إرْمِيا 29:25 - الكتاب المقدس بالعربي الدارجي هنا تشاد

²⁵ ‹دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ”إِنْتَ رَسَّلْت جَوَابْ بِأُسْمَكْ لِكُلَّ الشَّعَبْ الْقَاعِدِينْ فِي مَدِينَةْ الْقُدُسْ وَ لِصَفَنْيَا وِلَيْد مَعَسِيَّا رَاجِلْ الدِّينْ وَ لِكُلَّ رُجَالْ الدِّينْ الْآخَرِينْ.“›» وَ دَاهُو الْكَلَامْ الْمَكْتُوبْ فِي الْجَوَابْ:

إرْمِيا 29:25 Referenca të Kryqëzuara

إرْمِيا 52:24

وَ بَتَّانْ كَبِيرْ الْحُرَّاسْ كَرَبْ سَرَايَا كَبِيرْ رُجَالْ الدِّينْ وَ صَفَنْيَا رَاجِلْ الدِّينْ النَّايِبْ وَ الْحُرَّاسْ التَّلَاتَةْ هَنَا مَدَخَلْ بَيْت اللّٰهْ.

إرْمِيا 37:3

وَ بَيْدَا كُلَ، الْمَلِكْ صِدْقِيَّا رَسَّلْ يَهُوكَلْ وِلَيْد شَلَمْيَا وَ صَفَنْيَا وِلَيْد مَعَسِيَّا رَاجِلْ الدِّينْ أَشَانْ يُقُولُوا لِلنَّبِي إِرْمِيَا: «مِنْ فَضْلَكْ، أَسْأَلْ اللّٰهْ إِلٰـهْنَا فِي شَانَّا!»

إرْمِيا 29:29

وَ صَفَنْيَا رَاجِلْ الدِّينْ قَرَى الْجَوَابْ دَا قِدَّامْ النَّبِي إِرْمِيَا.

أعمال الرُسُل 9:2

وَ طَلَبْ مِنَّهْ جَوَابَاتْ لِبُيُوتْ الصَّلَاةْ فِي مَدِينَةْ دِمَشْق. وَ فِي الْجَوَابَاتْ دَوْل، يَنْطُوهْ إِذِنْ أَشَانْ يَكْرُبْ أَيِّ نَادُمْ الْيِتَابِعْ دَرِبْ عِيسَى الْمَسِيحْ، كَنْ رَاجِلْ وَلَّا مَرَةْ. وَ فِي أَيِّ بَكَانْ الْيَلْقَاهُمْ فَوْقَهْ، يَكْرُبْهُمْ وَ يِوَدِّيهُمْ مُقَيَّدِينْ فِي مَدِينَةْ الْقُدُسْ.

نَحَمْيا 6:17

وَ فِي الْوَكِتْ دَا، كَتِيرِينْ مِنْ كُبَارَاتْ الْيَهُودْ قَاعِدِينْ يِرَسُّلُوا جَوَابَاتْ لِطُوبِـيَّا الْمِنْ بَنِي عَمُّونْ وَ طُوبِـيَّا كُلَ قَاعِدْ يِرَسِّلْ.

نَحَمْيا 6:5

وَ فِي الْمَرَّةْ الْخَامْسَةْ كَمَانْ، سَنْبَلَطْ رَسَّلْ لَيِّ نَفْس الْكَلَامْ بِوَاسِطَةْ خَدَّامَهْ وَ الْخَدَّامْ دَا عِنْدَهْ فِي إِيدَهْ جَوَابْ فَاتِحْ الْأَيِّ نَادُمْ اللِّقَاهْ يَقْدَرْ يَقْرِيهْ.

2 أخبار 32:17

وَ الْمَلِكْ سَنْحَرِيبْ كُلَ كَتَبْ جَوَابَاتْ الْعَيَّرْ فَوْقهُمْ اللّٰهْ إِلٰـهْ بَنِي إِسْرَائِيلْ وَ قَالْ: «مِثِلْ كُلَّ إِلٰـهَاتْ أُمَمْ الْبُلْدَانْ مَا قِدْرَوْا نَجَّوْا شَعَبْهُمْ مِنْ إِيدِي، إِلٰـهْ حِزْقِيَّا كُلَ مَا يَقْدَرْ يِنَجِّي شَعَبَهْ مِنْ إِيدِي.»

2 مُلوك 19:14

وَ حِزْقِيَّا شَالْ الْجَوَابْ مِنْ إِيدَيْ الْمُرَسَّلِينْ وَ قَرَاهْ. وَ مَشَى لِبَيْت اللّٰهْ وَ فَتَحْ الْجَوَابْ دَا قِدَّامْ اللّٰهْ.

2 مُلوك 19:9

وَ خَلَاصْ، مَلِكْ بَلَدْ أَشُورْ سِمِعْ خَبَرْ. وَ الْخَبَرْ دَا بُقُولْ: «تِرْهَاقَا مَلِكْ بَلَدْ الْحَبَشَةْ قَمَّ جَايِ لِيِحَارِبَكْ.» وَ خَلَاصْ، مَلِكْ أَشُورْ رَسَّلْ مُرَسَّلِينْ لِحِزْقِيَّا وَ قَالْ لَيْهُمْ:

إرْمِيا 29:1

وَ النَّبِي إِرْمِيَا كَتَبْ جَوَابْ مِنْ مَدِينَةْ الْقُدُسْ لِلْفَضَّلَوْا فِي بَابِلْ مِنْ الْكُبَارَاتْ وَ رُجَالْ الدِّينْ وَ الْأَنْبِيَاء وَ كُلَّ الشَّعَبْ النَّبُوخَدْنَصَرْ شَالَاهُمْ مِنْ مَدِينَةْ الْقُدُسْ وَ وَدَّاهُمْ فِي الْغُرْبَةْ.