إرْمِيا 29:7 - الكتاب المقدس بالعربي الدارجي هنا تشاد

⁷ فَتُّشُوا السَّلَامْ لِلْمَدِينَةْ الْأَنَا وَدَّيْتكُو فَوْقهَا فِي الْغُرْبَةْ. وَ أَسْأَلَوْا اللّٰهْ لِلْمَدِينَةْ دِي أَشَانْ سَلَامْهَا هِي، سَلَامْكُو إِنْتُو كُلَ.»

إرْمِيا 29:7 Referenca të Kryqëzuara

عَزْرا 6:10

وَ رُجَالْ الدِّينْ يِقَدُّمُوا الضَّحَايَا دَوْل لِرَبّ السَّمَاوَاتْ أَشَانْ هُو يَرْضَى بِرِيحَةْ الضَّحَايَا. وَ مِثِلْ دَا، هُمَّنْ يَسْأَلَوْا اللّٰهْ لِلْمَلِكْ وَ لِأَوْلَادَهْ أَشَانْ اللّٰهْ يِبَارِكْهُمْ.

دَنْيال 4:27

«فِي شَانْ دَا، يَا الْمَلِكْ، مِنْ فَضْلَكْ كَنْ قَاسِي لَيْك كُلَ، أَسْمَعْ كَلَامِي. خَلِّي مِنَّكْ الذَّنِبْ وَ سَوِّي الْعَدَالَةْ وَ خَلِّي الْخَطَايَا وَ أَرْحَمْ الْمَسَاكِينْ. وَ بَيْدَا، نَفْسَكْ تُكُونْ مُرْتَاحَةْ دَايْماً.»

عَزْرا 7:23

وَ كُلَّ شَيّءْ الْأَمَرَاكُو رَبّ السَّمَاوَاتْ لِتِسَوُّوهْ لِبَيْتَهْ، سَوُّوهْ عَدِيلْ أَشَانْ اللّٰهْ مَا يَغْضَبْ لِمَمْلَكَتِي وَ لِذُرِّيّتِي.

رَوْمَا 13:1

خَلِّي أَيِّ نَادُمْ يَسْمَعْ كَلَامْ الْحَكُومَةْ أَشَانْ مَا فِي حَكُومَةْ إِلَّا بِإِذِنْ اللّٰهْ وَ أَيِّ حَكُومَةْ الْقَاعِدَةْ، اللّٰهْ أَسَّسَاهَا.

دَنْيال 4:19

وَ دَنْيَالْ الْبِسَمُّوهْ بَلْطَشَاصَرْ أَنْبَهَتْ لِوَكِتْ شِيَّةْ وَ فِكْرَهْ بَرْجَلَهْ. وَ الْمَلِكْ قَالْ لَيَّهْ: «يَا بَلْطَشَاصَرْ، خَلِّي الْحِلِمْ وَ تَفْسِيرَهْ مَا يِبَرْجُلُوكْ.» وَ بَلْطَشَاصَرْ رَدَّ لَيَّهْ وَ قَالْ: «يَا سِيدِي الْمَلِكْ، يَارَيْت الْحِلِمْ دَا كَنْ بِقِي فِي عُدْوَانَكْ وَ تَفْسِيرَهْ بِقِي فِي خُصْمَانَكْ!

رَوْمَا 13:5

فِي شَانْ دَا، وَاجِبْ تَسْمَعَوْا كَلَامْ الْحَكُومَةْ. وَ دَا مَا لِتَخَافَوْا مِنْ غَضَبْ اللّٰهْ بَسْ لَاكِنْ لِتَلْقَوْا نِيَّةْ مُخْلِصَةْ.

زَبُور 122:6

أَسْأَلَوْا السَّلَامْ لِمَدِينَةْ الْقُدُسْ وَ قُولُوا: «خَلِّي الْيِحِبُّوكِ يَقْعُدُوا بِأَمَانْ!

إرْمِيا 38:4

وَ الْكُبَارَاتْ دَوْل قَالَوْا لِلْمَلِكْ: «النَّادُمْ دَا، وَاجِبْ يُمُوتْ! أَشَانْ هُو بَسْ قَاعِدْ يِخَوِّفْ الْعَسْكَرْ الْفَضَّلَوْا فِي الْمَدِينَةْ وَ كُلَّ الشَّعَبْ بِكَلَامَهْ دَا. هُو مَا يِدَوْر الْخَيْر لِلشَّعَبْ دَا وَ لَاكِنْ يِدَوْر لَيْهُمْ الْفَسَالَةْ.»

حِزْقِيال 11:16

«وَ فِي شَانْ دَا، قُولْ لِلنَّاسْ الْفِي الْغُرْبَةْ: ‹دَاهُو اللّٰهْ الرَّبّ قَالْ: ”حَتَّى كَانْ أَنَا بَعَّدْتُكُو فِي الْأُمَمْ وَ شَتَّتُّكُو فِي الْبُلْدَانْ كُلَ، حَضَرَتِي بِقَتْ لَيْكُو مِثِلْ بَيْت مُقَدَّسْ فِي أَيِّ بَلَدْ الْإِنْتُو مَشَيْتُوا فَوْقهَا.“›