إرْمِيا 3:8 - الكتاب المقدس بالعربي الدارجي هنا تشاد

⁸ وَ أَنَا كُلَ شِفْتَهَا. أَيْوَى، بِسَبَبْ زِنَاهَا طَلَقْتَهَا لِإِسْرَائِيلْ الْكَافْرَةْ وَ أَنْطَيْتهَا مَكْتُوبْ الطَّلَاقْ. وَ لَاكِنْ بَيْدَا كُلَ، أَخُتْهَا يَهُوذَا الْخَايْنَةْ مَا حَسَّتْ بِأَيِّ خَوْف وَ هِي كُلَ قَمَّتْ أَشَّرْمَطَتْ.

إرْمِيا 3:8 Referenca të Kryqëzuara

تَثْنِية 24:1

وَ أَكُونْ رَاجِلْ يَاخُدْ مَرَةْ وَ يِشِيلْهَا وَ بَعَدْ دَا، مَا يَرْضَى بَيْهَا أَشَانْ لِقِي فَوْقهَا عَيْب، خَلَاصْ يَكْتِبْ لَيْهَا مَكْتُوبْ هَنَا طَلَاقْ. وَ بَعَدْ هُو يَنْطِيهَا الْمَكْتُوبْ هَنَا الطَّلَاقْ فِي إِيدْهَا، خَلَاصْ يَطْرُدْهَا مِنْ بَيْتَهْ

هُوشَع 3:4

وَ مِثِلْ دَا، بَنِي إِسْرَائِيلْ يَقْعُدُوا مُدَّةْ طَوِيلَةْ بَلَا مَلِكْ وَ بَلَا كَبِيرْ وَ بَلَا ضَحِيَّةْ وَ بَلَا حُجَارْ الْغَزَّوْهُمْ لِلْعِبَادَةْ وَ بَلَا فَرْمَلَةْ هَنَا رَاجِلْ الدِّينْ وَ بَلَا أَصْنَامْ.

إشَعْيا 50:1

وَ دَاهُو اللّٰهْ قَالْ: «صَحِيحْ أَنَا طَرَدْت أَمُّكُو. وَيْن مَكْتُوبْ الطَّلَاقْ؟ وَ لِيَاتُو أَنَا بِعْتُكُو لِنِكَفِّي دَيْنِي؟ أَعَرْفُوا! بِسَبَبْ خَطَاكُو بَسْ، بَاعَوْكُو وَ بِسَبَبْ عِصْيَانْكُو، طَلَّقَوْا أَمُّكُو.

حِزْقِيال 23:9

وَ فِي شَانْ دَا، أَنَا سَلَّمْتَهَا لِصُدْقَانْهَا مِنْ بَلَدْ أَشُورْ اللَّيْهُمْ هِي عِنْدَهَا شَهْوَةْ.

حِزْقِيال 16:47

إِنْتِ مَا شِلْتِ دَرِبْ أَخْوَاتْكِ بَسْ وَ لَا سَوَّيْتِ مُحَرَّمَاتْ مِثِلْهِنْ. لَا، دَا إِنْتِ شِفْتِ شِيَّةْ لَيْكِ! إِنْتِ هِلِكْتِ زِيَادَةْ مِنْهِنْ بِكُلَّ فِعِلْكِ الشَّيْن.»

إرْمِيا 3:1

وَ دَاهُو كَلَامْ اللّٰهْ: «كَنْ رَاجِلْ طَلَّقْ مَرْتَهْ وَ الْمَرَةْ دِي مَشَتْ أَخَدَتْ رَاجِلْ آخَرْ، هَلْ رَاجِلْهَا الْأَوَّلْ دَا، يَقْدَرْ يِقَبِّلْهَا وَلَّا؟ هَلْ هِي مَا أَنَّجَّسَتْ مِثِلْ الْأَرْض النَّجَاسِتْهَا مَا عِنْدَهَا عِلَاجْ؟ يَا مَدِينَةْ الْقُدُسْ، إِنْتِ أَشَّرْمَطْتِ مَعَ نَاسْ كَتِيرِينْ. هَسَّعْ دَا، تَقْدَرَيْ تِقَبِّلِي لَيِّ أَنَا وَلَّا؟

تَثْنِية 24:3

وَ أَكُونْ الرَّاجِلْ الْآخَرْ دَا كُلَ يَابَاهَا وَ يَكْتِبْ لَيْهَا مَكْتُوبْ هَنَا طَلَاقْ وَ يَنْطِيهَا فِي إِيدْهَا وَ يَطْرُدْهَا مِنْ بَيْتَهْ. وَلَّا أَكُونْ الرَّاجِلْ الْآخَرْ الْأَخَدَاهَا دَا يُمُوتْ.

إرْمِيا 2:19

وَ خَلِّي فَسَالِتْكُو تِقَبِّلْ لَيْكُو فِي رَاسْكُو وَ كُفُرْكُو يِعَاقِبْكُو. وَ أَعَرْفُوا كِكَّيْف الشَّيّءْ دَا فَسِلْ وَ مُرّ كَدَرْ تَابَوْنِي أَنَا اللّٰهْ إِلٰـهْكُو وَ أَبَداً مَا تَخَافَوْا مِنِّي.» وَ دَا كَلَامْ اللّٰهْ الرَّبّ الْقَادِرْ.

إرْمِيا 33:24

«إِنْتَ مَا قَاعِدْ تَسْمَعْ كَلَامْ النَّاسْ دَوْل وَلَّا؟ هُمَّنْ قَاعِدِينْ بُقُولُوا: ‹الْقَبَايِلْ الْإِتْنَيْن الْهُمَّنْ بَنِي يَهُوذَا وَ بَنِي إِسْرَائِيلْ الْعَزَلَاهُمْ اللّٰهْ، هَسَّعْ دَا، هُو أَبَاهُمْ.› وَ بِكَلَامْهُمْ دَا، هُمَّنْ قَاعِدِينْ يَحْقُرُوا شَعَبِي وَ مَا يَجْعَلَوْهُمْ مِثِلْ أُمَّةْ.

حِزْقِيال 16:46

وَ أَخُتْكِ الْكَبِيرَةْ هِي مَدِينَةْ السَّامِرَةْ الْقَاعِدَةْ مُنْشَاقْ مِنْكِ مَعَ بَنَاتْهَا. وَ طَرِيدِتْكِ حِلَّةْ سَدُومْ الْقَاعِدَةْ جُنُوبْ مِنْكِ مَعَ بَنَاتْهَا.

حِزْقِيال 16:51

وَ السَّامِرَةْ مَا سَوَّتْ نُصّ ذُنُوبْكِ كُلَ وَ إِنْتِ كَتَّرْتِ مُحَرَّمَاتْكِ زِيَادَةْ مِنْ هِنَيْهَا. وَ سَوَّيْتِ أَخْوَاتْكِ مِثِلْ عَوِينْ صَالْحَاتْ بِكُلَّ مُحَرَّمَاتْكِ الْإِنْتِ سَوَّيْتِيهُمْ!

2 أخبار 21:11

يَهُورَامْ بَنَى بَكَانَاتْ عَالِيِينْ هَنَا عِبَادَةْ الْأَصْنَامْ فِي رُوسَيْ جِبَالْ يَهُوذَا. وَ لَزَّ سُكَّانْ مَدِينَةْ الْقُدُسْ يِشَّرْمَطَوْا مَعَ الْأَصْنَامْ وَ لِنَاسْ بَلَدْ يَهُوذَا، بَعَّدَاهُمْ مِنْ اللّٰهْ.

إرْمِيا 5:7

وَ اللّٰهْ قَالْ: «بِالْحَالَةْ دِي، كِكَّيْف نَغْفِرْ لَيْكُو؟ عِيَالْكُو أَبَوْنِي وَ يَحَلْفُوا بِالْأَصْنَامْ الْمَا إِلٰـهْ. النَّاسْ الْأَنَا شَبَّعْتُهُمْ يِسَوُّوا زِنَى وَ يِزَّاحَمَوْا فِي بَيْت الشَّرْمُوطَةْ.

حِزْقِيال 23:44

وَ رُجَالْ مَشَوْا أَشَّرْمَطَوْا مَعَ أُهُولَةْ وَ أُهُولِيبَةْ، الْعَوِينْ الْفِعِلْهِنْ شَيْن.