالَةْ وَ لَاكِنْ فِكْرَةْ هِنْت سَلَامْ الْبَيْهَا تَلْقَوْا مُسْتَقْبَلْ مَلَانْ بِعَشَمْ. وَ دَا كَلَامْ اللّٰهْ.

إرْمِيا 32:15

أَشَانْ اللّٰهْ الْقَادِرْ إِلٰـهْ بَنِي إِسْرَائِيلْ قَالْ بَتَّانْ: ‹فِي الْبَلَدْ دِي بَتَّانْ يَشْرُوا بُيُوتْ وَ أَرْض وَ جِنَيْنَاتْ عِنَبْ.›»

حِزْقِيال 36:11

وَ نِكَتِّرْ النَّاسْ وَ الْبَهَايِمْ وَ هُمَّنْ يَلْدَوْا وَ يَبْقَوْا كَتِيرِينْ. وَ نِسَوِّيهُمْ كَتِيرِينْ زِيَادَةْ مِنْ أَوَّلْ وَ نِسَوِّي لَيْهُمْ الْخَيْر زِيَادَةْ مِنْ الْبِدَايَةْ. وَ بَيْدَا، يَعَرْفُوا كَدَرْ أَنَا بَسْ اللّٰهْ.

عَمُوس 9:14

وَ نِقَبِّلْ شَعَبِي بَنِي إِسْرَائِيلْ مِنْ الْغُرْبَةْ وَ يَبْنُوا حِلَّالْهُمْ الْمُكَسَّرِينْ وَ يَسْكُنُوا فَوْقهُمْ. وَ يَزْرَعَوْا جِنَيْنَاتْهُمْ هَنَا الْعِنَبْ وَ يَشَرْبَوْا مِنْ خَمَرْهُمْ. وَ يِمَقُّنُوا جِنَيْنَاتْهُمْ وَ يَاكُلُوا فَوَاكِهُّمْ.

زَكَرِيَّا 1:12

وَ مَلَكْ اللّٰهْ حَجَّى وَ قَالْ: «يَا اللّٰهْ الْقَادِرْ، مِنْ مُدَّةْ 70 سَنَةْ إِنْتَ غِضِبْت لِمَدِينَةْ الْقُدُسْ وَ حِلَّالْ بَلَدْ يَهُوذَا. مَتَى تَرْحَمْهُمْ؟»

زَكَرِيَّا 12:7

وَ أَنَا اللّٰهْ نِنَجِّي فِي الْأَوَّلْ عَايِلَاتْ بَنِي يَهُوذَا. وَ بَيْدَا، شَرَفْ ذُرِّيَّةْ دَاوُدْ وَ سُكَّانْ مَدِينَةْ الْقُدُسْ مَا يَبْقَى زِيَادَةْ مِنْ شَرَفْ عَايِلَاتْ بَنِي يَهُوذَا.

زَبُور 102:14

عَبِيدَكْ يِحِبُّوا حُجَارْهَا وَ مُنْرَبِطِينْ فِي تُرَابْهَا.

إرْمِيا 32:44

أَيْوَى، يَشْرُوا أَرْض وَ يَوْزُنُوا فُضَّةْ وَ يَكْتُبُوا مَكْتُوبْ هَنَا مُبَايَعَةْ وَ يُخُطُّوا فَوْقَهْ خِتِمْ وَ يِنَادُوا الشُّهُودْ. وَ دَا يَبْقَى فِي أَرْض قَبِيلَةْ بَنْيَامِينْ وَ حَوَالَيْ مَدِينَةْ الْقُدُسْ وَ فِي حِلَّالْ بَلَدْ يَهُوذَا وَ فِي الْجِبَالْ وَ فِي سَهَلَةْ شَفِيلَةْ وَ فِي صَحَرَاء نَقَبْ، أَشَانْ أَنَا نِقَبِّلْ سُكَّانْهُمْ مِنْ الْغُرْبَةْ.» وَ دَا كَلَامْ اللّٰهْ.