إرْمِيا 3:6 - الكتاب المقدس بالعربي الدارجي هنا تشاد

⁶ وَ فِي أَيَّامْ حُكُمْ الْمَلِكْ يُوشِيَّا، اللّٰهْ قَالْ لَيِّ أَنَا إِرْمِيَا: «إِنْتَ مَا شِفْت السَّوَّتَهْ إِسْرَائِيلْ الْكَافْرَةْ؟ هِي مَشَتْ فِي رَاسْ أَيِّ جَبَلْ عَالِي وَ تِحِتْ أَيِّ شَدَرَةْ خَضْرَةْ وَ أَشَّرْمَطَتْ هِنَاكْ وَرَاءْ الْأَصْنَامْ.

إرْمِيا 3:6 Referenca të Kryqëzuara

حِزْقِيال 23:11

«وَ أَخُتْهَا أُهُولِيبَةْ شَافَتْ كُلَّ الشَّيّءْ دَا. وَ لَاكِنْ بَيْدَا كُلَ، شَهْوِتْهَا وَ شَرْمَطَتْهَا بِقَوْا زِيَادَةْ مِنْ هَنَا أَخُتْهَا.

حِزْقِيال 20:28

أَنَا وَدَّيْتهُمْ فِي الْبَلَدْ الْحَلَفْت وَ قُلْت نَنْطِيهَا لَيْهُمْ. وَ وَكِتْ هُمَّنْ شَافَوْا أَيِّ جَبَلْ عَالِي وَ أَيِّ شَدَرَةْ خَضْرَةْ، قَدَّمَوْا فِي الْبَكَانْ دَا ضَحَايَاهُمْ. وَ غَضَّبَوْنِي بِهَدَايَاهُمْ وَ بِالْبَخُورْ الرِّيحْتَهْ تَعَجِبْ وَ بِهَدَايَاهُمْ هَنَا الشَّرَابْ الْقَدَّمَوْهُمْ فِي الْبَكَانْ دَا.

حِزْقِيال 16:31

وَ بَنَيْتِ لِقْدَابَةْ فِي دَخُولْ هَنَا كُلَّ الدُّرُوبْ وَ سَوَّيْتِ بَكَانْ عَالِي هَنَا عِبَادَةْ فِي أَيِّ نَقَعَةْ. وَ مَا شِلْتِ تَمَنْ شَرْمَطَتْكِ مِثِلْ الشَّرَامِيطْ الْآخَرَاتْ.

إرْمِيا 17:2

وَ مِثِلْ يِذَّكَّرَوْا عِيَالْهُمْ، هُمَّنْ يِذَّكَّرَوْا مَدَابِحْ إِلٰـهَاتْهُمْ وَ الْعِيدَانْ الْغَزَّوْهُمْ لِعِبَادَةْ أَشِيرَةْ. وَ دَوْل تِحِتْ أَيِّ شَدَرَةْ خَضْرَةْ وَ فِي رَاسْ أَيِّ جَبَلْ عَالِي.

إرْمِيا 7:24

وَ لَاكِنْ هُمَّنْ مَا خَطَّوْا أَدَانْهُمْ لِيَسْمَعَوْنِي وَ سَوَّوْا حَسَبْ نِيِّتْهُمْ الْفَسْلَةْ وَ قَلِبْهُمْ الْأَزْرَقْ. وَ بَدَلْ يِوَجُّهُوا عَلَيِّ، هُمَّنْ أَنْطَوْنِي ضُهُورْهُمْ.

إرْمِيا 3:8

وَ أَنَا كُلَ شِفْتَهَا. أَيْوَى، بِسَبَبْ زِنَاهَا طَلَقْتَهَا لِإِسْرَائِيلْ الْكَافْرَةْ وَ أَنْطَيْتهَا مَكْتُوبْ الطَّلَاقْ. وَ لَاكِنْ بَيْدَا كُلَ، أَخُتْهَا يَهُوذَا الْخَايْنَةْ مَا حَسَّتْ بِأَيِّ خَوْف وَ هِي كُلَ قَمَّتْ أَشَّرْمَطَتْ.

إشَعْيا 57:7

وَ فِي جَبَلْ طَوِيلْ وَ عَالِي، إِنْتِ فَرَّشْتِ لِلشَّرْمَطَةْ. أَيْوَى، فِي الْبَكَانْ دَا بَسْ، إِنْتِ طَلَعْتِ لِتِقَدِّمِي ضَحَايَا لِأَصْنَامْكِ.

1 مُلوك 14:23

وَ هُمَّنْ كُلَ بَنَوْا بَكَانَاتْ عَالِيِينْ وَ غَزَّوْا حُجَارْ لِلْعِبَادَةْ وَ غَزَّوْا عِيدَانْ لِعِبَادَةْ أَشِيرَةْ فِي رَاسْ أَيِّ جَبَلْ عَالِي وَ تِحِتْ أَيِّ شَدَرَةْ خَضْرَةْ.

2 أخبار 34:1

وَ يُوشِيَّا عِنْدَهْ 8 سَنَةْ وَكِتْ بِقِي مَلِكْ وَ حَكَمْ 31 سَنَةْ فِي مَدِينَةْ الْقُدُسْ.

إرْمِيا 1:2

وَ اللّٰهْ بَدَا يِحَجِّي لِإِرْمِيَا فِي سَنِةْ 13 هَنَا حُكُمْ يُوشِيَّا وِلَيْد آمُونْ مَلِكْ مَمْلَكَةْ يَهُوذَا.

إرْمِيا 5:11

أَيْوَى، بَنِي إِسْرَائِيلْ وَ بَنِي يَهُوذَا خَانَوْنِي خِيَانَةْ كَبِيرَةْ.» وَ دَا كَلَامْ اللّٰهْ.

إرْمِيا 11:10

أَشَانْ هُمَّنْ قَبَّلَوْا فِي خَطَا جُدُودْهُمْ الْأَبَوْا مَا يَسْمَعَوْا كَلَامِي وَ هُمَّنْ جَرَوْا وَرَاءْ إِلٰـهَاتْ آخَرِينْ لِيَعَبُدُوهُمْ. وَ بَيْدَا، بَنِي إِسْرَائِيلْ وَ بَنِي يَهُوذَا قَطَعَوْا الْمُعَاهَدَةْ الْأَنَا سَوَّيْتهَا مَعَ جُدُودْهُمْ.»

إرْمِيا 31:22

لِمَتَى تِعِيرِي، يَا الْبِنَيَّةْ الْكَافْرَةْ؟ أَشَانْ اللّٰهْ يَخْلِقْ شَيّءْ جَدِيدْ فِي الْأَرْض. وَ دَا، إِنْتِ تِفَتِّشِي اللّٰهْ مِثِلْ مَرَةْ التِّقَرِّبْ لِرَاجِلْهَا.

حِزْقِيال 23:4

وَ أُسُمْ الْكَبِيرَةْ أُهُولَةْ وَ هِي تِمَثِّلْ مَدِينَةْ السَّامِرَةْ. وَ أَخُتْهَا أُسُمْهَا أُهُولِيبَةْ وَ هِي تِمَثِّلْ مَدِينَةْ الْقُدُسْ. هِنَّ هِنَيّ أَنَا وَ جَابَنْ لَيِّ أَوْلَادْ وَ بَنَاتْ.

هُوشَع 4:13

فِي رُوسَيْ الْجِبَالْ، يِقَدُّمُوا ضَحَايَا لِإِلٰـهَاتْهُمْ وَ فِي الْحُجَارْ، يِحَرُّقُوا لَيْهُمْ بَخُورْ. وَ يَعَبُدُوا تِحِتْ شَدَرْ الْبَلُّوطْ وَ اللُّبْنَى وَ الْبُطُمْ أَشَانْ ضُلُّهُمْ بَارِدْ. يَا شَعَبِي، بِسَبَبْ دَا، بَنَاتْكُو يَبْقَنْ شَرَامِيطْ وَ عَوِينْ أَوْلَادْكُو يَبْقَنْ زَانِيَاتْ.

هُوشَع 11:7

شَعَبِي أَنْرَبَطَوْا فِي كُفُرْهُمْ. نَادَوْهُمْ لِيِشِيفُوا عَلَيِّ فَوْق وَ لَاكِنْ وَاحِدْ مِنْهُمْ كُلَ مَا رَفَعْ رَاسَهْ.»

قُضياء 2:17

وَ لَاكِنْ الشَّعَبْ أَبَوْا مَا يَسْمَعَوْا كَلَامْ حُكَّامْهُمْ وَ أَشَّرْمَطَوْا مَعَ إِلٰـهَاتْ آخَرِينْ وَ عَبَدَوْهُمْ. وَ عَجَلَةْ كَيْ بَسْ، هُمَّنْ أَبَوْا دَرِبْ جُدُودْهُمْ السِّمْعَوْا وَصَايَا اللّٰهْ وَ مَا سَوَّوْا مِثِلْهُمْ.

زَبُور 106:39

هُمَّنْ أَنَّجَّسَوْا بِفِعِلْهُمْ، أَيْوَى، بِعَمَلْهُمْ أَشَّرْمَطَوْا.

إشَعْيا 57:3

كَنْ لَيْكُو إِنْتُو، قَرُّبُوا تَعَالُوا هِنِي! يَا عِيَالْ الْمَرَةْ التِّحَجِّي بِعِلِمْ الْغَيْب! يَا إِنْتُو ذُرِّيَّةْ الزَّانِيَةْ الشَّرْمُوطَةْ!

حِزْقِيال 16:35

وَ فِي شَانْ دَا، أَسْمَعَيْ كَلَامْ اللّٰهْ، يَا الشَّرْمُوطَةْ!