إرْمِيا 29:26 - الكتاب المقدس بالعربي الدارجي هنا تشاد

²⁶ اللّٰهْ سَوَّاكْ رَاجِلْ دِينْ فِي بَدَلْ يَهُويَدَعْ رَاجِلْ الدِّينْ أَشَانْ تِرَاقِبْ فِي بَيْت اللّٰهْ. وَ أَيِّ نَادُمْ الْيِشَوْطِنْ وَ يِتْنَبَّأْ، إِنْتَ تِقّيِّدَهْ وَ تِدِسّ لَيَّهْ جِنْزِيرْ فِي رَقَبَتَهْ.

إرْمِيا 29:26 Referenca të Kryqëzuara

2 مُلوك 9:11

وَ يَاهُو مَرَقْ جَاءْ لِمَسَائِيلْ سِيدَهْ الْمَلِكْ وَ هُمَّنْ سَأَلَوْه وَ قَالَوْا لَيَّهْ: «هَلْ عَافَيْ بَسْ؟ مَالَا الْمُشَوْطِنْ دَا جَاءْ لَيْك؟» وَ يَاهُو رَدَّ لَيْهُمْ وَ قَالْ: «إِنْتُو تَعَرْفُوا النَّاسْ الْمِثِلْ دَوْل وَ كَلَامْهُمْ السَّاكِتْ بَسْ.»

أعمال الرُسُل 26:24

وَ وَكِتْ بُولُسْ قَاعِدْ يِدَافِعْ لِنَفْسَهْ مِثِلْ دَا، فَسْتُسْ حَجَّى بِحِسّ عَالِي وَ قَالْ: «بُولُسْ! إِنْتَ مُشَوْطِنْ! قَرَيْت كَتِيرْ لَحَدِّي عَقْلَكْ لَفَّ!»

يُوحَنَّا 10:20

كَتِيرِينْ مِنْهُمْ قَاعِدِينْ يُقُولُوا: «هُو مُشَوْطِنْ. عَقْلَهْ لَفَّ خَلَاصْ! مَالْكُو تَسْمَعَوْا كَلَامَهْ؟»

هُوشَع 9:7

يَوْم الْعِقَابْ جَاءْ وَ يَوْم الْحِسَابْ وَصَّلْ. خَلِّي بَنِي إِسْرَائِيلْ يَعَرْفُوهْ! هُمَّنْ قَالَوْا: «النَّبِي مُنَافِقْ وَ النَّادُمْ النَّزَلْ فَوْقَهْ رُوحْ اللّٰهْ دَا، مُشَوْطِنْ.» خَطَايَاهُمْ بِقَوْا كَتِيرِينْ وَ عَدَاوِتْهُمْ بِقَتْ شَدِيدَةْ.

أعمال الرُسُل 16:24

وَ فِي شَانْ الْأَمُرْ دَا، الْحَرَسْ وَدَّاهُمْ فِي الْبَكَانْ الدَّاخَلْ فِي لُبّ السِّجِنْ وَ قَيَّدَاهُمْ مِنْ رِجْلَيْهُمْ فِي الْحَطَبْ التَّقِيلْ.

مَرْخُوس 3:21

وَ أَخْوَانْ عِيسَى سِمْعَوْا بِالْخَبَرْ دَا وَ قَمَّوْا لِيَكُرْبُوهْ. وَ قَالَوْا: «هُو رَاسَهْ لَفَّ خَلَاصْ.»

رُؤية 2:10

مَا تَخَافْ مِنْ الضِّيقَةْ الْقَرِيبْ تَجِيكْ. خُطُّوا بَالْكُو! إِبْلِيسْ يَكْرُبْ وَاحِدِينْ مِنْكُو فِي السِّجِنْ وَ إِيمَانْكُو يِجَرُّبُوهْ. وَ فِي مُدَّةْ عَشَرَةْ يَوْم، تِضَيُّقُوا ضِيقَةْ شَدِيدَةْ. أَقْعُدُوا ثَابْتِينْ فِي إِيمَانْكُو لَحَدِّي الْمَوْت وَ خَلَاصْ نَنْطِيكُو تَاجْ هَنَا الْحَيَاةْ الْأَبَدِيَّةْ.

2 كُرُنْتُس 11:33

وَ أَنَا دَا، الْأَخْوَانْ دَلَّوْنِي بِشَبَكَةْ مِنْ شُبَّاكْ وَاحِدْ الْقَاعِدْ فِي دُرْدُرْ الْمَدِينَةْ وَ مِثِلْ دَا بَسْ نِجِيتْ مِنَّهْ.

أعمال الرُسُل 26:11

وَ أَنَا قَاعِدْ نِتَعِّبْهُمْ بِلْحَيْن فِي كُلَّ بُيُوتْ الصَّلَاةْ وَ جَبَرْتُهُمْ أَشَانْ يَكْفُرُوا بِعِيسَى. وَ أَنَا زَعْلَانْ مِنْهُمْ زَعَلْ شَدِيدْ لَحَدِّي مَرَقْت مِنْ بَلَدْنَا كُلَ لِنِتَعِّبْهُمْ فِي حِلَّالْ الْبَرَّا مِنْ بَلَدْنَا.

أعمال الرُسُل 5:24

وَ كَبِيرْ حُرَّاسْ بَيْت اللّٰهْ وَ كُبَارَاتْ رُجَالْ الدِّينْ سِمْعَوْا الْكَلَامْ دَا وَ مَا عِرْفَوْا يِسَوُّوا شُنُو. وَ أَسَّاءَلَوْا أَمْبَيْنَاتْهُمْ وَ قَالَوْا: «كِكَّيْف الْكَلَامْ دَا يِكَمِّلْ؟»

أعمال الرُسُل 5:18

وَ كَرَبَوْا الرُّسُلْ وَ دَسَّوْهُمْ فِي السِّجِنْ.

أعمال الرُسُل 4:1

وَ وَكِتْ بُطْرُسْ وَ يُوحَنَّا قَاعِدِينْ يِحَجُّوا لِلنَّاسْ اللَّامِّينْ، رُجَالْ الدِّينْ وَ نَاسْ مِنْ الصَّدُّوقِيِّينْ وَ كَبِيرْ الْعَسْكَرْ حُرَّاسْ بَيْت اللّٰهْ جَوْا لَيْهُمْ.

يُوحَنَّا 10:33

وَ الْيَهُودْ رَدَّوْا لَيَّهْ وَ قَالَوْا: «مَا نِدَوْرُوا نَرْجُمُوكْ بِسَبَبْ حَسَنَةْ. نَرْجُمُوكْ أَشَانْ إِنْتَ مُشْرِكْ. إِنْتَ إِنْسَانِي بَسْ وَ سَوَّيْت نَفْسَكْ اللّٰهْ!»

يُوحَنَّا 8:53

تُقُولْ إِنْتَ أَكْبَرْ مِنْ أَبُونَا إِبْرَاهِيمْ وَلَّا؟ هُو مَاتْ. وَ الْأَنْبِيَاء مَاتَوْا. تُقُولْ إِنْتَ يَاتُو؟»

مَتَّى 21:23

وَ وَكِتْ عِيسَى دَخَلْ بَيْت اللّٰهْ، بَدَا يِعَلِّمْ النَّاسْ. وَ كُبَارَاتْ رُجَالْ الدِّينْ وَ الشُّيُوخْ جَوْا لَيَّهْ وَ سَأَلَوْه وَ قَالَوْا: «تِسَوِّي الْخِدْمَةْ دِي بِإِذِنْ يَاتُو؟ وَ يَاتُو الْأَنْطَاكْ الْإِذِنْ دَا؟»

إرْمِيا 38:28

وَ إِرْمِيَا قَعَدْ فِي فَضَايَةْ الْحُرَّاسْ لَحَدِّي يَوْم شَالَوْا مَدِينَةْ الْقُدُسْ. وَ بَعَدْ دَا، مَدِينَةْ الْقُدُسْ وَقَعَتْ.

إرْمِيا 38:6

وَ خَلَاصْ، هُمَّنْ شَالَوْا إِرْمِيَا وَ زَقَلَوْه فِي نُقْرَةْ الْيَخْزُنُوا فَوْقهَا أَلْمِي. وَ النُّقْرَةْ دِي هِنْت مَلْكِيَّا مِنْ ذُرِّيَّةْ الْمَمْلَكَةْ وَ قَاعِدَةْ فِي فَضَايَةْ الْحُرَّاسْ. وَ هُمَّنْ نَزَّلَوْه لِإِرْمِيَا فِي لُبَّهَا بِحُبَالْ. وَ النُّقْرَةْ دِي مَا عِنْدَهَا أَلْمِي إِلَّا الطِّينَةْ بَسْ وَ إِرْمِيَا دَخَلْ فِي لُبّ الطِّينَةْ دِي.

إرْمِيا 29:27

وَ كَنْ مِثِلْ دَا، مَالَا مَا كَرَبْت إِرْمِيَا الْمِنْ حِلَّةْ عَنَتُوتْ السَّوَّى نَفْسَهْ نَبِي فِي أُسُطْكُو؟

2 أخبار 18:26

وَ قُولُوا لَيْهُمْ: ‹دَاهُو كَلَامْ الْمَلِكْ هُو قَالْ: ”دِسُّوا النَّادُمْ دَا فِي السِّجِنْ وَ أَنْطُوهْ خُبْزَةْ وَ أَلْمِي شِيَّةْ شِيَّةْ بَسْ لَحَدِّي أَنَا نِقَبِّلْ بِالصِّحَّةْ وَ السَّلَامَةْ.“›»

2 أخبار 16:10

وَ آسَا زِعِلْ فِي النَّبِي وَ قَيَّدَهْ فِي السِّجِنْ وَ هُو غِضِبْ زِيَادَةْ بِسَبَبْ الْكَلَامْ دَا. وَ فِي الْوَكِتْ دَا، هُو قَمَّ يِتَعِّبْ وَاحِدِينْ مِنْ الشَّعَبْ كُلَ.

2 مُلوك 11:18

وَ كُلَّ الشَّعَبْ مَشَوْا بَيْت الْعِبَادَةْ هَنَا بَعَلْ وَ هَدَّمَوْه وَ دَمَّرَوْا مَدَابْحَهْ وَ أَصْنَامَهْ كُلَ. وَ قِدَّامْ الْمَدَابِحْ، كَتَلَوْا مَتَّانْ رَاجِلْ الدِّينْ هَنَا بَعَلْ. وَ بَعَدْ دَا، رَاجِلْ الدِّينْ يَهُويَدَعْ خَطَّ مُرَاقِبِينْ فِي بَيْت اللّٰهْ.

2 مُلوك 11:15

وَ رَاجِلْ الدِّينْ يَهُويَدَعْ أَنْطَى أَمُرْ لِقُيَّادْ الْمِيَاتْ الْمُكَلَّفِينْ بِالْعَسْكَرْ وَ قَالْ: «أَمُرْقُوهَا بَرَّا مِنْ صُفُوفْكُو. وَ أَيِّ نَادُمْ الْيِتَابِعْهَا، أَكْتُلُوهْ بِالْسَّيْف.» أَشَانْ هُو مَا دَوَّرْ يَكْتُلُوهَا فِي بَيْت اللّٰهْ.

أعمال الرُسُل 26:25

وَ بُولُسْ رَدَّ لَيَّهْ وَ قَالْ: «يَا السَّيِّدْ فَسْتُسْ، أَنَا مَا مُشَوْطِنْ. كَلَامِي صَحِيحْ وَ كَلَامِي مَعْقُولْ.

زَكَرِيَّا 13:1

«وَ فِي الْيَوْم دَا، تَمْرُقْ عَيْن أَلْمِي التِّغَسِّلْ ذُرِّيَّةْ دَاوُدْ وَ سُكَّانْ مَدِينَةْ الْقُدُسْ مِنْ ذُنُوبْهُمْ وَ نَجَاسِتْهُمْ.»