إرْمِيا 3:12 - الكتاب المقدس بالعربي الدارجي هنا تشاد

¹² أَمْشِي، يَا إِرْمِيَا، نَادِي بِالْكَلَامْ دَا فِي الْمُنْشَاقْ وَ قُولْ: ‹خَلَاصْ قَبِّلِي تَعَالِي لَيِّ، يَا إِسْرَائِيلْ الْكَافْرَةْ. وَ دَا كَلَامْ اللّٰهْ. أَنَا مَا نِوَصِّفْ لَيْكِ غَضَبِي أَشَانْ أَنَا صَادِقْ، مَا نَكْرُبْ لَيْكِ فِي قَلْبِي دَايْماً. وَ دَا كَلَامْ اللّٰهْ.

إرْمِيا 3:12 Referenca të Kryqëzuara

حِزْقِيال 33:11

وَ قُولْ لَيْهُمْ: ‹دَاهُو كَلَامْ اللّٰهْ الرَّبّ: ”نَحْلِفْ بِأُسْمِي الْحَيّ، أَنَا مَا نَفْرَحْ بِمَوْت الْعَاصِي. لَاكِنْ خَلِّي يِقَبِّلْ مِنْ دَرْبَهْ الْفَسِلْ وَ يَحْيَى. قَبُّلُوا! قَبُّلُوا مِنْ دُرُوبْكُو الْفَسْلِينْ. مَالَا تِدَوْرُوا الْمَوْت، يَا بَنِي إِسْرَائِيلْ؟“›

زَبُور 86:15

وَ لَاكِنْ إِنْتَ، يَا رَبّ، إِنْتَ اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ.

إرْمِيا 33:26

وَ مِثِلْ دَا، أَنَا مَا نَقْدَرْ نِخَلِّي ذُرِّيَّةْ يَعْقُوبْ وَ ذُرِّيَّةْ دَاوُدْ عَبْدِي. وَ مِنْ ذُرِّيَّةْ دَاوُدْ بَسْ، نِشِيلْ مُلُوكْ الْيَمُلْكُوا فِي ذُرِّيَّةْ إِبْرَاهِيمْ وَ إِسْحَاقْ وَ يَعْقُوبْ. وَ نَرْحَمْهُمْ وَ نِقَبِّلْ نَاسْهُمْ الْوَدَّوْهُمْ فِي الْغُرْبَةْ.›»

إرْمِيا 31:20

وَ دَاهُو كَلَامْ اللّٰهْ: «وَ قَبِيلَةْ أَفْرَايِمْ مِثِلْ وِلَيْدِي النِّرِيدَهْ وَ هُو بَسْ الْيِجِيبْ لَيِّ الْفَرَحْ. وَ كَنْ قَرَّرْت ضِدَّهْ كُلَ، نِفَكِّرْ فَوْقَهْ بَتَّانْ. وَ مِثِلْ أَبُو، قَلْبِي شَغَّالْ بَيَّهْ هُو وَ نَرْحَمَهْ دَايْماً.»

إرْمِيا 3:22

قَبُّلُوا لَيِّ، يَا عِيَالْ الْكُفَّارْ، وَ أَنَا نَشْفِيكُو مَرَّةْ وَاحِدْ مِنْ كُفُرْكُو.» وَ هُمَّنْ قَالَوْا: «أَيْوَى، دَاهُو أَنِحْنَ جَايِينْ لَيْك أَشَانْ إِنْتَ بَسْ اللّٰهْ إِلٰـهْنَا.

إرْمِيا 3:18

وَ فِي الْوَكِتْ دَاكْ، بَنِي يَهُوذَا يِلِمُّوا مَعَ بَنِي إِسْرَائِيلْ. وَ مِنْ بَلَدْ الْمُنْشَاقْ هُمَّنْ يَجُوا سَوَا فِي الْبَلَدْ الْأَنَا أَنْطَيْتهَا لِجُدُودْهُمْ مِثِلْ وَرَثَةْ.»

إرْمِيا 30:11

أَنَا ذَاتِي دَايْماً نُكُونْ مَعَاكُو لِنِنَجِّيكُو. وَ أَنَا نِدَمِّرْ مَرَّةْ وَاحِدْ كُلَّ الْأُمَمْ الْأَنَا شَتَّتُّكُو فِي لُبُّهُمْ. وَ لَاكِنْ إِنْتُو، مَا نِدَمِّرْكُو مَرَّةْ وَاحِدْ. أَكِيدْ مَا نَجْعَلْكُو بَرِيِّينْ وَ لَاكِنْ نِأَدِّبْكُو بِمِيزْ.» وَ دَا كَلَامْ اللّٰهْ.

إرْمِيا 23:8

هُمَّنْ يِبَدُّلُوا حَلِيفِتْهُمْ وَ يَحَلْفُوا بِاللّٰهْ الْحَيّ، هُو الْمَرَقْ ذُرِّيَّةْ بَنِي إِسْرَائِيلْ مِنْ بَلَدْ الْمُنْشَاقْ وَ مِنْ كُلَّ الْبُلْدَانْ الْهُو شَتَّتَاهُمْ فَوْقهُمْ. وَ قَبَّلَاهُمْ فِي بَلَدْهُمْ وَ هُمَّنْ يَسْكُنُوا فَوْقهَا بَتَّانْ.»

إرْمِيا 4:1

وَ دَاهُو كَلَامْ اللّٰهْ: «يَا بَنِي إِسْرَائِيلْ! كَنْ تِقَبُّلُوا، قَبُّلُوا لَيِّ أَنَا. وَ كَنْ تِبَعُّدُوا الْمُحَرَّمَاتْ مِنْ قِدَّامِي، بَتَّانْ مَا تِعِيرُوا.

إرْمِيا 3:5

هَلْ الرَّبّ يَغْضَبْ لَيِّ دَايْماً؟ هَلْ غَضَبَهْ دَا يَقْعُدْ ضِدِّي إِلَى الْأَبَدْ؟› وَ مِثِلْ دَا بَسْ، إِنْتِ قَاعِدَةْ تِحَجِّي لَاكِنْ تِسَوِّي الْفَسَالَةْ التَّقْدَرَيْ تِسَوِّيهَا.»

زَبُور 145:8

اللّٰهْ هُو الرَّحْمـٰنْ الرَّحِيمْ وَ الصَّبُورْ وَ الْمُحِبّ.

زَبُور 86:5

يَا رَبّ، إِنْتَ زَيْن وَ غَفُورْ وَ رَحْمَتَكْ كَبِيرَةْ لِكُلَّ الْيِنَادُوكْ.

2 مُلوك 18:1

وَ فِي السَّنَةْ التَّالْتَةْ هَنَا حُكُمْ هُوشَعْ وِلَيْد إِيلَى مَلِكْ مَمْلَكَةْ إِسْرَائِيلْ، حِزْقِيَّا وِلَيْد أَحَازْ بِقِي مَلِكْ فِي مَمْلَكَةْ يَهُوذَا.

2 مُلوك 17:23

لَحَدِّي اللّٰهْ طَرَدَاهُمْ بَعِيدْ مِنَّهْ حَسَبْ الْكَلَامْ الْهُو قَالَهْ بِوَاسِطَةْ عَبِيدَهْ الْأَنْبِيَاء. وَ بَيْدَا نَاسْ مَمْلَكَةْ إِسْرَائِيلْ، كَرَبَوْهُمْ وَ وَدَّوْهُمْ فِي الْغُرْبَةْ فِي بَلَدْ أَشُورْ بَعِيدْ مِنْ بَلَدْهُمْ وَ قَاعِدِينْ هِنَاكْ لَحَدِّي الْيَوْم.

تَثْنِية 30:2

وَ كَنْ قَبَّلْتُوا لِلّٰهْ إِلٰـهْكُو وَ سِمِعْتُوا كَلَامَهْ بِكُلَّ قُلُوبْكُو وَ كُلَّ فِكِرْكُو إِنْتُو وَ عِيَالْكُو حَسَبْ الْأَمُرْ النُّقُولَهْ لَيْكُو الْيَوْم،

هُوشَع 6:1

«تَعَالُوا نِقَبُّلُوا لِلّٰهْ أَشَانْ هُو بَسْ الْجَرَحْنَا وَ هُو بَسْ الْيَشْفِينَا. هُو بَسْ الضَّرَبَانَا وَ هُو بَسْ الْيِدَاوِي عُوَارْنَا.

حِزْقِيال 39:25

وَ فِي شَانْ دَا، دَاهُو اللّٰهْ الرَّبّ قَالْ: «هَسَّعْ، أَنَا نِقَبِّلْ ذُرِّيَّةْ يَعْقُوبْ مِنْ بَلَدْ الْغُرْبَةْ وَ نَرْحَمْ كُلَّ بَنِي إِسْرَائِيلْ وَ نِوَصِّفْ غِيرْتِي فِي شَانْ أُسْمِي الْمُقَدَّسْ.

إرْمِيا 31:8

وَ اللّٰهْ قَالْ: «أَكِيدْ نِجِيبْهُمْ مِنْ بَلَدْ الْمُنْشَاقْ وَ نِلِمُّهُمْ مِنْ آخِرْ الدُّنْيَا. وَ فِي أُسُطْهُمْ فِيَّهْ عَمْيَانِينْ وَ الْعُرُجْ وَ الْعَوِينْ الْغَلْبَانَاتْ وَ الْيَلْدَنْ. وَ هُمَّنْ يَجُوا هِنِي، مَجْمُوعَةْ كَبِيرَةْ.

إرْمِيا 3:14

وَ دَاهُو كَلَامْ اللّٰهْ: «قَبُّلُوا تَعَالُوا لَيِّ، يَا عِيَالْ الْكُفَّارْ، أَشَانْ أَنَا بَسْ سِيدْكُو. نِشِيلْكُو وَاحِدْ مِنْ أَيِّ مَدِينَةْ وَ إِتْنَيْن مِنْ أَيِّ قَبِيلَةْ وَ نِقَبِّلْكُو فِي صَهْيُون.

إرْمِيا 3:7

وَ أَنَا نَحْسِبْ بَعَدْ هِي سَوَّتْ كُلَّ الشَّيّءْ دَا، هِي تِقَبِّلْ لَيِّ وَ لَاكِنْ هِي مَا قَبَّلَتْ لَيِّ. وَ أَخُتْهَا يَهُوذَا الْخَايْنَةْ شَافَتْ فِعِلْهَا.

إرْمِيا 3:1

وَ دَاهُو كَلَامْ اللّٰهْ: «كَنْ رَاجِلْ طَلَّقْ مَرْتَهْ وَ الْمَرَةْ دِي مَشَتْ أَخَدَتْ رَاجِلْ آخَرْ، هَلْ رَاجِلْهَا الْأَوَّلْ دَا، يَقْدَرْ يِقَبِّلْهَا وَلَّا؟ هَلْ هِي مَا أَنَّجَّسَتْ مِثِلْ الْأَرْض النَّجَاسِتْهَا مَا عِنْدَهَا عِلَاجْ؟ يَا مَدِينَةْ الْقُدُسْ، إِنْتِ أَشَّرْمَطْتِ مَعَ نَاسْ كَتِيرِينْ. هَسَّعْ دَا، تَقْدَرَيْ تِقَبِّلِي لَيِّ أَنَا وَلَّا؟

إشَعْيا 44:22

مِثِلْ الرِّيحْ تِشِيلْ السَّحَابْ، أَنَا مَحَيْت ذُنُوبَكْ. وَ مِثِلْ الرِّيحْ تِشِيلْ الْغَمَامْ، أَنَا قَشَّيْت خَطَايَاكْ. قَبِّلْ لَيِّ أَشَانْ أَنَا فَدَيْتَكْ.

أمْثال 28:13

الْيِلَبِّدْ خَطَايَهْ مَا يَنْجَحْ. وَ لَاكِنْ الْيُتُوبْ مِنْ خَطَايَهْ وَ يِخَلِّيهْ، اللّٰهْ يَرْحَمَهْ.

زَبُور 103:17

لَاكِنْ رَحْمَةْ اللّٰهْ قَاعِدَةْ دَايْماً وَ إِلَى الْأَبَدْ فِي النَّاسْ الْيَخَافَوْا مِنَّهْ. وَ عَدَالْتَهْ لِعِيَالْ عِيَالْهُمْ،

زَبُور 103:8

اللّٰهْ هُو الرَّحْمـٰنْ الرَّحِيمْ وَ الصَّبُورْ وَ الْمُحِبّ.

زَبُور 79:5

يَا اللّٰهْ، لِمَتَى تَغْضَبْ؟ إِلَى الْأَبَدْ؟ وَ لِمَتَى غِيرْتَكْ تَحْرِقْ مِثِلْ النَّارْ؟

2 أخبار 30:9

أَشَانْ كَنْ وَجَّهْتُوا عَلَيْ اللّٰهْ، أَخْوَانْكُو وَ أَخْوَاتْكُو يَلْقَوْا الرَّحْمَةْ مِنْ النَّاسْ الْكَرَبَوْهُمْ وَ وَدَّوْهُمْ مَسَاجِينْ وَ يِخَلُّوهُمْ يِقَبُّلُوا فِي الْبَلَدْ دِي. أَشَانْ اللّٰهْ إِلٰـهْكُو هُو الرَّحْمـٰنْ الرَّحِيمْ وَ مَا يِخَلِّيكُو أَبَداً كَنْ إِنْتُو وَجَّهْتُوا عَلَيَّهْ.»

2 مُلوك 17:6

وَ فِي السَّنَةْ التَّاسْعَةْ هَنَا حُكُمْ هُوشَعْ، مَلِكْ أَشُورْ شَالْ مَدِينَةْ السَّامِرَةْ وَ وَدَّى نَاسْ مَمْلَكَةْ إِسْرَائِيلْ فِي الْغُرْبَةْ فِي بَلَدْ أَشُورْ. وَ هُو سَكَّنَاهُمْ فِي حِلَّةْ حَلَحْ فِي خَشُمْ بَحَرْ حَابُرْ فِي مَنْطَقَةْ قُزَانْ وَ فِي حِلَّالْ الْمَادِيِّينْ.

2 مُلوك 15:29

وَ وَكِتْ الْفَقَحْ قَاعِدْ يَمْلُكْ فِي مَمْلَكَةْ إِسْرَائِيلْ، تَغْلَتْ فَلَاسَرْ مَلِكْ بَلَدْ أَشُورْ جَاءْ وَ شَالْ حِلَّالْ عِيُونْ وَ آبِلْ بَيْت مَعَاكَةْ وَ يَنُوحْ وَ قَدَشْ وَ حَاصُورْ وَ تُرَابْ قِلْعَادْ وَ بَلَدْ الْجَلِيلْ وَ كُلَّ أَرْض نَفْتَالِي. وَ وَدَّى سُكَّانْهُمْ فِي الْغُرْبَةْ فِي بَلَدْ أَشُورْ.

تكوين 4:7

كَنْ عَمَلَكْ عَدِيلْ، مَا نَرْضَى بَيْك وَلَّا؟ لَاكِنْ كَنْ عَمَلَكْ مَا عَدِيلْ، الذَّنِبْ جَاهِزْ فِي خَشُمْ الْبَابْ وَ يِدَوْر يَكُرْبَكْ. لَاكِنْ إِنْتَ كَمَانْ أَقْدَرْ فَوْقَهْ!»

لاوِيِّين 26:40

«وَ لَاكِنْ يِعْتَرُفُوا بِخَطَاهُمْ وَ خَطَا أَبَّهَاتْهُمْ وَ يُقُولُوا هُمَّنْ سَوَّوْا خِيَانَةْ لَحَدِّي قَمَّوْا ضِدِّي.

زَبُور 103:9

هُو مَا يِحَاكِمْ دَايْماً وَ مَا يَغْضَبْ إِلَى الْأَبَدْ.

إرْمِيا 11:6

وَ بَعَدْ دَا، اللّٰهْ قَالْ لَيِّ: «أَمْشِي فِي حِلَّالْ بَلَدْ يَهُوذَا وَ فِي شَوَارِعْ مَدِينَةْ الْقُدُسْ وَ قُولْ الْكَلَامْ دَا: ‹أَسْمَعَوْا كَلَامْ الْمُعَاهَدَةْ وَ طَبُّقُوهَا.

إرْمِيا 12:15

وَ لَاكِنْ بَعَدْ مَلَّطْتُهُمْ، بَتَّانْ أَنَا نَرْحَمْهُمْ وَ نِقَبِّلْهُمْ أَيِّ وَاحِدْ فِي أَرْض وَرَثَتَهْ وَ أَيِّ وَاحِدْ فِي بَلَدَهْ.

مَراثِي إرْمِيا 3:22

خَيْر اللّٰهْ أَبَداً مَا يِنْقَطِعْ وَ رَحْمَتَهْ أَبَداً مَا تِكَمِّلْ!

حِزْقِيال 11:17

وَ فِي شَانْ دَا، قُولْ لَيْهُمْ: ‹دَاهُو اللّٰهْ الرَّبّ قَالْ: ”أَنَا نِلِمُّكُو مِنْ أُسْط الشُّعُوبْ وَ نَجْمَعْكُو مِنْ الْبُلْدَانْ الْإِنْتُو مُشَتَّتِينْ فَوْقهُمْ وَ نَنْطِيكُو بَتَّانْ بَلَدْ إِسْرَائِيلْ.

2 أخبار 29:10

وَ هَسَّعْ دَا، أَنَا شِلْت نِيَّةْ نِسَوُّوا مُعَاهَدَةْ مَعَ اللّٰهْ إِلٰـهْ بَنِي إِسْرَائِيلْ أَشَانْ يَرْفَعْ مِنِّنَا غَضَبَهْ الْمُحْرِقْ.

إشَعْيا 31:6

يَا بَنِي إِسْرَائِيلْ، قَبُّلُوا عَلَيْ الْأَبَيْتُوهْ مَرَّةْ وَاحِدْ!

إرْمِيا 31:21

غُزِّي لَيْكِ إِشَارَاتْ فِي الطَّرِيقْ وَ خُطِّي عَمَدْ مِثِلْ عَلَامَاتْ. فَكِّرِي فِي دَرِبْكِ وَ دَا الدَّرِبْ الْإِنْتِ مَشَيْتِ بَيَّهْ. تَعَالِي، يَا بِنْت أَمِّي الْعُدْرِيَّةْ إِسْرَائِيلْ! تَعَالِي! قَبِّلِي لِمُدُنْكِ الْحَلَالْكِ.

زَكَرِيَّا 1:4

مَا تَبْقَوْا مِثِلْ جُدُودْكُو. زَمَانْ، الْأَنْبِيَاء حَجَّوْا لَيْهُمْ بِكَلَامِي أَنَا اللّٰهْ الْقَادِرْ وَ قَالَوْا لَيْهُمْ يِقَبُّلُوا لَيِّ وَ يِخَلُّوا دَرِبْهُمْ الْفَسِلْ وَ عَمَلْهُمْ الْفَسِلْ. وَ لَاكِنْ هُمَّنْ مَا خَطَّوْا بَالْهُمْ لَيِّ وَ لَا سِمْعَوْا كَلَامِي. وَ دَا كَلَامْ اللّٰهْ.