إرْمِيا 3:20 - الكتاب المقدس بالعربي الدارجي هنا تشاد

²⁰ وَ لَاكِنْ إِنْتُو خُنْتُونِي، يَا نَاسْ إِسْرَائِيلْ، مِثِلْ مَرَةْ خَانَتْ رَاجِلْهَا. وَ دَا كَلَامْ اللّٰهْ.

إرْمِيا 3:20 Referenca të Kryqëzuara

إشَعْيا 48:8

أَيْوَى، إِنْتُو مَا سِمِعْتُوا شَيّءْ وَ لَا عِرِفْتُوا شَيّءْ، وَ أَبَداً مَا خَطَّيْتُوا أُدْنَيْكُو! أَشَانْ أَنَا نَعَرِفْكُو إِنْتُو خَايْنِينْ وَ مِنْ فِي بُطُونْ أَمَّهَاتْكُو، يِنَادُوكُو مُتَمَرِّدِينْ.

إرْمِيا 5:11

أَيْوَى، بَنِي إِسْرَائِيلْ وَ بَنِي يَهُوذَا خَانَوْنِي خِيَانَةْ كَبِيرَةْ.» وَ دَا كَلَامْ اللّٰهْ.

مَلاخِـي 2:11

بَنِي يَهُوذَا نَقَضَوْا الْمُعَاهَدَةْ وَ سَوَّوْا الْحَرَامْ فِي إِسْرَائِيلْ وَ فِي مَدِينَةْ الْقُدُسْ. أَشَانْ هُمَّنْ مَا أَحْتَرَمَوْا الْبَكَانْ الْمُقَدَّسْ الْاللّٰهْ يِرِيدَهْ وَ أَخَدَوْا عَوِينْ الْيَعَبُدَنْ إِلٰـهَاتْ آخَرِينْ.

هُوشَع 6:7

«نَقَضَوْا الْمُعَاهَدَةْ فِي حِلَّةْ آدَمْ أَشَانْ فِي الْبَكَانْ دَا، خَانَوْنِي.

هُوشَع 5:7

هُمَّنْ خَانَوْا اللّٰهْ أَشَانْ وِلْدَوْا عِيَالْ زِنَى. وَ فِي وَكِتْ قِصَيِّرْ بَسْ، يِدَّمَّرَوْا، هُمَّنْ وَ أَرْضُهُمْ.

هُوشَع 3:1

وَ اللّٰهْ قَالْ لَيِّ: «أَمْشِي حِبّ بَتَّانْ مَرْتَكْ الزَّانِيَةْ التِّحِبّ رَاجِلْ آخَرْ. وَ دَا مِثِلْ حُبِّي أَنَا اللّٰهْ لِبَنِي إِسْرَائِيلْ حَتَّى كَانْ هُمَّنْ مَشَوْا لِإِلٰـهَاتْ آخَرِينْ كُلَ وَ حَبَّوْا عَبُّودْ الْعِنَبْ الْقَدَّمَوْه لِلْإِلٰـهَاتْ دَوْل.»

إشَعْيا 24:16

وَ مِنْ طَرَفْ الْأَرْض، نَسْمَعَوْا غِنَيْ الْبُقُولْ: «الْمَجْد لِلّٰهْ الصَّادِقْ!» وَ لَاكِنْ أَنَا نُقُولْ: «أَنَا وَدَّرْت! أَنَا وَدَّرْت! الْعَذَابْ لَيِّ أَنَا! الْخَايْنِينْ خَانَوْا. خِيَانَةْ! الْخَايْنِينْ خَانَوْا.»

إرْمِيا 12:1

يَا اللّٰهْ، إِنْتَ عَادِلْ! وَ لَاكِنْ نِدَوْر نَشْكِي لَيْك. أَيْوَى، نِدَوْر نِحَجِّي مَعَاكْ فِي شَيّءْ بُخُصّ الشَّرِيعَةْ. مَالَا الْفَسْلِينْ يَنْجَحَوْا فِي خَطْوَاتْهُمْ؟ مَالَا الْخَايْنِينْ يَقْعُدُوا فِي الرَّاحَةْ بِخِيَانِتْهُمْ؟